HTX Uô nuv Huôv tsar Kôngz lông 19/5 tsa tơưv shông 2000 sâuv trôngx têz lax trôngz Mộc Châu muôx cxuô zav, txơưv pênhv. Xuz thơưx, HTX cux njiz tsik tsơưs cêr txov nhêv viv qơư chos tsik uô cê, chos trơưk tsưr ziv cênhz cưv, cêr pâur muôs tsik siz luôs... Tsik tsuôs siaz trâu têx cêr txov nhêv, HTX tưz zaz zâuv têx thành viên trâu siaz siz tưr uô nuv, tsov xav, sir zôngv ntâu cêr xav tsênhz trâu cêr uô tơưv, uô luôv. Hlôngr siaz xav yênhx nuv uô, HTX truôx siaz hlôngr pâur, sir zôngv têx lưv ciz uô tơưv jông trơưk cêr xav VietGAP, hữu cơ, MetroGAP.

Nhiv no, HTX taz tov uô trơưr 8 ha jâuz hur, muôs tâu nhiax txix 700-800 triệu đaiv/ha/shông; chos 20 ha txir nkhơưz kaz jiz tâu chênhr nhav VietGAP, muôs tâu txix 300-400 triệu nhiax/ha/shông; paz trâu thax tsav vax chos siv đar yax 7 ha. HTX côngv tsov xav cxuô ntông chos nox txir ar txiak, xair cxuô zav kôngz txir jêx jok tưz chiax chia txuôk chês cov txi tâu ntâu txir nox kaz, jông, li: Txir nkhơưz kaz jiz, txir nkhơưz siar nzor, txir nkhơưz siar lis, txir đuôx châux, txir kiar cxo, txir lê ar txiak thiaz txir nhux mik...Têx ntông chos cê fiv huv tsưr ziv, cê jông saiz, paz trâu têx kruô nuôv zax tuôs ndis saiz. Txix têx txir chos muôx liv ntơưv vax chos siv, HTX tưz siz khov đros têx  ziv tuz kôngz, kria têx ziv sir zôngv txơưx fiv tsưr ziv, muôz têx nôngz yiaz lok chos, muôs trâu nênhs sir têx zav kaz, hur.

Pov tâu muôs txir nhôngk tsik tâu gri thiaz khov ntâu tuz luôv, HTX  truôx siaz cxiv tsa tsêr xưởng, chuôz zênhx muôx đas jos kra tâu txix 300-500 tấn txir/shông. Txix ntơư, yênhx zav txir uô tâu muôx côngz bê lax luôv HTX 19/5 tsa tơưv, li: Chơưr txir nkhơưz kaz jiz, chơưr txir nkhơưz kâuz, txir nkhơưz kra kruôr jôngx, txir nkhơưz kâuz yuôz kruôr... Txos nhiv no, HTX muôx 6 zav huv tâu chênhr nhav OCOP (3 zav huv 4 hnuz kuz; 3 zav huv 3 hnuz kuz). Lar haik, shông 2024, HTX tâu muôz ntơưr chênhr nhav FDA ntơưv Hoa Kỳ, zos iz hâur têx tiv khơưr mênhx pêv trâu faz uô luôv zos, tok nrư zuôr tâu têx cêr xav xair luôv hâur ntiax têz.

Nhiv no, HTX taz tov muôx hâux lưv uô truôx njês trâu 50 tus uô nuv tsik so thiaz jê 200 tus uô nuv trơưk chaix. Đros ntơư, siz khov, zuôr huv ntơưv 190 ziv tuz kôngz. Xav têx ziv siz khov muôs tâu nhiax tsar 3 - 4 lưv njuôk li đrav ntêx, pêx xênhv ntu nênhx zênhv hnuz zênhv tâu jông.

Cxênhz txos qơư uô ntơưv HTX 19/5, zơưs Trương Hoa Bắc, Chủ tịch UBPX phường Vân Sơn, haik: HTX 19/5 zos qơư uô thơưx hlo trâu cêr siz tưr huôv tsar nhiax txiax ntơưv phường. Tsik zos coz uô tơưv nhiax txiax mak tsênhv xuz lês hâur cêr hlôngr xav uô tơưv kôngz txir ntơưv pêx xênhv, hlôngr txix li uô tsơưs trâu uz trâu no yênhx cêr siz khov chos ntâu yênhx hax huv muôs tâu gri. Kror yênhx côngz ntơưv HTX, siz chos paz trâu hâux lưv lês cxiax cxênhv cxiv kho jêx jok yiaz, paz muôx nuv uô, sâu nju nhiax txiax thiaz uô nênhx yar ntux truôx njês hâur thax tsav.

Txix têx hâux lưv uô tâu jông yax, HTX Uô nuv Huôv tsar Kôngz lông 19/5 hmôngr jông nhav tâu Zênhx puz “Mai An Tiêm” shông 2024; ntâu shông siz lơư lias tâu côngk nhav zos huv công nghiệp jêx jok nto mông hâur thax tsav, hâur tỉnh. Jax đaz nênhs yênhx côngz ntơưv HTX 19/5 zos iz kro chia siaz trâu txiax njis ntơưv têx cêr siz tưr nhiav têz qơư,  zos cêr xav fiv huv, cxơưz paz trâu têx tsêr luôv, HTX thiaz tuz kôngz tỉnh Sơn La tror sir jos, ndê trâu cêr bluô nux cias ntơưv zuk trôngx têz jêx jok.