HTX tưz chos tâu 3 ha jâuz hur, hur si cxênhx cxênhv por hưv, tso qir tâu fuô lês ntov nti zos li cxênhx cxênhv VietGAP, xav fênhx đraz sâu tâu txix 450-500 triệu nhiax/ha/shông. Tsik tas li, HTX tsênhv gruô hu pêx xênhv hair nênhs tsơưs côngv 5 ha liax chos jâuz hur, xav fênhx đraz sâu tâu 200 triệu nhiax/ha/shông. HTX tưz chos luk muôs cxuô zav jâuz hur trâu siêu thị Metro.

Lok sâuv ntông nox txir, HTX zos đơn vị uô ntêx lông lol sâuv tsov xav têx zav ntông nox txir trơưk faz txuôk poz câuk. Nhiv no, HTX tưz muôx iz luz vax vâuv cxuô zav zuz txir khơưz siar nzor muôs tâu gri. Đros ntơư, HTX tsênhv kria tsưr ziv chos thiaz đros têx ziv nênhs chos luk siz khov muôs tâu txix 800-1.000 tấn kôngz, txir nox cxuô zav/shông. Xav fênhx đraz HTX sâu tâu txix 6-7 tỷ nhiax hâur yênhx shông, xav đruôz đraz têx ziv nênhs sâu tâu 400 triệu nhiax/ha/shông. Xav fênhx đraz sâu tâu txix 6,5 - 8,5 triệu nhiax/lênhx/hli.

Iz chas ntơư, HTX tsênhv cxưx nhiax zuôr chuôz zênhx jông lok uô tơưv têx huv kôngz, txir nox nto mông li: Chơưr txir khơưz, txir khơưz shơư suôz thax njêr kra kruôr,…Nhiv no, HTX taz tov saiz car 6 zav huv OCOP cấp tỉnh, hâur ntơư, 3 zav huv tâu công nhav 4 hnuz kuz thiaz 3 zav huv tâu công nhav 3 hnuz kuz. HTX têx huv tâu tiz nênhs nus zuôr đhâu têx qơư uô luôv điện tử, cxuô tsêr thaz nzưr, siêu thị kria têx huv OCOP hâur tỉnh thiaz oz chas tỉnh. Tsik tas li, HTX tsênhv cxiv tsa têx luz tsêr so, tsêr kruô nhoz jê kror qơư huôv tsar kôngz, txir nox paz trâu têx kruô nhiav, xar tâu ndik shuôk thiaz nuôv zax hâur thax tsav.

Đros trâu kriz đar tsưr ziv uô nox, huôv tsar truôx njês, HTX tror muôz nhiax cxiv kho thiaz uô yiaz vax tsêr, zuôr chuôz zênhx yiaz, kriz đar tsưr ziv uô lax luôv. Moz siaz tso thành viên HTX, tiz nênhs uô nuv, têx ziv nênhs siz chos uô nox muk cơưv nzir tsưr ziv uô hâux lưv thiaz saiz car. Tror muôz nhiax cxiv tsa tsưr ziv huôv tsar uô kôngz, txir nox cov sâu tâu nju đhâu nuôv zax – saiz shuôk hax huv hâur vax, uô tơưv têx kôngz, txir nox hur muôx gri muôs trâu tiz nênhs sir zôngv./.