Ntu 2021-2023, tỉnh Sơn La tưz muôz nhiax uô 6 dự án, li: Tsêr mair kra kruôr, tsuôv cuô, tsưx tsês jâuz, txir nox chia muôs muk trâu oz chas têz qơưk hâur Dự án Trung tâm tsưx tsês kôngz txir nox - Doveco Sơn La; Tsêr mair uô suôz thax caz tsiz Glucose BHL Sơn La; tsêr mair kra kruôr, tsưx tsês kôngz, Công ty cổ phần Nafoods Tây Bắc; Dự án muôz nhiax uô qơư kra kruôr, tsưx tsês hax huv kôngz txir nox Mộc Châu hâur Công ty Thương mại Tây Bắc; Dự án cxiv puôz qơư tu, zus nhux mik trơưk tsưr ziv yiaz Mộc Châu hâur Công ty cổ phần Nôngz nhux mik Mộc Châu; Tsêr mair uô cà phê hâur Công ty cổ phần jov cà phê Sơn La. Txos nhiv no, 2 Tsêr mair tưz piz lês hâux lưv, muôx: Tsêr mair uô cà phê hâur Công ty cổ phần uô cà phê Sơn La, Trung tâm tsưx tsês jâuz, txir nox Doveco.

Piz lês hâux lưv tâu zuôr luôs 2 shông, Trung tâm tsưx tsês jâuz, txir nox Doveco Sơn La tâu saiz zos iz hâur têx trung tâm tsưx tsês lês tâu hâux lưv jông hâur tỉnh. Pos Nguyễn Hằng Nga, Phó Giám đốc saiz car Trung tâm Tsưx tsês jâuz Doveco Sơn La, haik pâuz: Txix hâu chiv 2024 txos nhiv no, Công ty cổ phần kra kruôr, tsưx tsês kôngz txir nox muôs trâu oz chas têz qơưk Đồng Giao tưz sâu zuôr yax 8.700 tấn jâuz, txir cxuô zav; hâu ntơư, muôx zuôr luôs 2.000 tấn txir mor môngk. Trơưk tuôr xav, txix nhiv no txos trâu kaz shông, Công ty sâu zuôr yax 60.000 tấn kôngz txir nox cxuô zav; hâu ntơư, 10.000 tấn chuôz thox hmaz; 1.000 tấn lưv tsiz, 20.000 tấn lưv tsiz thiaz cxuô zav kôngz txơưr.

Txos nhiv no, tỉnh Sơn La muôx zuôr luôs 60 luz tsêr mair, qơư kra kruôr, tsuôv cuô, phênhv ntâu zos uô têx hax huv li: yuôx zêx, cà phê, têx hax huv mik nhux, mnôngr kok ntông... Têx tsêr mair tưz lês tâu hâux lưv jông, tsik tsês huôv tsar qơư chos kôngz trơưk faz siz khov, li: Công ty cổ phần suôz thax caz tsiz Sơn La chos luk chos thiaz zuôr caz tsiz đros trâu zuôr luôs 10.000 zis; têx tsêr luôv, HTX côngv chos, muôs cà phê đros trâu zuôr luôs 12.000 zis; Công ty cổ phần Nôngz nhux mil Mộc Châu siz chos đros 513 zis lol sâuv tu, zus thiaz yênhx puô zis chos poz cưk chia trâu tsiax nox…Têx hax huv iz chas muôs hâur têz qơưk, tsênhv muôs muk trâu oz chas têz qơưk.

Tov kaz 6 shông lês hâux lưv, Công ty cổ phần Phúc Sinh Sơn La tưz muôx ntâu zav hlôngr yiaz. Ntơư zos tsêr mair uô ntêx hlo qơư uô trà Cacara, muôx: Qơư nzuôr, luôv tơưr, kra kruôr UV; mair kra kruôr txiak; tưx ntiv hnaz, xav uô tâu 0,5 tấn trà /jias lês hâux lưv. Thâuv ntêx, hur si tơưr cà phê zos chia uô qir trâu kôngz lông, Công ty muôz nhiax zuôr mair uô yuôx trà Cascara piz lês hâux lưv, uô têx zav hax huv txơưr hlo, muôs tâu gri siaz thiaz tâu têx têz qơưk châu Âu nhiav zuôr.

Zơưs Nguyễn Văn Bắc, Giám đốc Sở Công Thương, haik pâuz: Saz công nghiệp kra kruôr, tsưx tsês kôngz tỉnh Sơn La tưz muôx kror huôv tsar. Nhiv no, hur si tỉnh muôx 17 tsêr mair, 543 kror qơư kra kruôr, tsưx tsês kôngz, txir nox, cxuô shông, uô tâu yênhx châuv txos trâu yênhx cxênhz tấn mor môngk, lưv tsiz, cà phê, kok ntông, pôngr lux, txir nkhơưz jiz, poz cưk kaz jiz, txir tsơưz, mắc ca, tuôz ziz, chuôz thox hmaz, têx zav jâuz cxuô zav... cxơưz paz trâu têx kôngz muôs tâu gri đuô.

Hâur hli 7 nhiv kruôr đhâu, Ban Thường vụ Tỉnh ủy tưz thôngx iz trôngs luk cêr chai muôz nhiax lês dự án Tổ hợp Tsêr mair uô kak nox trâu tsiax cxu thiaz kra kruôr, tsưx tsês kôngz Mavin Mai Sơn. Têx cơ quan muôx vax huôv taz tov cxênhz, uô tiar ntâuz ntơưr, khov lês dự án trơưk ntâuz ntơưr chox car hâur Tỉnh ủy thiaz UBPX tỉnh. Tsik njênhk têx dự án muôz nhiax lês tsuv fiv huv trâu cêr tuôr xav gruô hu muôz nhiax lês hâux lưv tâu Ban Chấp hành Đảng bộ tỉnh tso chai lês hâur Nghị quyết số 06-NQ/TU.

Đros ntơư, tỉnh Sơn La tror lês jông hâux lưv hlôngr uô ntâuz ntơưr têz qơưk, lês jông côngz xưv gruô hu nhiax chia lês têx dự án kra kruôr, tsưx tsês kôngz txir nox; paz zôngx ziv trâu tsêr luôv tâu chos luk, chox car têx hâux lưv khoa học công nghệ hâur tỉnh. Lês tiar têx hâux lưv siz khov pâur, muôs hax huv kôngz lông trơưk faz muôs tâu gri. Cxiv tsa têx tsêr luôv uô ntêx lông lês hâux lưv, cxơưz paz công nghiệp kra kruôr, tsưx tsês muôx cêr siz khov, muôs tâu gri, paz muôx hâux lưv uô trâu têx nênhs uô nuv hâur thax tsav. Sir jos txos shông 2025, têx kôngz hâur tỉnh Sơn La muôs tâu 6.500 tỷ đaiv.