Txix hâu shông txos nhiv no, tỉnh Sơn La muôx 2 tsêr mair tưz piz lês hâux lưv. Ntơư zos tsêr mair VFI Sơn La thiaz Tsêr mair jov mnôngr kok ntông BHL. Iz chas ntơư, ntơưv Trung tâm Tsuôv cuô, tsưx tsês jâuz DOVECO Sơn La cux muôz nhiax zuôr têx chuôz zênhx lês hâux lưv Tetra Recart, công nghệ Thụy Điển thơưx hlo ntơưv Việt Nam lok ntiv hnaz têx txir, kriz đar faz tsưr ziv chia paz trâu têx tuz kôngz sâu nju nhiax txiax truôx njês.

Tsêr mair jov mnôngr kok ntông BHL uô tiar lês hâux lưv tưz paz muôx ntâu zav hlôngr yiaz hâur saz tsuôv, tsưx tsês, paz trâu têx kôngz muôs tas hur tiz si. Đros ntơư, paz uô tâu têx hax huv jông, muôs tâu muk trâu oz chas têz qơưk.

Zơưs Vũ Hưng Bình, Tổng Giám đốc Tập đoàn BHL Sơn La, haik pâuz: Hâu shông 2025, dự án Tsêr mair jov mnôngr kok ntông BHL Sơn La tâu piz lês thiaz tsuôk zos tov kaz zuôr luôs 8 hli tưz piz lês hâux lưv. Tsêr mair đar 1,64 ha ntơưv Thax tsav tsêr mair Mai Sơn, jov tâu 300 tấn/hnuz hmo, tâu muôz nhiax zuôr mair lês hâux lưv jông thơưx hlo Châu Á, uô tâu yax 1.000 mã hax huv hâur 5 zav zov chênhr. Ntơư zos faz tsưr ziv zov chênhr paz trâu hax huv ntơưv BHL txâuk chai muôs muk trâu oz chas têz thiaz zênhx max muôz lok lês hâux lưv hâur chiv kok ntông shông 2025 - 2026.

Tov kaz 2 shông Trung tâm Tsuôv cuô, tsưx tsês, kôngz txir nox Doveco Sơn La, Công ty cổ phần muôs hax huv muk trâu oz chas têz Đồng Giao tâu cxiv puôz tiar muôz lok sir zôngv đros trâu têx chuôz zênhx lês hâux lưv fiv huv, hur si uô tâu  yax 52.000 tấn hax huv/shông. Shông 2025, Doveco Sơn La tror lês jông mair ntiv hnaz công nghệ Thụy Điển (Tetra Recart) thơưx hlo muôx njês muôs ntơưv Việt Nam, uô tâu 6.000 hnaz/hnuz, bâuv li 6-8 triệu hnaz/shông.

Zơưs Phạm Ngọc Thành, Phó Tổng giám đốc Công ty cổ phần hax huv muôs muk trâu oz chas têz Đồng Giao, haik pâuz: Têx chuôz zênhx yiaz tưz paz ntiv tâu têx hax huv jông ntơưv Việt Nam thiaz Sơn La… đhâu ntơư cxơưz paz trâu têx hax huv muôs muk trâu oz chas têz, paz muôx hâux lưv uô, paz trâu tuz kôngz thiaz têx hợp tác xã hâur thax tsav sâu tâu nju nhiax txiax.

Txix shông 2021 txos nhiv no, tỉnh tưz fuô lês tiar 10 dự án yiaz, cxaz nzir hur si têx qơư tsuôv cuô, tsưx tsês kôngz, txir nox txos trâu 21 tsêr mair thiaz 600 qơư lês hâux lưv zâu, đros trâu cêr côngv têk ntơưv ntâu tập đoàn txâuk njênhs hâur têz qơưk thiaz oz chas têz. Nhiv no, hâur thax tsav tỉnh muôx 9 cơ sở luôv tơưr cà phê, txâuk luôv tơưr trâu yax 50% têx cà phê nhôngk ntơưv tỉnh; yax 20 tsêr luôv, HTX uô yuôx zêx; 1 tsêr mair uô suôz thax caz tsiz, xav jov tâu 5.000 tấn caz tsiz/hnuz; 2 tsêr mair jov mnôngr kok ntông; 4 tsêr mair tsuô cuô, tsưx tsês jâuz, txir nox; 1 tsêr mair mik nhux. Têx hax huv muôs muk trâu oz chas têz hâur ntu 2021-2025 tsar siaz, txix 104,1 triệu USD shông 2021 txos trâu 208 triệu USD shông 2025, đros trâu têx hax huv zov chênhr li: Cà phê, yuôx zêx, kok ntông thiaz têx hax huv zos muôz kok ntông, txir tsơưz, mor môngk, lưv tsiz, chuôz thox hmaz uô tơưv.

Zơưs Hà Như Huệ, Giám đốc Sở Công Thương, haik pâuz: Nhiv no, Sở taz tov fuô lês cxix cxuô têx tsưr ziv chia gruô hu tâu têx paz pơưs muôz pênhr lês hâux lưv cov tâu jông. Zov chênhr zos gruô hu trâu saz tsuôv cuô, tsưx tsês, lês sai têx dự án zov chênhr ntơưv Thax tsav tsêr mair Mai Sơn. Đros ntơư, Sở tưz moz siaz paz kria tsưr ziv trâu têx tsêr mair, gruô hu kriz đar qơư lês hâux lưv, sir zôngv chuôz zênhx jông chia cov uô tâu têx hax huv jông thiaz tsik hiav txos đêx ar, huôz chuô nyiaz hur.

Hâux lưv sir zôngv chuôz zênhx jông lok lês nuv tưz yênhx qơư chuôz jos zov chênhr chia paz trâu saz kôngz Sơn La huôv tsar. Hâur ntu đhâu, tỉnh tưz moz siaz gruô hu pênhr nhiax lês dự án thiaz uô tâu têx hax huv jông, chia cxiv tsa kôngz lông Sơn La truôx njês hâur cêr lax luôv ntiax têz thiaz paz trâu tuz kôngz sâu tâu nju nhiax txiax sir zôngv.