Gruô hu dự án zos oz chas têz qơưk muôz nhiax uô (FDI), tỉnh Sơn La tưz moz siaz đros têx paz pơưs ntiax têz, têx têz qơưk thiaz thax tsav hâur ntiax têz siz khov, chos luk pâur muôs hax huv kôngz txir nox tỉnh Sơn La; kria pâuz cxuô zav trâu cơ quan hlôngr njêx muôs đros oz chas têz siz khov ntơưv Việt Nam hâur têz qơưk thiaz thax tsav chia fuô kria muôz nhiax uô hâux lưv, nuôv zax trâu tỉnh. Tỉnh tưz tso ntâu paz côngz xưv muk shuôk, uô hâux lưv, zok nriar tsưr ziv đros oz chas têz qơưk siz khov thiaz gruô hu têx tuz luôv oz chas têz qơưk muôz nhiax lês hâux lưv, uô lax luôv, chia côngv trâu têx ciaz khư, cêr luôv ntiax têz.

Nhiv no, tỉnh Sơn La gruô hu 7 dự án zos oz chas têz qơưk muôz nhiax uô, đros trâu hur si nhiax chos luk 153,6 triệu đô la, muôx: Dự án khơưz niken jok Phúc (Bắc Yên); dự án uô Trung tâm tsưx tsês kôngz lông, har jôngr Việt Hàn; dự án tsa tơưv Công ty TNHH Zuz ntông Takii Việt Nam; dự án chos thiaz ciz yuôx zêx muôs trâu oz chas têz qơưk ntơưv Công ty TNHH Li Garden Việt Nam (Mộc Châu); dự án Tsêr mair kra kruôr, tsưx tsês kôngz txir nox Vân Hồ; dự án Tsêr mair yuôx zêx ntơưv Công ty TNHH Satoen Việt Nam (Vân Hồ); dự án uô lax luôv ntơưv Công ty TNHH CJ CGV Việt Nam, Chi nhánh Sơn La, yôngx 3, Trung tâm Thương mại Vincom Sơn La (Thành phố). Têx tuz luôv muôz nhiax tuôx uô nox phênhv ntâu nhoz ntơưv têx têz qơưk New Zealand, Nhật Bản, Hàn Quốc, Đài Loan, phênhv ntâu muôz nhiax lês hâux lưv trâu saz uô kôngz lông, khơưz têx zav nhoz đruôz ar, điện yar ntux…

Phênhv ntâu, têx tsêr luôv FDI ntơưv tỉnh Sơn La lês hâux lưv, uô lax luôv truôx njês, trơưk cêr chai têz qơưk, muôz nhiax hli thiaz muôx cxuô cêr paz trâu têx nênhs uô nuv trơưk cêr chai. Têx tsêr luôv FDI moz siaz lês dự án trơưk li chos luk hâur Ntơưr chứng nhav muôz nhiax lês hâux lưv thiaz đros nov hâu thax tsav lês jông hâux lưv paz têx nênhs txov nhêv hla đhâu cêr phiv liv, por hưv đêx ar, huôz chuô, xair nênhs uô hâux lưv hâur thax tsav, cxơưz paz huôv tsar nhiax txiax - xã hội hâur thax tsav dự án.

Têx dự án FDI tưz paz hlôngr yiaz tsưr ziv huôv tsar nhiax txiax ntơưv tỉnh trâu saz uô kôngz lông, kra kruôr, tsưx tsês kôngz, txir nox, paz lês tâu jông hâux lưv, uô tâu hax huv jông, sâu nju nhiax đuô hâur iz thax tsav têz chos, paz têx nênhs uô nuv sâu nju nhiax txiax, iz thênhv jux juk cxuz cêr yaiz, cêr pluôs.

Moz siaz gruô hu dự án FDI, tỉnh Sơn La taz tov sir jos, moz siaz xair thiaz nhav têx nhiax lês hâux lưv; moz siaz siz khov ntov nti txix li têx bộ, ngành Trung ương hâur ntu cxiv tsa cêr tuôr xav; cxiv kho ntâuz ntơưr têz qơưk; moz siaz lês jông hâux lưv yaik pêx xênhv muk nhoz đuô qơư yiaz. Sir jos cxiv tsa cov yênhx têx tsêr mair; lês tiar cxuô zav hâux lưv chia gruô hu tâu têx nênhs cxưx nhiax. Tso tơưv têx ntâuz ntơưr, tsưr ziv gruô hu muôz nhiax lês hâux lưv; sir jos lês côngz xưv tuôr xav mênhx pêv, tuôr xav uô hâux lưv... Paz tâu zôngx ziv lês hâux lưv trâu têx tsêr cxưx nhiax.