Zơưs Nguyễn Thế Phương, Phó Chủ tịch UBPX Thành phố, haik mênhx: Ntu 2021-2025, UBPX Thành phố tưz đros têx sở, ngành thor UBPX tỉnh tso chai lês 9 dự án uô luôv tsêr nhoz, li thax tsav muôx pêx xênhv nhoz chôngz thax ar số 3A; thax tsav muôx pêx xênhv nhoz chôngz uô luôv tsêr nhoz 2 saz ntus đêx Nậm La– thax ar số 5; Thax tsav đrôngs lox số 1, số 2, phường Chiềng An; thax tsav đrôngs lox jok Buổn thiaz thax tsav đrôngs lox jok Buổn - jok Mé, phường Chiềng Cơi; thax tsav đrôngs lox số 1, phường Chiềng Sinh; thax tsav đrôngs lox phường Chiềng Lề, Chiềng An thiaz thax tsav đrôngs lox Pột Nọi. Xav hur si đar 66,5 ha, đros trâu 812 luz tsêr tưz uô tiar, taz sik tsik tâu kho jông, 1.419 luz kuô tsêr, xav hur si yax 3.670 tỷ nhiax.

Ntu 2025-2030, Thành phố tror thor uô yiaz 9 dự án lok sâuv tsêr nhoz, đar 265 ha, đros trâu 1.656 luz tsêr tưz uô tiar taz sik tsik tâu kho cov jông, 2.426 luz kuô tsêr, xav hur si yax 11.100 tỷ nhiax. Nhiv no, 2 dự án tâu tso chai muôz nhiax uô, taz tov xair tsưr cxưx nhiax uô, li: Thax tsav đrôngs lox số 2 – Pak đêx Hluôk nênhs, phường Chiềng An; thax tsav đrôngs lox hâu txox cêr jav cêr lox số 6 (Thành phố - huyện Mai Sơn); 3 dự án taz tov thor tso chai muôz nhiax uô, li: Thax tsav đrôngs lox saz kaz hnuz pôngz Thành phố, thax tsav đrôngs lox yiaz phường Chiềng Cơi thiaz thax tsav đrôngs lox Phiêng Khá; 4 dự án khov uô yiaz, li: Thax tsav tsêr nhoz xã hội ntơưv jok Lay thiaz tổ 5, phường Chiềng Sinh; thax tsav đrôngs lox muôx têx qơư uô si jông yax thiaz yar tiax ntâuk golf; thax tsav đrôngs lox số 1, jok Co Pục thiaz số 2, jok Phường, xã Chiềng Ngần.

Txos nhiv no, hâur thax tsav Thành phố tưz uô tiar 4 dự án chia muôs, li: Thax tsav uô luôv puôk tsar zav Vincom; thax tsav muôx pêx xênhv nhoz chôngz uô luôv tsêr nhoz 2 saz ntus đêx Nậm La – thax ar số 5;  iz phênhv dự án thax tsav đrôngs lox số 1, phường Chiềng An thiaz thax tsav đrôngs lox jok Buổn, phường Chiềng Cơi, xav hur si muôx 60 luz tsêr lox jông gâux, 282 luz tsêr nhoz uô cê thiaz 280 luz kuô tsêr, xav fênhx đraz muôs txix 22-35 triệu nhiax/m²; gri ar nhoz tâu muôs txix 13-16 triệu nhiax/m².

Taz sik, txix luz 4 hli txos luz 6 hli shông 2023, Thành phố tsênhv yuôr 311 luz kuô tsêr, 220 luz tsêr hâur têx dự án tsêr nhoz tsik tâu muôs. Hâur ntơư, thax tsav đrôngs lox jok Buổn, phường Chiềng Cơi zos Liên danh An Phú - Thành Môn saiz car tsênhv yuôr 66 luz tsêr; thax tsav muôx pêx xênhv nhoz chôngz uô luôv tsêr nhoz oz saz ntus đêx Nậm La – thax ar số 5 ntơưv Công ty cổ phần Tập đoàn muôz nhiax uô Tây Bắc tsênhv yuôr 102 luz kuô tsêr, 64 luz tsêr; thax tsav đrôngs lox số 1, phường Chiềng An, Công ty cổ phần Tập đoàn Picenza 209 luz kuô tsêr, 90 luz tsêr.

