Hur si tỉnh sir jos txos shông 2030, chos zuôr luôs 25.000 ha jâuz, sâu tâu yax 300.000 tấn. Hâu ntơư, jâuz hur, kria pâuz qơư chos tâu 7.500 ha, sâu tâu yax 80.000 tấn. Tỉnh tưz cxiv tsa qơư chos jâuz hur trơưk cêr tuôr xav ntu 2021-2030, gruô hu tsêr luôv zuôr chuôz zênhx, cxiv tsa qơư siz khov txix li chos txos trâu muôs têx jâuz cov tâu jông. Đros ntơư, paz huôv tsar hợp tác xã, muôz mã số kria pâuz qơư chos, kriz kria nzir tsưr ziv chos kâuz hur trâu tuz kôngz.

ZơưsTrần Dũng Tiến, Phó Giám đốc Sở Kôngz lông thiaz Môi trường, haik pâuz: Yênhx shông, Sở tso tơưv ntâuz ntơưr fuô kria tuz chos trơưk đraiv chaix; siz khov đros Cơ quan Siz khov ntiax têz Nhật Bản (JICA) cxiv tsa qơư chos jâuz hur, cxaz nzir pênhr xưv trâu têx nênhs uô nuv. Sở tsênhv paz cơ sở tâu muôz ntơưr chứng nhav, huôv tsar qơư chos chia muôx txâuk chia tsuôv cuô, tsưx tsês, kria nzir tsưr ziv por hưv tov kaz sâu têx jâuz tas, muôz nhiax chaz đêx chia cov muôx txâuk đêx zưs, paz trâu sâu tâu nju jâuz hâur iz thax qơư chos.

Txos kaz shông 2024, hur si tỉnh chos zuôr luôs 14.000 ha jâuz cxuô zav, sâu tâu yax 195.800 tấn. Muôx 11 HTX tâu muôz ntơưr txâuk chai VietGAP; tsưx truôx 40 kror qơư chos kôngz hur, sâu tâu 13.396 tấn/shông. Yax hlo, HTX Jâuz hur Tự Nhiên, xã Đông Sang tâu muôz ntơưr chứng nhav chos jâuz hữu cơ, sâu tâu 145 tấn/shông.

Pos Nguyễn Thị Luyến, Giám đốc HTX Jâuz hur Tự Nhiên, xã Đông Sang, haik pâuz: Chứng nhav hữu cơ paz hax huv muôs tâu gri, paz trâu hax huv HTX zôngx ziv muôs trâu têx ciaz khư thiaz tâu têx nênhs sir zôngv njênhs chia zuôr sir zôngv. Nhiv no HTX cxiz cov têx thành viên, zis siz khov sir zôngv công nghệ thông tin hâur saiz car, cxênhz yuôx qơư chos, lo bê kria pâuz qơư chos, chia cov muôs tâu têx hax huv hur txos trâu têx nênhs sir zôngv.

Iz chas ntơư, ntâu qơư siz khov truôx njês txix li tuz kôngz, hợp tác xã thiaz tsêr luôv tưz tâu cxiv tsa, cxơưz paz huôv tsar qơư chos, kriz đar qơư muôs jâuz hur, kria pâuz qơư chos, đros ntơư tsưx truôx thiaz kriz đar têx qơư chos jâuz hur, tâu jông chia muôs trâu tsêr mair tsuôv cuô, tsưx tsês. Zơưs Phạm Ngọc Thành, Phó Tổng Giám đốc Công ty CP uô kak nox thiaz muôs hax huv muk trâu oz chas têz Đồng Giao, haik pâuz: Txos nhiv no, Công ty tưz cxiv tsa zuôr luôs 1.500 ha qơư chos jâuz hur ntơưv Sơn La, hâu ntơư muôx zuôr luôs 50% qơư chos jâuz chia muôs trâu tsêr mair tsuôv cuô, tsưx tsês. Yênhx shông, Công ty tưz sâu zuôr, tsuôv cuô, tsưx tsês yax 24.000 tấn poz cưk mok, tâur pâur thiaz têx zav jâuz txơưr, tsi njênhk muôx txâuk têx kôngz, txir muôs trâu tsêr mair, tsuôv cuô tsưx tsês.

Cêr tuôr xav huôv tsar qơư chos jâuz hur txos shông 2030, tov kaz 2 shông tưz pov tâu têx zav jông, têx qơư chos tưz tâu kriz đar, tu tâu têx kôngz jông đuô, cxiv tsa tâu qơư siz khov chos kôngz hur. Ntơư zuôr zos qơư chuôz jos chia tỉnh tror lês tiar têx cêr tuôr xav tưz tso tơưv, cxiv tsa tâu qơư chos kôngz, txir nox, jâuz truôx njês, đros ntơư paz trâu tuz kôngz sâu nju nhiax txiax truôx njês đuô.