Txơưv hâux lưv lok six ntâu, taz sik niav lâuk Lê Thị Hồng Anh, Giám đốc Trung tâm cxưx nhhiax, cxơưz cêr lax luôv thiaz nuôv zax tỉnh cux lâux hâux lưv thav kria nưk têx hâux lưv siz khov muôs têx kôngz hur Sơn La trâu cxuô qơư.

Kriz fâu ntơưr sâu têx hâux lưv lês hâur iz shông đhâu, niav lâuk Hồng Anh, shir phaz lus haik: Têx phix muk uô côngz xưv ntêr hnuz txix Kâuv têz – Đruôz đraz têz - Kaz têz chia chox Sơn La têx kôngz hur muk piar muôs, ntơư zos yênhx jias lês tiar hâux lưv trơưk tuôr xav. Uô ntêx yênhx jias muôs huv, mak zuôr tsuv bax cxix cxuô tsar zav, têx hã huv zos kôngz lông, uô tưz jông ntiv, xa trâu yêz za thâux cov nhaz xênhz, tsưx hưv tâu têx huv cov jông. Lar haik mak têx fiax sâu mênhx bê têx hax huv Sơn La. Cxuô zav sir jos lês puôr lênhx tâu trơưk siaz, ntâu zav kôngz Sơn La tâu muôs thôngz têx thaz nzưr, siêu thị, muôs trâu sâuv yêz za hâur têz qơưk, ntiax Vietnam Airlines trâu têx kruô nox.

Iz luz luôs hâux lưv lax luôv lok six muôx txiax njis mak hâur shông đhâu Trung tâm tưz saz lax trâu UBPX tỉnh cxiz iz paz nênhs uô côngz xưv ntơưv tỉnh muk đros Đại sứ quán têx têz qơưk: Trung Quốc, Nhật Bản, Hàn Quốc, Mỹ, Australia thiaz têx têz qơưk Tây Âu, Đông Âu, Trung Đông uô hâux lưv. Siz chos saz lax uô têx ntơưr cxênhz mênhx qơư uô tơưv têx hax huv, kria tsêr luôv, HTX, ziv nênhs piar muôs têx huv trâu kruô zuôr đhâu nền tảng số. Tâu UBPX tỉnh paz, Trung tâm ho sir jos njok, shông 2024, tỉnh Sơn La tưz đros Liên minh Hợp tác xã lax luôv Thành phố Hồ Chí Minh (Saigon Co.op) siz khov muôs “Txir khơưz kaz jiz Sơn La” trâụ hâur Co.opmart, Co.opXtra, Co.op Food, Finelife… ntơưv Saigon Co.op hâur thôngz têz qơưk nto 100 tấn “Txir khơưz kaz jiz Sơn La”.

Zơưs Võ Trần Ngọc, Giám đốc lax luôv Saigon Co.op, haik: Trơưk chai xav "Siêu thị Việt, zos nênhs Việt cxiv tsa, viv nênhs Việt", thâuv tưs pêz tưz shir phaz lus đros têx qơư uô tơưv kôngz lông, công nghiệp, tiểu thủ công nghiệp ntơưv tỉnh Sơn La siz khov, chia piar muôs têx hax huv, huôv tsar cêr lax luôv. Ntu no muk, chia siaz zuôr tror đros tỉnh Sơn La siz chos muôs ntâu kôngz lông.

Trơưk tuôr xav muôs têx kôngz lông Việt hâur têz qơưk thiaz muôs muk oz chas têz qơưk. Shông 2024, plâux tror tâu chos trơưk VietGAP, hữu cơ đhâu cxênhz yuôx ntov nti, tâu Vietnam Airlines xair zuôr chox muk trâu kruô nox sâuv yêz za hâur têz qơưk thiaz ntiax têz. Li ntơư, txir plâux zos zav txir tiv 3 ntơưv Sơn La uô kaz txir lưv tsiz thiaz txir khơưz kaz jiz tâu zôngv sâuv yêz za Vietnam Airlines tưz pov tâu côngz bê lax luôv têx kôngz lông Sơn La.

Iz chas ntơư, Trung tâm tưz paz têx tsêr luôv, HTX côngv 24 luz luôs hâux lưv, têx cxênhx xưv siz khov muôs kôngz lông zos Bộ Kôngz lông thiaz Huôv tsar jêx jok, Bộ Công Thương thiaz cxuô luz tỉnh, thành siz chos lês. Zov chênhr mak: Tuần kôngz lông thiaz kar hno hur tỉnh Sơn La ntơưv Hà Nội; kriz têx thaz nzưr piar muôs tỉnh Sơn La têx kôngz lông ntơưv hur đhâu Sài Gòn Co.op ntơưv thành phố Hồ Chí Minh; Ciaz piar muôs hax huv công nghiệp jông 28 luz tỉnh thã tsav Kâuv têz shông 2024 ntơưv thành phố Hà Nội; Piar muôs hâur ntiax têz lok sâuv công nghiệp kar hno Việt Nam shông 2024; Ciaz lax luôv nuôv zax thành phố Hồ Chí Minh jias tiv 18 shông 2024 thâuv luz 9/2024, muôx 700 tus nov chox car têx paz pơưs, tsêr luôv txơưx yax thôngz ntiax têz hâur cêr nuôv zax muôx 38 luz têz qơưk.

Sơn La muôx têx têz chos ntông nox txir ntâu tiv 2 hâur têz qơưk thiaz ntâu yax tos kâuv têz. Thôngz tỉnh nhiv no muôx 560 luz tsêr máy, qơư tu kôngz lông; muôx 258 paz nênhs siz khov muôs kôngz lông, tsiax đêx hur; tsưx hưv jông 214 mã kria mênhx qơư chox têx txir; muôx 101 kror qơư tu kôngz lông jông VietGAP; muôx 28 zav huv zos kôngz lông tâu Cục Sở hữu trí tuệ, Bộ Khoa  học thiaz Công nghệ muôz ntơưr por hưv; muôx 154 zav huv OCOP. Iz chas ntơư, tsênhv muôx yax 2.700 kror qơư jiaz txir lưv tsiz kruôr, kôngz lông. Trung tâm cxưx nhiax, lax luôv nuôv zax tỉnh cuz siaz sir jos njok lês hâux lưv lax luôv đhâu cxuô tsar zav chox têx kôngz Sơn La muôs trâu kruô hâur têz qơưk thiaz oz chas têz hâur shông yiaz 2025.