Dự án Thax tsav muôx pêx xênhv nhoz chôngz uô luôv tsêr nhoz 2 saz ntus đêx  Nậm La – thax ar số 5, zos Công ty CP cxưx nhiax uô Tây Bắc thiaz Công ty CP cxiv puôz cux li huôv tsar Thái Dương côngv tso pênhr uô, đar yax  5,4 ha, muôx 99 luz tsêr tưz puôz tiar taz sik tsik tâu kho jông thiaz 138 luz kuô tsêr, xav hur si yax 317 tỷ nhiax. Nhiv no, tsênhv yuôr 102 luz kuô tsêr, 64 luz tsêr nhoz tsik tâu muôs.

Ntơưv Thax tsav đrôngs lox jok Buổn, phường Chiềng Cơi (Thax tsav đrôngs lox An Phú) cux tsênhv yuôr 66 luz tsêr tsik tâu muôx nênhs zuôr, txơưv tiak zos thax tsav đrôngs lox nhoz kror qơư jông, zôngx ziv muk lok. Zơưs Nguyễn Tiến Dũng, Giám đốc Công ty cổ phần An Phú, tuz luôv muôz nhiax uô Dự án, kria pâuz: Dự án đar yax 4 ha, xav hur si 360 tỷ nhiax, đros trâu muôx 11 luz tsêr lox jông gâux thiaz 110 luz tsêr nhoz uô cê (hâur ntơư, tưz uô tiar yax 70 luz tsêr chia muôz lok muôs). Shông 2022, Công ty tưz muôs tâu 11 luz tsêr lox jông gâux thiaz yax 10 luz tsêr nhoz uô cê. Shông no, Công ty tsik muôs nzir tâu luz tsêr nhoz tưs.

Lar haik, thành phố Sơn La tưz fuô lês jông hâux lưv gruô hu thiaz huôv tsar têx dự án uô luôv tsêr nhoz, thax tsav đrôngs lox trơưk cêr tuôr xav thiaz tsov xav đrôngs lox hov 1. Taz sik, nhiv no phênhv ntâu têx dự án puôr lênhx uô têx luz tsêr nhoz civ nhiax chia muôs trâu têx nênhs muôx nhiax ntâu.

Niav lâus Hoàng Hồng Phương, phường Chiềng Lề, haik mênhx: Cur 2 niav txir uô côngz xưv têz qơưk, sâu tâu yax 20 triệu nhiax/hli, tsik xav nhiax zôngv hâur yênhx hnuz, nhiax cơưv ntơưr trâu têx mê nhuôv yênhx hli tsênhv txuôs tâu txix 5-8 triệu nhiax. Đros trâu chor nhiax no, mak xar zuôr tâuz 1 luz tsêr nhoz lok six txov nhêv.

Zơưs Hà Ngọc Chung, Giám đốc Sở cxiv puôz, kria pâuz: Thành phố tsuv zuôr lês jông hâux lưv, tsưr ziv huôv tsar tsêr nhoz, hlôngr yiaz muôx kaz hâu côngz xưv tsov xav, tsưr ziv sir zôngv ar. Txo grêk tsơưs thiaz tsik tâu cxiv puôz jông siz xưk ntâu dự án uô luôv tsêr nhoz côngv iz ntu tsik chia uô yưv cêr chor nhov “Uô tơưv ntâu yax cêr zôngv”. Lar haik, tsuv moz siaz gruô hu muôz nhiax cxiv puôz uô luôv tsêr nhoz, tsêr nhoz xã hội yênhx ntu, fiv huv tiz nênhs chor nhiax sâu tâu thiaz siaz nhiav.

Huôv tsar thax tsav đrôngs lox, uô luôv tsêr nhoz hâur thax tsav Thành phố, tsik zos paz pêx xênhv muôx tsêr nhoz jông, lês muôx kaz hâu hâux lưv paz nênhs txov nhêv hla đhâu cêr phiv liv xưz, mak tsênhv paz trâu Thành phố muôx ntâu hlôngr yiaz, cux li nzor uô tiar têx tsưr ziv đrôngs hov 2, txos trâu lês tiar têx tsưr ziv đrôngs hov 1. Chia muôs tâu ar nhoz, tsêr nhoz thiaz paz tâu zênhx max pêx xênhv siaz nhiav, Thành phố thiaz têx tsưr cxưx nhiax uô zuôr tsuv tsov xav, cxaz nzir têx tsưr ziv, cxiv puôz ntâu tsêr nhoz đrôngs lox fiv huv ntâu tiz nênhs siaz nhiav, tsik tsês zaz zâuv chia “cxơưz jos” cêr uô luôv ar nhoz, tsêr nhoz, chuôz jos huôv tsar nhiax txiax- xã hội ntơưv thax tsav./.