Jias choz huv tsênhv muôx têx nênhs côngv lês hâux lưv ntơưv Ban tso yar tưr, hlôngr njêx muôs trâu 9 công ty, tập đoàn muôs cà phê trâu oz chas têx ntơưv Trung Quốc thiaz Hàn Quốc.

Golden Coffee Awards (IGCA) zos jias tưr piar têx cà phê luz, thơưx jias tâu tso yar tưr ntơưv Hàn Quốc shông 2012. Shông no tror tâu tso yar tưr ntơưv K-Coffee College Hà Nội, Việt Nam. Zos jias chia têx tsưr tsêr thaz nzưr muôs cà phê thiaz nênhs ciz thiaz jov cà phê Hàn Quốc, Việt Nam thiaz Trung Quốc tâu siz chos huôv tsar txux chi cà phê hâur cêr lax luôv muôx ntâu cêr siz txênhz luôv ntâu.

Côngv jias tưr shông no, Ban tso yar tưr tưz txaik tâu 109 zav cà phê zos cxuô đơn vị nhoz Việt Nam, Hàn Quốc thiaz Trung Quốc chox tuôx tưr. Hâur ntơư, tỉnh Sơn La muôx ntâu đơn vị muk tưr, cias Hợp tác xã Cà phê Bích Thao Sơn La tưz xa 4 zav cà phê, zos: Cà phê luz vâuv, cà phê luz honey (cà phê jiz mur) thiaz cà phê luz tưz tâu tu trơưk iz txưv pêx xênhv ciz. Ntơư, zos têx cà phê Arabica, THA1, tâu chos thiaz uô jông tu trơưk VietGAP, hữu cơ.

Têx cà phê vâuv ntơưv Hợp tác xã Cà phê  Bích Thao Sơn La tưz tâu xair hâur 10 zav huv ntơưv jias tưr Golden Coffee Awards (IGCA) Việt Nam 2025. Ntơư, zos têx njiaz luk Ban Giám khảo chox car jias cxênhz cà phê ntơưv HTX Cà phê Bích Thao Sơn La haik khênhx thiaz cà phê Sơn La haik tas nro.