Tsưr ziv hiaz tơưz ntơưv pêx xênhv Poz Ziz nhoz trâu jok Lùa mak muôx ntâu zav txơưr njuôk li têx hax huv hâur thax tsav. Têx luz tơưz mor, tsu mor, tơưz zơưv njêk, poz tơưz tov kaz hiaz tiar tâu muôz kra trâu sâuv kâuv kror chuz chia cov đax lik, cê jông gâux, cê phax tar tâu kaz nox. 

Nhiv no, Tổ hợp tác tưz hiav tâu 100 bộ tơưz mor (muôx pêz zav hax huv/bộ), 200 luz tơưz ntiv yuôx zêx thiaz 200 luz hnaz ntiv ntơưr hiaz trơưk li chos luk zuôr ntơưv Công ty TNHH Thiết kế thiaz Huôv tsar hax huv Việt Nam, đros trâu tus gri zuôr txix 55 - 380 cxênhz đaiv/luz; hur si nhiax chos luk zuôr mak 80 triệu nhiax. Xã Phổng Lập zuôr tror fuô kria, zaz zâuv pêx xênhv huôv tsar qơư chos shôngz; đros ntơư, tsik tsês fuô kria hax huv, kriz đar tổ hợp tác hiaz tơưz trâu cxuô luz jok hâur xã, txos trâu cxiv tsa hợp tác xã hiaz tơưz, paz trâu têx thành viên sâu nju nhiax txiax sir zôngv.