Ban tưz đros têx sở, ngành saz lax trâu UBPX tỉnh cxênhz yuôx, cxaz nzir têx thax tsav công nghiệp nhuôv kruôr tuôr xav ntơưv tỉnh ntu  2021-2030, xav txos shông 2050,  fiv huv cêr khov têx zav jông công nghiệp, gruô hu tsêr luôv thiaz dự án yiaz, huôv tsar uô tơưv jông, uô cê, qơư uô lox, đros trâu por hưv qơư nyiaz hur. Cêr xav txos shông 2050, tỉnh muôx 5 thax tsav công nghiệp, đros trâu qơư đar li 1.000 ha. Ntu shông 2021-2030, huôv tsar thax tsav công nghiệp (KCN) Mai Sơn tâu 150 ha thiaz thax tsav công nghiệp Vân Hồ 216,6 ha; tov kaz shông 2030, kriz đar thax tsav công nghiệp Mai Sơn ndê 312 ha. Txos shông 2050, tsik tsês huôv tsar têx thax tsav công nghiệp ntơưv Lóng Sập, Yên Châu thiaz Chiềng Khương.

Zơưs Nguyễn Đức Dũng, Thơưx Ban Saiz car têx thax tsav công nghiệp tỉnh, thav pâuz: Shông 2025, Ban fuô lês ntâu tsưr ziv yôngv siaz txiax njis gruô hu cxơưz cxiv trâu Thax tsav công nghiệp Mai Sơn. Tsênhv chênhz mak hlôngr ntơưr hành chính, mênhx pêv têx mông kria tuôr xav thiaz cêr chai nhiax txiax; kriz thav đros tsêr luôv chia paz, đơưk cêr chor nhov trâu nênhs cxiv tsa. Đros ntơư, sir jos cxơưz paz, yâu mông, xuz paz dự án công nghệ jông fiv, huv qơư nyiaz hur, têx zav txơưv zênhx muôs trâu luôs têz qơưk thiaz paz trâu nhiax txiax.

Têx nênhs cxiv tsa ntơưv têx Thax tsav công nghiệp ntơưv tỉnh tâu Ban paz hur si txix kror nus pâuz, kria qơư, muôz ntơưr chênhr nhav cxiv tsa txos fuô lês cxiv puôz thiaz uô tơưv uô luôv. Nhiv no, 100% qơư uô têz qơưk tâu paz pov njôngr ntơưv kror muôs, hâur ntơư 97,6% ntâuz ntơưr tâu jông hov piar hur si (42/43 zav ntâuz ntơưr). Têx zav saiz car uô jông trơưk chai xav tâu lês trơưr, 100% ntâuz ntơưr uô tâu uô ntêx hnuz tênhv. 

Xav li côngz xưv cxơưz cxiv, Ban Saiz car têx thax công nghiệp tỉnh tưz ndo njôngr sâu têx mông nênhs cxiv tsa đhâu ntâu ntu, cxiv tsa cêr xav uô nuv pov njôngr đhâu njuôk saiz thiaz cxênhz txos dự án ntơưv têx thax tsav txơưr. Txix hâu shông, Ban tưz kriz paz côngz xưv cxơưz paz ntơưv An Giang, Đồng Tháp, Ninh Bình; đros Liên Chi hội Muôs ar Việt Nam yâu mông têx zav txơưv zênhx thax tsav công nghiệp Mai Sơn thiaz nriar nênhs cxiv tsa fiv huv cêr xav huôv tsar công nghiệp jov uô, công nghiệp paz cxơưz.

Hâu 8 hli, Ban Saiz car têx thax tsav công nghiệp tỉnh tưz muôx paz côngz xưv cxơưz paz cxiv tsa ntơưv Công ty TNHH Dream Plastic thiaz Công ty TNHH Siz côngv Kar nox Mavin (Ninh Bình), kria hur si đhâu têx zav đêx ar huôz chuô, nhiax txiax- xã hội thiaz cêr huôv tsar têx thax công nghiệp tỉnh Sơn La, haik tsênhz cêr txơưv zênhx nênhs hluôs, têk txơưx đros têx zav jông tsưr ziv thiaz zok thôngz cêr fiv huv cêr khov uô tơưv, uô luôv.

Zơưs Jang Kyuong Ho, Phó Tổng giám đốc Công ty Dream Plastic, thav pâuz: Trơưk cêr xav, tov kaz tâu zênhv cêr xav, Công ty zuôr cxiv puôz tsêr máy uô tơưv thiaz uô têx chuôz zênhx trâu mê nhuôv zâuk uô si đros têx huv trox ntông ntơưv Thax công nghiệp Mai Sơn, đros trâu têx nhiax cxiv tsa yax 180 tiv đaiv. Tsêr máy tsov xav uô tiar thiaz lês uô truôx njês txix luz 3/2026, sir zôngv li 1.200 tus nênhs uô nuv zuk thax tsav, nhiax uô luôv xav sâu tâu li 2 triệu nhiax đô la (USD)/hli.

Txos nhiv no, Thax công nghiệp Mai Sơn (ntu I) tưz gruô hu tâu 9 dự án đros xav têx pênhr chos luk muôx li 1.453,7 tiv đaiv, sir zôngv 30,44 ha, tâu tiv tsôngv pur li 66%. Têx dự án zov chênhr nhoz côngs ngành fiv huv cêr xav huôv tsar công nghiệp thiaz gruô cxơưz cxiv tsênhv chênhz ntơưv tỉnh.

Txix li têx cêr xav thiaz tsưr ziv siz luôs jok hâur gruô hu cxơưz cxiv, huôv tsar têx zav jông thiaz xuz lês têx dự án uô jông, chuôv zênhx fiv huv, huv  qơư nhoz nyiaz hur, Ban Saiz car têx thax công nghiệp tỉnh tsênhv iz truôv kriz lês muôx liv têx zav txơưv zênhx, muôx txơưv, siz chos yôngv siaz nux gri uô tơưv công nghiệp, đros ntơư cxơưz paz huôv tsar nhiax txiax truôx njês, chuôz jos trâu cêr huôv tsar nhiax txiax - xã hội ntơưv tỉnh.