Jias cơưv muôx đồng chí: Phùng Đức Tiến, Thứ trưởng Bộ Kôngz lông thiaz Môi trường; Nguyễn Thành Công, Phó Chủ tịch UBPX tỉnh Sơn La; thơưx car têx đơn vị zos Bộ Kôngz lông thiaz Môi trường saiz car, Trung tâm Khuyến nông têz qơưk; chuyên gia Cơ quan siz khov ntiax têz Nhật Bản (JICA), điều phối viên Dự án “Moz siaz huôv tsar qơư muôs kôngz, txir nox hur ntơưv têx tỉnh saz Kâuv têz Việt Nam” ntơưv tỉnh Sơn La; thơưx car Sở Kôngz lông thiaz Môi trường tỉnh Sơn La, Điện Biên; Trung tâm Khuyến nông iz cxia tỉnh saz Kâuv têz; hlôngr njêx muôs têx tsêr luôv uô uô luôv kôngz lông thiaz 100 đại biểu hlôngr njêx muôs trâu têx tuz kôngz, HTX lês tâu hâux lưv coz hâur thax tsav tỉnh.

Muôx luk Jias cơưv, đồng chí Nguyễn Thành Công haik mênhx, ntu 2020-2025, Sơn La phênhv ntâu lês tiar têx cêr tuôr xav huôv tsar nhiax txiax - xã hội, yax hlo zos hâur saz kôngz lông. Txix li cêr chai hlôngr nôngz kôngz yiaz tsêz chos trâu têz nxaz, tỉnh tưz yênhx “qơư chos ntông nox txir ntâu yax saz Kâuv têz”, hâu ntơư lưv tsiz zos zav chos ntâu đros trâu yax 19.800 ha, đê tâu 180.000 tấn/shông. Chia huôv tsar truôx njês, Sơn La xar cov tâu Bộ Kôngz lông thiaz Môi trường, têx bộ, ngành paz kriz đar têx qơư chos lưv tsiz tâu jông, yax hlo zos lưv tsiaz Hlưz đax 205; muôz nhiax cxiv puôz qơư txiak chia tsês têx txir; đros ntơư siz khov chia yênhx qơư chos ntâu uô cê, paz trâu têx kôngz, txir nox, yax hlo zos lưv tsiz chia muôs muk trâu oz chas têz.

Zav nôngz txir lưv tsiz Hlưz đax 205 zos hax huv hâur Đề án NN08-III zos Viện zok nriar nôngz kôngz, txir nox xair chia chos siv ntơưv Sơn La txix shông 2018, tưz tâu kria pâuz qơư chos hâur shông 2021 thiaz tâu muôz ntâuz ntơưr por hưv trâu shông 2023. Lưv tsiz Hlưz đax 205 muôx ntâu zav jông li ntông hloz jông, txir lox siz luôs jos, nôngz zâu, zôngx ziv têr, fênhx đraz sâu tâu txix 19,2-22,4 tấn/ha...

Ntu 2023-2025, Trung tâm Khuyến nông Têz qơưk tưz fuô lês Dự án "Cxiv tsa thiaz huôv tsar qơư chos txir lưv tsiz Hlưz đax 205 txâuk chai VietGAP ntơưv Sơn La". Hâur 2 shông (2023 và 2024), dự án tưz chos yiaz 35 ha thiaz txuôk poz câuk tâu 10 ha trâu thax tsav têx huyện Mai Sơn, Sông Mã thiaz thành phố Sơn La kuz; taz tov kriz đar chia txuôk poz câuk trâu 10-15 ha hâur shông 2025. Đros ntơư. cxiv tsa 1 ha chos zav lưv tsiz Hlưz đax 205 ntơưv tỉnh Sơn La. 

Muôx luk ntơưv Jias cơưv, đồng chí Thứ trưởng Bộ Kôngz lông thiaz Môi trường tưz kruôk txos lưv tsiz Hlưz đax 205 zos zav nôngz yiaz, huôv tsar tâu jông ntơưv thax tsav Kâuv têz. Đros ntơư, cxiz cov cxuô thax tsav tsuv nzor cxiv tsa cêr tuôr xav kriz đar qơư chos; moz siaz sir zôngv tsưr ziv yiaz chia cov tu tâu têx txir lox, kaz, jông gâux chia muôs tâu jông hâur têz qơưk thiaz oz chas têz. Tsưx jông têx qơư siz khov chia paz trâu lưv tsiz Hlưz đax huôv tsar tâu jông ntơưv têx tỉnh Kâuv têz qơưk.