Hâur têx hnuz muôs txir khơưz kaz jiz thiaz kôngz lông tỉnh Sơn La, Saigon Co.op tuôr xav zuôr muôs tas 100 tấn txir khơưz kaz jiz ntơưv huyện Mộc Châu, Yên Châu. Txir khơưz kaz jiz Sơn La tâu chox muk muôs hâur têx qơư muôs hax huv hur, txâuk chai VietGAP, muôx chưngr nhav ntơưv cơ quan muôx vax huôv lok sâuv qơư chos. Tus gri txir khơưz kaz jiz Sơn La tâu Co.opmart, Co.opXtra zuôr 29.900 cxênhz/chiaz txix hnuz 24/5 txos hnuz 1/6.

Ndax jias no, Co.opmart, Co.opXtra tsênhv thav muôs têx hax huv zos kôngz lông, hax huv OCOP ntơưv Sơn La li: Lưv tsiz, chuôz thox hmaz đax, cà phê, yuôx zêx, hlưz txir lưv tsiz kruôr, kix đuz, khuz thaz kok blôngx njê, graix caz puôz tưv, caz puôz buô, cuô txoz txux lov, njuôs kruôr, ndêz linh chi… Luz luôs hâux lưv kriz đar muôs têx tỉnh Tây Bắc têx hax huv, zuôr paz têx hax huv muôs hâur Saigon Co.op zênhv hnuz zênhv cxix cxuô đuô, txâuk huv muôs tsik tu, txênhz tâu cêr lax luôv luôx juk tus gri cux fiv huv, têx hax huv tox siaz tâu muôs txos trâu kruô sir zôngv.

Ntơưv jias “Grâuv pax txir khơưz kaz jiz thiaz kôngz lông tỉnh Sơn La”, đồng chí Nguyễn Thành Công, Phó Chủ tịch UBPX tỉnh Sơn La haik mênhx: Chox têx txir khơưz kaz jiz Sơn La trâu têx qơư muôs huv ntơưv Saigon Co.op thôngz têz qơưk lok six zov chênhr cov têx nênhs sir zôngv hâur têz qơưk zôngx ziv zuôr zôngv, cxơưz txiax njjis, sơưr đơưk pâuz mênhx bê lax luôv bê lax luôv “Txir khơưz kaz jiz Sơn La”. Tỉnh Sơn La chia siaz njôngr đhâu no, têx kôngz hur tỉnh Sơn La zuôr tâu chôngz pêx xênhv Thủ đô pâuz txos đuô, chia zuôr chox muk zôngv, cov cêr lax luôv kôngz lông hur ntơưv tỉnh zênhv hnuz zênhv truôx njês.