Huyện Mai Sơn muôx 22 xã, thị trấn, hâur ntơư muôx 10 xã, 123 luz jok njiz ntâu cêr phiv liv. Pêx xênhv hair nênhs tsơưs txênhz 72%. Zơưs Vũ Tiến Đĩnh, Chủ tịch UBPX huyện Mai Sơn, haik pâuz: Lês têz qơưk luôs hâux lưv, huyện tưz moz siaz fuô kria têx njiaz luk cik txos trâu têx xã, pêx xênhv fuô lês. Chox car têx phòng, ban chuyên môn đros têx xã, thị trấn cxênhz yuôx zis pluôs, jê cêr pluôs, chia muôx tsưr ziv cxơưz paz cov tâu jông.

Txix shông 2021 txos nhiv no, huyện tưz phaiz têx cơ quan, đơn vị, chi đảng bộ cơ sở paz 49 luz jok njiz ntâu cêr phiv liv ntơưv 14 xã. Siz chos đros têx xã cxênhz yuôx zis pluôs têx cêr chia siaz; cxiv tsa tsưr ziv cxơưz paz, xair têx hâux lưv mênhx pêv, fiv huv li: Kria tsưr ziv huôv tsar nhiax txiax, paz zis pluôs uô tsêr nhoz; paz zuz kôngz, nôngz tsiax cxu; cxiv puôz cêr yêz, vax tsê cxuô zav; fuô kria, zaz zâuv cxuô zis pêx xênhv lês jông Đảng, têz qơưk têx cêr chai...

Zơưs Vũ Văn Hưởng, Giám đốc Trung tâm kria pêx xênhv uô kôngz huyện, haik pâuz: Cxuô shông, trung tâm tưz xair 1 luz jok cxơưz paz, paz pêx xênhv lok sâuv tsưr ziv chos kôngz lông. Trung tâm tưz phaiz cán bộ kriz têx lớp kria nzir tsưr ziv chos kôngz, tu zus tsiax cxu, paz zuz, nôngz kôngz nôngz tsiax trâu têx jêx jok txov nhêv.

Iz chas ntơư, huyện Mai Sơn tưz fuô lês têx cêr chai, dự án paz pêx xênhv huôv tsar uô kôngz lông, lax luôv, tơưv đhâu cêr pluôs truôx njês; moz siaz muôz nhiax uô cêr yêz, vax tsê fiv huv hâux lưv huôv tsar nhiax txiax, xã hội hâur thax tsav, zov chênhr mal têx xã tsênhv yuôr ntâu zis pluôs. Shông 2023, huyện Mai Sơn tâu zok 182,7 tỷ nhiax chia lês têz qơưk 3 luz luôs hâux lưv, li: Têz qơưk luôs hâux lưv cxiv tsa jêx jok yiaz; luôs hâux lưv txo tsơưs cêr pluôs truôx njês thiaz luôs hâux lưv huôv tsar nhiax txiax, xã hội thax tsav pêx xênhv hair nênhs tsơưs thiaz tox siaz. Txos nhiv no, tưz muôz tâu 57,3 tỷ nhiax chia paz huôv tsar uô kôngz lông; cxiv tsa têx qơư siz khov chos kôngz cov sâu tâu nju; hlôngr uô hâux lưv thiaz cxiv puôz qơư đêx hur sir zôngv...

Xã Chiềng Mai zos iz hâur têx thax tsav taz tov tâu paz txix li têx cêr chai hâur têz qơưk luôs hâux lưv. Shông 2023, txix li nhiax têz qơưk lok sâuv huôv tsar nhiax txiax xã hội thax tsav pêx xênhv hair nênhs tsơưs thiaz tox siaz, xã tưz cxiv tsa uô qơư đêx hur trâu têx jok, xav uô tas 6 tỷ nhiax, tưz uô tiar 60% hâux lưv, tuôr xav zuôr muôz lok sir zôngv hâur kaz shông 2023; tưz uô tiar thiaz muôz lok zôngv tsêr txux chi jok Dăm Hoa đros trâu uô tas 950 triệu nhiax.

Zơưs Nguyễn Trọng Nam, Chủ tịch UBPX xã Chiềng Mai, haik pâuz: Hâur ntu cxiv puôz, pêz tưz phaiz trâu tổ cxênhz yuôx ntơưv xã, jok tsik tsês đros têx đơn vị lês hâux lưv cxênhz yuôx chia cov cxiv puôz cov tâu sai thiaz jông. Hâux lưv muôz nhiax uô têx hâux lưv zov chênhr hâur thax tsav xã tưz paz pêx xênhv luz nênhx tâu jông đuô.

Txos nhiv no, 100% xã ntơưv huyện Mai Sơn tưz muôx cêr yêz lox txos trâu đrôngs tâu cxiv puôz khor kho; 98,85% zis pêx xênhv tâu sir zôngv điện têz qơưk; 97% zis nhoz jêx jok tâu sir zôngv đêx hur. Luôs hâux lưv cxiv tsa jêx jok yiaz lês tâu ntâu zav txâuk kruôk. Thôngz huyện muôx 9 xã txâuk chai jêx jok yiaz; hâur ntơư, xã Chiềng Ban txâuk chai jêx jok yiaz hov jông.

Chia cov uô tiar têx cêr tuôr xav, huyện Mai Sơn taz tov lês cxix cxuô, muôx liv têx cêr chai huôv tsar nhiax txiax, xã hội; lês jông cêr tuôr xav têz qơưk luôs hâux lưv txo tsơưs cêr pluôs truôx njês, cxiv tsa jêx jok yiaz thiaz huôv tsar nhiax txiax, xã hội thax tsav pêx xênhv hair nênhs tsơưs thiaz tox siaz. Moz siaz kria nzir tsưr ziv trâu pêx xênhv, paz pêx xênhv tâu txaik nhiax thêv tsav liv tsơưs chia huôv tsar uô kôngz lông, tơưv đhâu cêr pluôs truôx njês.