Mường Bú muôx yax 1.700 ha ntông nox txir cxuô zav, hâur ntơư, muôx 62 ha txir tuôz ziz lox tâu tu trơưk VietGAP, hur si đê tâu yax 860 tấn txir. Txir tuôz ziz lox Mường Bú kaz jiz, ntâu tsêr luôv, thaz nzưr, siêu thị thiaz nênhs zuôr zôngv njênhs, chos luk zuôr têx txir tuôz ziz. Nhiv no, txir tuôz ziz lox tưz muôx bê lax luôv thiaz muôs tâu truôx njês trâu têx siêu thị: BigC, Vinmax, Lotte, AEON,Co-op Mart, Metro thiaz ntâu thaz nzưr muôs jâuz, kok, txir hur hâur tỉnh thiaz oz chas tỉnh. 

Hnuz grâuv pax, muôx 4 paz nênhs, zos: HTX Kôngz lông Minh Thương, HTX Hưng Thịnh, HTX Đoàn kết thiaz jok Ta Mo tưz tuôx côngv: Tưr đê txir, nthuôr muôs têx trôngx txir jông gâux, nox txir, tưr lâuz cênhv, truz hluô.

Hnuz grâuv pax zos jias chia têx nênhs chos txir tuôz ziz lox tuôx siz njiz, siz chos cơưv shâuv tsưr ziv chos thiaz tu txir tuôz ziz, muôx têx hax huv jông gri zos txir tuôz ziz lox muôs, txix no ntâu kror qơư pâuz txos zav txir tuôz ziz lox Mường Bú, nriar tâu tuz luôv muôz nhiax tuôx uô nox, muôx cêr siz khov thiaz huôv tsar.