Kror tsênhz lok sâuv cêr luôv nhiv no

Thôngz tỉnh nhiv no, muôx 1 kror qơư muôs huv uô lax luôv; 3 siêu thị; 34 siêu thị điện máy, xor tôngx muôx côngz nto mông Thế giới di động, FPTShop, Mediamart; 21 siêu thị mini hâur cêr lax luôv Winmart+. Iz chas ntơư, tsênhv muôx 94 luz ciaz, 186 kror qơư muôs trox xăng trox njuôv taz tov uô lax luôv, txâuk trâu pêx xênhv sir zôngv.

Zơưs Hà Như Huệ, Giám đốc Sở Công Thương, haik: Têx qơư muôs huv tưz huôv tsar cxơưz cêr hlôngr yiaz, muôx hax huv muôs thôngz cxuô qơư tsik tu nduô cxuô zav huv txâuk trâu sơưr đơưk sir zôngv. Txix thâuv hâu shông txos nhiv no, tas nro têx xiv huv muôs tâu 30.861 tỷ nhiax, tsar yax 14% njuôk li shông uô ntêx.

Pos Nguyễn Thị Nhung, phường Tô Hiệu, haik: Hâur thax tsav phường nhiv no tưz muôx trung tâm lax luôv, siêu thị, thaz nzưr, têx đại lý, qơư muôs hax huv txâuk trâu cêr sir zôngv, pêx xênhv muôx qơư uô si.

Paz tsêr luôv, hợp tác xã muôs hax huv, Sở Công Thương tưz siz chos đros Cục lax luôv điện tử thiaz Nhiax txiax số (Bộ Công Thương) cxiv tsa cêr luôv điện tử Sơn La (www.sonla.sanviet.vn), muôx 40 luz tsêr luôv, HTX thiaz 60 zav huv tưz tâu xair muôs sâuv cêr lax luôv điện tử tâu muôs uô cê (Sanviet.vn) zos Cục Thương mại điện tử thiaz Nhiax txiax số saiz car ntov hâux lưv. Paz tsêr luôv, hợp tác xã piar muôx huv trâu sâuv 3 kror qơư lax luôv điện tử Ntiax têz (Alibaba.com, EC21.com, Agrimp.com); siz chos côngv lês hâux lưv “Hnuz grâuv pax sir zôngv huv Việt ntơưv Tây Bắc”. Zôngv thiaz kria tsik so têx zav muôx đros têx hax huv, tsêr luôv, hợp tác xã tỉnh Sơn La (https://agritradepage.vn) muôx 42 luz tsêr luôv, HTX thiaz 52 zav huv zos kôngz lông tâu sâu mênhx 3 zav luk (Việt, Anh, Trung)...

Paz max huôv tsar cêr luôv logistics, Sở Công Thương tưz saz lax jias cơưv “Tuôr xav huôv tsar logistics paz kôngz lông tỉnh Sơn La”; đros Sở Tài chính siz chos gruô hu pênhr huôv tsar logistics, lar haik mak tu kôngz muôs muk oz chas tê. Têx dự án trung tâm logistics ntơưv Mộc Châu, Mai Sơn tâu tưz muôx bê hâur ntu gruô hu pênhr uô ntu 2021-2025, têx cêr huôv tsar vax tsê lax luôv 2020-2030, bax txos 2050 haaurr tas nro cxuô zav ntơưv tỉnh Sơn La.

Iz chas ntơư, Sở Công Thương đros cxuô sở, ngành saz lax UBPX tỉnh siz chos cir têx ntơưr zok njuôk tsov mênhx thax tsav Trôngx lôngs đriv têz Lóng Sập, paz kho cêr, vax tsê chia muôs huv trâu oz chas têz thiaz huôv tsar logistics. Tsik tas li, cxiz nênhs muk uô côngz xưv cxênhz yuôx, gruô hu pênhr tsêr luôv logistics tuôx uô nox trâu Sơn La; đros Ban saiz car têx qơư công nghiệp tỉnh piar mênhx chai huôv tsar logistics, lax luôv điện tử ntơưv tỉnh trâu Liên Chi hội Zôngv ar Công nghiệp Việt Nam.

Chai têz qơưk paz gruô hu nhiax pênhr

Gruô hu nhiax huôv tsar logistics, UBPX tỉnh Sơn La tưz fuô Quyết định số 267/QĐ-UBPX Hnuz 21/2/2023 lok sâuv bê cxuô dự án gruô hu pênhr ntu 2021-2025. Hâur ntơư muôx têx dự án trung tâm logistics đros trâu ciaz muôs kôngz lông Mai Sơn thiaz Mộc Châu, 7 dự án qơư uô lax luôv. Tsik tas li, têx njiaz luk no cux tâu sâu bê njuôk tsov tỉnh Sơn La tưz tâu Thủ tướng Chính phủ cir Quyết định 1676/QĐ-TTg Hnuz 25/12/2023.

Nhiv no, cxuô dự án cxưx nhiax trung tâm logistics haik khênhx thiaz dự án cxưx nhiax huôv tsar hâur thax tsav tỉnh haik tas nro tâu têz qơưk paz trơưk Chai cxưx nhiax shông 2020, li: Jav tsik sâu 10% sê tsêr luôv hâur 15 shông; jav đơưz 4 shông, jav 50% sê hâur 9 shông txuôk nzir; jav tas nro têx nhiax sê zuôr chuôz zênhx oz chas lok; tsik sâu sê ar 3 shông thiaz 11 shông ntu cxiv tsa têx zav zov chênhr.

Larr haik mak, têx hợp tác xã ntiarr ar uô lax luôv tâu jav 50% nhiax sê ar. Ntơư, zos cêr paz lok six tsênhv chênhz trâu têx HTX, tsêr luôv zâu, tsik muôx nhiax uô tsêr txiak trâu huv, tsik muôx nhiax zuôr chuôz zênhx jông.

Đros ntơư, tỉnh Sơn La tưz ký 10 đaiv ntơưr đros Phòng Thương mại thiaz Công nghiệp Việt Nam (VCCI), chos luk lok sâuv: Tsênhr cov muôx txâuk điện, đêx, xor tôngx txos ntuô tsêr luôv; zok ar yêv hur si, yêv qơư sai; paz cxix cxuô trâu dự án, cêr lax luôv logistics, lar haik mak paz hâur cêr uô kôngz lông.

Zơưs Vũ Việt Thắng, Giám đốc Công ty CP Phúc Sinh Sơn La, haik: Tâu nov hâu paz, pêz chia siaz tỉnh Sơn La zuôr nzor muôx nênhs cxưx nhiax trâu cêr luôv logistics li uô tsêr txiak, yar tiax, container txiak, hnaz trâu huv... cov yênhx têx cêr lax luôv njuôz hur, paz kôngz lông Sơn La cov muôs tâu ntâu hâur têz qơưk thiaz muôs muk oz chas têz.

Sơn La lês siz luôs jok ntâu faz tsưr ziv thiaz đros têx tsêr luôv cxưx nhiax siz chos luk khor kho, paz zôngx ziv trâu têx tsêr luôv muôx nhiax, txâuk pênhr xưv cxưx nhioax uô nox, lar haik mak cêr luôv logistics, chia cxiv tsa tỉnh cov yênhx đrôngs nhiax txiax - xã hội thax tsav Tây Bắc.