Zos iz hâur têx đơn vị xuz zôngv chai zos VietFarm-txox chai zos uô kôngz lông trơưk faz truôx njês thiaz txo tsơưs têx zav hiav - hâur cêr uô tơưv cà phê, HTX Cà phê Bích Thao, phường Chiềng Cơi tưz iz thênhv jux juk uô tâu jông njuôz. Txix li chos, đê, ciz txos tsưx hưv puôr lênhx trơưk lưv ciz iz đrôngs luk, tâus tâu qơư uô tơưv. Lar haik, kuôr kôngz tâu zôngv uô qir hữu cơ, paz max yênhx thax qơư chos kôngz, paz max yênhx lưv ciz uô kôngz tsik tu.

Zơưs Nguyễn Xuân Thao, Giám đốc HTX, thav pâuz: Cêr hlôngr lưv ciz uô paz HTX tsơưs li 25 - 30% nhiax phí qir trâu; nhiax cxiv tsa tsơưs đuô 100 triệu đaiv li 20 - 25 triệu đaiv nhiax /ha/shông. Đros ntơư, 100% têx tơưr cà phê tâu uô yênhx qir hữu cơ tov kaz 45 - 60 hnuz, paz tâu jông nôngz cà phê muôx gri. Txix 11 thành viên uô ntêx, txos nhiv no, HTX tưz khov txos 1.200 ziv pêx xênhv, nhiax luôv sâu tâu yax 40 tỷ nhiax/shông.

Viv truôx siaz uô trơưk tsưr ziv, HTX Cà phê Bích Thao iz tênhv jux juk yôngv siaz têx huv, kriz đar cêr pâur muôs thiaz siz khov ntov đros têx ziv pêx xênhv hâur thax qơư chos. Qơư chos tsik tu tsik zos paz tsơưs nhiax uô, tsênhv paz por hưv cêr nyiaz hur, yôngv siaz gri nôngz cà phê Sơn La, uô tâu tsưs chia HTX huôv tsar truôx njês.                 

Hok HTX kôngz lông 26/3, phường Chiềng Sinh, uô tơưv njuôz txix têx tsưr ziv tsênhz mênhx. Txix li qơư uô xuz thơưx muôx li 3 ha jâuz đros 7 thành viên, txos nhiv no, HTX huôv tsar nto 15 thành viên, siz khov li 30 ziv pêx xênhv, uô tơưv 15 ha jâuz hur trơưk VietGAP. HTX uô tsêr xor vak, têx car tưx tsuôs đêx, zôngv nôngz yiaz, sir lưv ciz uô hur; đros ntơư, sir zôngv kuôr kôngz chia uô qir hữu cơ, txo tsơưs nhiax uô, kho vax chos thiaz uô jâuz cov tsik tu nduô.

Pos Hoàng Thị Thắm, Phó Giám đốc HTX, thav pâuz: HTX tok txos huôv tsar kôngz lông jêx jok, muôx nuv uô trâu pox niav thiaz nênhs nhoz jêx jok, đros ntơư, cxiv kho zav muôz txơưr hlo chia yôngv siaz gri huv. Nhiv no, HTX lês trơưr têx qơư muôs jâuz ntơưv ciaz 7/11, ciaz Rặng Tếch, ciaz 308 thiaz ciaz Chiềng An; chos luk muôx jâuz hur trâu iz luz tsêr kho moz thiaz 13 yar cơưv. Iz shông, HTX muôs trâu cêr luôv yax 100 tấn jâuz, kol, txir, nhiax luôv sâu tâu 2,8 tỷ đaiv, muôx nuv uô tsik so trâu 10 tus nênhs thiaz 30 tus nênhs trơưk chaix...

Txos nhiv no, hur si tỉnh muôx 521 HTX kôngz lông taz tov uô nuv; ntâu đơn vị tưz zôngv têx cêr uô VietGAP, hữu cơ, cxiv tsa ntơưr mã số thax tsav chos paz max muôs trâu luôs têz qơư. Lar haik, txos kaz shông 2025, tas nro tỉnh muôx 13 đơn vị tâu chênhr nhav VietFarm, txênhz jê 30% xav hur si têx đơn vị tâu chênhr nhav hâur têz qơư, uô thơưx hlo têz qơư. Têx nuv uô tâu ntơư tưz pov, têx HTX taz tov hlôngr uô trơưk tsưr ziv, sir zôngv khoa học tsưr ziv, cxiv kho thax tsav chos, tsik so siz khov pâur muôs thiaz huôv tsar trơưk zav muôx gri. Ntơư zos chia uô kôngz jông, muôx gri, kriz đar cêr pâur muôs thiaz huôv tsar kôngz lông trơưk faz truôx njês.

Zơưs Dương Gia Định, Phó Giám đốc Sở kôngz lông thiaz Môi trường, thav pâuz: Têx qơư uô tơưv kôngz njuôz, paz yôngv siaz txiax njis nhiax txiax txix 15-20% viv tsơưs nhiax uô tơưv, yôngv siaz huv thiaz fiv huv têx chai xav pâur muôs trâu luôs têz qơư. Tsênhv chênhz, tưz paz hlôngr cêr xav uô tơưv ntơưv pêx xênhv, tok txos sir zôngv muôx liv têx zav muôx txơưv, txo tsơưs têx zav kial hiav tox trôngz thiaz huôv tsar truôx njês.

Kror yênhx côngz ntơưv têx qơư uô tơưv li HTX Cà phê Bích Thao lok sik HTX Kôngz lông 26/3 zos mênhx pêv pov uô tơưv kôngz njuôz tsik zos lav uô, mak tưz yênhx faz uô thơưx hlo ntơưv kôngz lông Sơn La. Txix li uô thơưx hlo hâur têz qơưk lok sâuv têx đơn vị tâu chênhr nhav VietFarm, cêr xav chos kôngz ntơưv tuz kôngz tưz tsênhz mênhx hlôngr pâur; cêr lês "hlôngr yiaz" tsik tsês yôngv siaz nux gri trâu bê lax luôv kôngz lông Sơn La, kriz đar cêr huôv tsar truôx njês tov kaz, fiv huv đros qơư nhoz nyiaz hur./.