Pos Thúy ziv nênhs muôx yax 2.000 thiar xưv phaz têz chos kôngz, pâuz chôngz lênhx nhiav zuôr têx jâuz, kok, txir hur, txix shông 2018, pos Thuý ziv nênhs tưz hlôngr 1.000 thiar xưv phaz têz poz cưk lok chos điz trâu đrênhs, chos 400 thiar xưv phaz txir lưk suôr, 100 thiar xưv phaz cuô txoz nôngz blês.

Pos Thúy haik tiak: Điz trâu đrênhs zôngx ziv chos, tsuôk yiz blôngx, trâu qir cxix cxuô, đoz đrox, tsuôs yuôx phax tar caz, hmoz xưz, 45 hnuz tưz txi thiaz tâu đê lơưv. Iz shông chos tâu 2-3 fâuv, txix luz 4 hli txos luz 8 hli, iz fâuv đê tâu 3 tấn, iz chiaz muôs tâu txix 12-15 cxênhz nhiax. Hok txir lưk suôr, zuôr tsuv tu jông đuô, tso nzir qir lân, kali thiaz phax tar caz hmoz ntov nti. Txir lưk suôr chos 3 luz hli thiax tâu đê, iz shông chos tâu 2 chiv, txix luz 3 hli txos luz 10 hli. Iz chiv, đê tâu 3 tấn, muôs tâu 6-15 cxênhz nhiax/chiaz. Luôx juk điz thiaz txir lưk suôr puôr lênhx nziv ar nông, li ntơư nưk tưz cxưx nhiax zuôr car tok đêx tso cxênhv 1.400 thiar xưv phaz, tsik pôngz ntâu đas jos tu. Hok cuô txoz nôngz blês, mak nhiv kruôr zos thơưx chiv chos siv 100 thiar xưv phaz, nhiv no taz tov piz sâu, iz chiaz muôs tâu txix 25-30 cxênhz nhiax.

Shông 2022, pos Thuý ziv nênhs tưz cxưx nhiax uô 400 thiar xưv phaz tsêr vor vak chos siv 12.000 tsoz pax cát tường. Zav pax no chiax ntêr, ntâu lênhx nhiav, muôs tâu txix 8 cxênhz nhiax/trêk, zos khơưz hâur pâuk muôs tâu 20-25 cxênhz nhiax/tsoz. Zav pax no, fiv huv huôz chuô txiak li Vân Hồ. Piz chos txix luz 9 hli, li ntơư, thâuv đê txir lưk suôr thiaz điz tas, shông no zuôr chos pax cát tường.

Tsik chia ar so, tsuôk zos 2.000 thiar xưv phaz ar xưz, taz sik iz shông pos Thúy ziv nênhs sâu tâu yax 300 triệu nhiax. Trơưk pos Thúy kria mal têx hội viên pox niav hâur jok tưz siz chos huôv tsar nhiax txiax.