Qar tsêr huv hluôs nênhs tỉnh Sơn La muôx yax 30 zav huv kôngz txir nox ntơưv têx tsêr luôv, HTX thiaz têx huv piz uô luôv ntơưv hluôs nênhs tâu muôz tênhv, li: Cà phê, yuôx zêx cà phê, yuôx zêx pax mâuv cuôz txir Tây Bắc, kix đuz Châu Yên, jiz mur, txir nkhơưz yuôx kruôr jôngx, car shôngz hâuk đêx Bình Minh, têx tưx ntông zôngv hâur vax tsê… 

Pos Cầm Thị Huyền Trang, Bí thư Tỉnh đoàn thav: Đhâu hâux lưv tênhv tso, kria têx huv piz uô nox ntơưv hluôs nênhs hâur jias Kriz ciaz pir txir “Cà phê Sơn La – Siz khov thiaz huôv tsar”, tok nrư hluôs nênhs piz uô nox ntơưv tỉnh muôx cêr siz njiz, cơưv shâuv tsưr ziv, siz khov, kriz đar cêr pâur muôs cov muôz têx huv muôs txos nênhs zuôr zôngv hâur zuk têz qơưk thiaz oz chas têz qơưk. Đros ntơư, cxơưz qơư sơưr ntơưv hluôs nênhs hâur cêr uô nuv kriz têx zav txơưv zênhx lok sâuv nhiax txiax số, lês muk đêz đar, cxơưz cêr siz tưr muôs têx kôngz txir nox ntơưv zuk thax tsav.

Ndis saiz cà phê Arabica Sơn La trơưk luk chơư ntơưv Tỉnh đoàn Sơn La, tix lâus Đức Lê, nênhs xav tơưv ntơưv Le J' Cafe, tỉnh Lâm Đồng, thav tiak: Pêz chos, uô tơưv, muôx cà phê kaz txơưr hlo, cxuô zav yuôx Việt Nam thiaz Nhật Bản. Cur lok six kruôk txos têx cà phê ntơưv Sơn La viv tsư ha txơưr hlo, txơưv hâuk trâu kror tưs cux pâuz zos tsư ha cà phê Arabica Sơn La. Đhâu hâux lưv no, tok nrư têx đơn vị, ziv chos cà phê zuôr tâu siz njiz, siz nus, tsov xav thiaz huôv tsar hax huv cà phê Sơn La trâu têx qơư muôs huv ntơưv đơn vị.

Tỉnh đoàn Sơn La đros kriz livestream jâus kriz ciaz OCOP “Grâuv pax cà phê”. Kriz ciaz hâur 2,5 six hơưv đhâu 4 tài khoản livestream tưz muôx yax 20.000 lưv nênhs saiz thiaz zuôr huv, kria muk đêz đar côngz bê lax luôv cà phê Arabica thiaz kôngz txir nox Sơn La txos chôngz tus nênhs sir zôngv.

Pos Nguyễn Thị Hương, tsưr tài khoản Tiktok huongcoco.sanvatsonla, thav pâuz:  Kôngz txir nox Sơn La uô tơưv lok sik muôx ntâu kôngz txir kaz thiaz hur. Đhâu têx mạng xã hội, cur tok njôngr fuô kria têx hax huv OCOP thiaz kôngz txir nox tỉnh muk txos nênhs sir zôngv sai yax, zôngx ziv yax.

Iz chas ntơư, têx hluôs nênhs trâu siaz fuô, kria txos pêx xênhv, kruô nuôv zax siv, sax têx taik cà phê kaz tsư ha. Đros ntơư, kria têx tsưr ziv yâu mông txos têx huv, kôngz txir nox hâur đruôz mair đhâu mạng xã hội, li: Tik tok, Facebook, lax luôv điện tử; paz kriz tài khoản nênhs zuôr, nênhs muôs hax huv đhâu cêr luôv luôv điện tử; kria tsưr ziv pâuz sox têx jax sâu, tror ndâux luk ntơưv têx kruô sir zôngv huv, sâu tsês, thêv gri, ntiv uô yênhx poz huv, nus txos đơn vị chia gruôv muk txos…

Siaz siz, hlôngr yiaz thiaz lês tâu jông têx hâux lưv ntơưv Tỉnh đoàn Sơn La trâu Jâus grâuv pax ciaz pir txưr “Cà phê Sơn La – Siz khov thiaz huôv tsar”, tưz pov njôngr kror uô ntêx lông ntơưv hluôs nênhs hâur ntu lês hâux lưv chính trị hâur zuk thax tsav, paz iz phênhv tưs yâu mông txos cà phê, hax huv OCOP thiaz kôngz txir nox Sơn La. Đros ntơư, cxơưz pênhr xưv têx hluôs nênhs, fiv huv cêr khov hlôngr pâur số têz qơưk haik tas nro thiaz cxiv kho faz nhiax txiax số haik khênhx./.