HTX Kôngz lông njuôz 26/3 tsa tơưv luz 4/2016, muôx 7 thành viên chos 3 ha jâuz, sir zôngv têx car tsuôs đêx tưx ntuz, tsêr vak thiaz muôz nôngz yiaz chos. Txos nhiv no, HTX siz khov đros 15 ziv ntơưv xã Chiềng Mung, uô jâuz trơưk xav VietGAP, chos luk “5 tsik muôx” (tsik muôx yuôx tuô đrox, tsik muôx tuô caz, tsik yuôx cxơưz hloz sai, tsik muôx qir hóa học, tsik muôx nôngz chos hlôngr txia).

Kriz đar zuôr hur si têx jâuz, HTX tsưx trơưr 4 qar thaz nzưr muôs jâuz, ok njuôz, hur ntơưv ciaz 7/11, ciaz Rặng Tếch, ciaz 308, ciaz Chiềng An. Iz chas ntơư, HTX chos luk muôs têx jâuz hur trâu 1 luz tsêr kho moz, 13 luz yar cơưv thax tsav Tô Hiệu, Chiềng Sinh, Chiềng Cơi. Xav siz bâus iz shông HTX muôs tâu yax 100 tấn jâuz, kol, txir cxuô zav. Xav hur si muôs tâu 2,8 tiv nhiax, muôx hâux lưv uô tsik so trâu yax 10 tus nênhs, xav nhiax hli tâu txix 7-10 triệu đaiv/nênhs/hli; muôx nuv uô trơưk chaix trâu 30 tus nênhs zuk thax tsav, xav sâu tâu 250 cxênhz đaiv nhiax/hli.

Tsik zos muôx jâuz kol txir muôs xưz, faz tsưr “Tsêr uô jâuz mor hur 26/3” tsênhv tâu  HTX uô txix shông 2023 txos nhiv no, paz trâu têx jâuz muôs tâu gri. Ntơưv qơư muôs jâuz Njuôz 26/3, số 87, cêr Giảng Lắc, tổ 3 Quyết Thắng, phường Tô Hiệu, têx jâuz tâu por hưv hur si; muôx 6 luz tủ txiak chia ntiv jâuz, kok, graix. Têx kar nox tâu bax, uô cias hâur hnuz ntơư, chok nxiak nhôngk tsiak kaz, paz kruô txuôs tâu six hơưv, tso siaz zos hur kaz muôx cuôz.

Pos Hoàng Thị Thắm, Phó Giám đốc HTX, thav pâuz: Siz bâus iz hnuz “Qơư uô nox njuôz 26/3” uô tâu li 100 suất nox, đros trâu zuôr luôs 20 zav kar nox tsik siz thôngx, txix li zav kaz njêr, cuô, súp txos têx zav uô tsês li salat, mỳ siz tor, kuz thaz câur, nem thênh. Hur si têx kar nox đros têx jâuz hur ntơưv HTX thiaz graix tsiax, graix njêk tâu cxênhz saiz ntov nti. Đuô li, HTX tsênhv uô jông cxênhz pâuz txix li qar huv jâuz hur 26/3 yênhx qơư huv njuôz 26/3, sir zôngv mạng xã hội facebook, zalo thiaz têx zav sâuv mạng xã hội tiktok chia yâu mông, đros trâu muôs online thiaz zok huv  txos cias qơư zuôr.

Pos Phạm Phương Thảo, tổ 11 Chiềng Lề, phường Tô Hiệu, thav pâuz: Qơư muôs jông li iz luz ciaz zâu, txix têx txux lov txos têx zav kar nox uô tơưv, uô tsês puôr lênhx cxix cxuô. Viv li, cur tưz txuôs tâu ntâu six hơưv, chok nxiak bluôk nox ntơưv ziv nênhs xik ndâux kaz lok.

Kriz đar cêr uô luôv, muôx ntâu nuv uô trâu tiz nênhs, HTX tok nrư tâu txaik têx pênhr nhiax ntơưv tỉnh chia kriz đar qơư chos jâuz trâu tsêr vak, sir zôngv chuôz zênhx jông uô tơưv cxuô zav jâuz tsik trơưk chaix, cxiv tsa tsêr uô jâuz trơưk cêr xav jông. Côngv uô tơưv cxuô zav jâuz, kol, txir chuôz zênhx jông; siz khov kriz đar cêr pâur muôs têx huv kôngz txir hur ntơưv Sơn La txos têk nênhs sir zôngv hâur hur si têz qơưk.

Cêr lês fiv huv, txơưx uô tơưv ntơưv HTX Kôngz lông njuôz 26/3 tsik zos haik tsênhz iz faz tsưr ziv lês fiv huv, tsênhv paz truz lur cêr siz đrus ntơưv nênhs uô tơưv thiaz nênhs sir zôngv. Qơư lês “txix vax lôngs txos trôngx nox” tâu lês muk đêz đar zuôr paz cxơưz uô kôngz lông truôx njês, cxiv tsa cêr sưv sir zôngv nhaz xênhz, vav mênhx.