Luz  6 hli gris nhiv kruôr đhâu, Sở Kôngz lông thiaz Môi trường Sơn La tưz kria tsưr ziv txuôk chês ntông nox txir trâu cán bộ kôngz lông 9 luz tỉnh têz qơưk Lok Tsuôk, chia txuôv nôngz, huôv tsar têx ntông nox txir jông gri, fiv huv huôz chuô, đêx ar têx tỉnh têz qơưk Lok Tsuôk. Jias no, cux kria tsưr ziv tso cuô tơư nhux thiaz tưv, yôngv nôngz tsiax huôv tsar thiaz phax, tar moz.

Tsik zos kria nzir tsưr ziv xưz, Paz cán bộ têx tỉnh têz qơưk Lok Tsuôk tsênhv tâu muk shuôk têx qơư chos kôngz thiaz muôs nju nhiax hâur thax tsav tỉnh Sơn La. Zơưs Yên Sắc Sít Thị Nha Vôn, Phó Giám đốc Sở Nông - Lâm nghiệp tỉnh Bò Kẹo, têz qơưk CHDCND Lok Tsuôk, haik: Tâu muk ndis cias têx qơư chos kôngz, tâu cán bộ kôngz lông thiaz têx HTX ntơưv tỉnh Sơn La kria tsưr ziv huôv tsar kôngz lông nju nhiax txiax, tror muk tsêr pêz zuôr chox têx tsưr ziv cơưv tâu muk kria trâu Tuz kôngz.

Zơưs Trần Dũng Tiến, Phó Giám đốc Sở Kôngz lông thiaz Môi trường, haik: Đhâu lớp cơưv jias no, tỉnh Sơn La chia siaz cán bộ têx tỉnh têz qơưk Lok Tsuôk zuôr cơưv ntâu tsưr ziv chox muk zôngv chia uô nox, paz max hâux lưv kôngz, lông huôv tsar, sir zôngv tas têx đêx, ar muôx txơưv, cxơưz pêx xênhv huôv tsar nju nhiax txiax truôx njês.

Yênhx shông, Sở Kôngz lông thiaz Môi trường tsênhv txiz têx paz nov côngz xưv muk siz shuôk; đros Sở Nông - Lâm nghiệp têx tỉnh cxênhz huôz chuô, đêx ar chia chos ntông nox txir, zus tsiax cxu fiv huv; txiz cán bộ kria tsưr ziv paz trâu têx tỉnh fôngx zưs uô tâu nox.

Txix shông 2020 txos nhiv no, Sở Kôngz lông thiaz Môi trường Sơn La tưz paz Tuz kôngz têx tỉnh Hủa Phăn, Luông Pha Bang, Luông Nặm Thà nto 17.900 tsoz zuz ntông nox txir; chos 70 ha txir mo môngk, lưv tsiz, thênhx caz, lưk pax. Siz chos njuook tsov, xair qơư chos ntông nox txir, chos har jôngr ntơưv 5 luz tỉnh: U Đôm Xay, Xiêng Khoảng, Luông Pha Bang, Luông Nậm Thà, Phông Sa Lỳ.

Iz chas ntơư, Chi cục Chos thiaz Por hưv kôngz lông tỉnh tưz paz yênhx cxênhz lênhx Tuz kôngz tỉnh Hủa Phăn cxênhz yuôx têx caz tsiz muôs trâu tỉnh Sơn La, muôx yax 150 tấn caz tsiz ntơưv tỉnh Hủa Phăn tưz tâu Công ty cổ phần Suôz thax caz tsiz Sơn La zuôr tas nro hâur chiv nhiv kruôr đhâu.

Zơưs Hồ Trung Kiên, Chi cục trưởng Chi cục Chos trọt thiaz Por hưv kôngz lông tỉnh, haik: Iz phix caz tsiz zuôr az đrâuk lok puôr lênhx đhâu oz tov cxênhz yuôx. Lês têx hâux lưv no têx thâuv tas nto 3 hnuz, thâuv ntơư Công ty cổ phần suôz thax caz tsiz Sơn La uô jông xair têx caz tsiz nhiv kruôr txiar tsik đhâu 48 luz six hơưv, jông nhôngk. Chi cục tưz siz chos cxênhz yuôx ntov trơưk đraiv chai, sai, tik tsênhr đhâu 20-22 luz six hơưv, paz max tỉnh Hủa Phăn muôs caz tsiz zôngx ziv trâu tsêr máy Suôz thax caz tsiz Sơn La, tsưx hưv tâu têx caz tsiz jông.

Zơưs Khăm Phới Bút Đa Vông, Phó Giám đốc Sở Nông - Lâm nghiệp tỉnh Hủa Phăn, haik: Tâu tỉnh Sơn La paz hâur ntu đhâu, ngành Kôngz lông tỉnh Hủa Phăn tưz muôx ntâu hlôngr yiaz truôx njês, trơưk đraiv cêr chai thiaz tsưx hưv trâu têx hax huv hur, huôv tsar têx kôngz jông, por hưv thiaz huôv tsar har jôngr, huôv tsar jêx jok, txo tâu cêr yaiz, pluôs. Pêz chia siaz zuôr tâu đros tỉnh Sơn La siz khov ntâu đuô chia paz kôngz lông, jêx jok ntu zuôr txos hax zav huôv tsar.

Tror lês jông đuô hâux lưv đros tỉnh têz qơưk Lok Tuôk siz khov uô kôngz lông, Sở Kôngz lông thiaz Môi trường tỉnh zuôr tror kria huôv tsar ntâu kror qơư uô nox; kria khoa học kỹ thuật, paz nôngz kôngz chos chia fiv huv têx tỉnh fôngx zưs, siz chos bôngs cêr thôngx siaz siz khov tỉnh Sơn La thiaz têx tỉnh fôngx zưs Lok Tsuôk haik khênhx thiaz cêr siz khov oz luz têz qơưk Việt Nam - Lok Tsuôk haik tas nro.