Huyện Mai Sơn nhiv no muôx 3 thax qơư chos kôngz lông zôngv chuôz zênhx jông, muôx: 2 thax qơư chos cà phê zôngv chuôz zênhx jông yax 1.039 ha, muôx 1.560 ziv tuz kôngz; 1 thax qơư chos txir na zôngv chuôz zênhx jông, xav yax 334 ha thiaz muôx 166 ziv tuz kôngz côngv chos thiaz tu; muôx yax 1.143 ha tưz tâu puz chứng nhav VietGAP; yax 1.217 ha ntông nox txir tưz tâu 46 mã kria qơư chos, 5 kror qơư tu chia muôs muk oz chas têz qơưk, tưz muôz trâu têx tsêr luôv thiaz HTX txâuk chai muôs trâu têx têz qơưk: Mỹ, Úc, New Zealand, Trung Quốc... Ntơư, zos têx zav zôngx ziv chia huyện Mai Sơn huôv tsar ntâu hax huv OCOP.

HTX Ara-Tay coffee, tâu tsa yênhx trâu kaz shông 2019 muôx 14 tus nênhs côngv uô hâux lưv. Đhâu yax 5 shông tsa yênhx, txos nhiv no, HTX tưz đros 300 ziv pêx xênhv chos cà phê tu 70 ha trơưk hữu cơ. Zav cà phê ciz jov Natural, cà phê Honey ciz jov, HTX tưz tâu têx đơn vị chuyên môn ntơưv huyện thiaz tỉnh kria uô tiar têx ntâuz ntơưr lax luôv, ntơưr côngv nhav bê lax luôv hax huv. Txos shông 2023, muôx 2 zav huv ntơưv HTX tâu kruôk jông zos huv OCOP 4 luz pax hnuz kuz. Iz shông, HTX muôs txix 8 - 10 tấn cà phê njiaz, jov; uô tơưv zav hax huv jông muôs trâu têx thaz nzưr cà phê ntơưv Hà Nội thiaz têx tỉnh, thành phố hâur têz qơưk, tưz tâu chôngz lênhx nhiav zôngv. Iz shông HTX sâu tâu 1 tỷ 600 triệu nhiax. 

Txos nhiv no, huyện Mai Sơn muôx 20 zav huv tâu côngk nhav OCOP, hâur ntơư: 10 zav huv hov 3 luz pax hnuz kuz, 10 zav huv tâu 4 luz pax hnuz kuz, têx hax huv ntâu zav, li: Hlưz txir lưv tsiz kruôr Nguyễn Phòng; nôngz sa chi Quang Vinh; nôngz txir mắc ca; yuôx Đông trùng hạ thảo; Cà phê ciz jov hmôngr A3; ndêz shaz chênhv; txir plâux; txir Na Đại Sơn; Jiz mur Bảo Tín; Car shôngz Bình Minh; por huv bliak đês Queen pearl; ndêz linh chi; thanh long jiaz jôngx; cà phê; coz sâm Ngọc Linh; chơưr sâm Ngọc Linh... Cxuô zav hax huv OCOP ntơưv huyện tưz muôx bê muôs đhâu cêr luôv điện tử thiaz qơư fuô mông điện tử zos Sở Công Thương saiz car, têx website hâur ntu lês hâux lưv OCOP ntơưv tỉnh sâuv xã hội ntơưv têx tsêr luôv, đơn vị; tưz fuô kria têx huv OCOP ntơưv têx jias kriz ciaz, piar kria têx hax huv... Txix ntơư, cxuô zav huv OCOP tâu têx nênhs sir zôngv njênhs zuôr ntâu, txênhz tâu cêr luôv.

Hâur shông 2024, huyện Mai Sơn tror tâu kruôk muôx 8 zav huv OCOP, zos: Cxur blâuv Tan nhe Mường Chanh; chơưr mắc ca; cà phê luz, cà phê hmôngr, cà phê đaz tsâu; cuô si tâuv; jâuz tsês txiak; Txir plâux Ichi Farm; Mắc ca Delica; Nduôr tsax Khánh Thành. Têx tsưr hax huv OCOP tưz txơưx uô tơưv têx hax huv OCOP hur, por hưv tâu cêr nyiaz hur.

Ntu no muk, iz chas puôz tiz têx tus khênhx, paz pơưs siz chos lês hâux lưv OCOP, huyện Mai Sơn tưz zôngv công nghệ thông tin thiaz hlôngr số chia fuô kria, uô ntâuz ntơưr saiz car dữ liệu hax huv OCOP; trâu siaz huôv tsar hax huv yiaz trơưk cêr siz khov txix thâuv uô txos thâuv muôs; uô jông cxuô zav huv OCOP tưz tâu chứng nhav..., siz chos cxơưz nhiax txiax - xã hội ntơưv huyện huôv tsar.