Nhiv no tỉnh muôx 24.300 ha cà phê, chos ntâu trâu têx xã Mường Chanh, Chiềng Mai, Chiềng Mung, Muổi Nọi, Thuận Châu, Sốp Cộp thiaz têx phường Chiềng Cơi, phường Chiềng An... têx txir chiv 2025-2026 xav đê tâu yax 37.700 tấn nôngz. Trơưk têx chuyên gia, cà phê ndê gri tiv cà phê ntiax têz tsơưs, đros trâu nuv Mỹ tsuz gri sê cà phê ntơưv Brazil siaz txos 50%, hiav txos gri cà phê kaz ntus ntux txơưr txar.

Tưz pov, đê cà phê siar muôs tâu gri, taz sik iz cxia thax tsav nhiak đê nhiak, tsênhv shơư ntâu txir njuôz, txênhz txix 20-25%. Trơưk têx tsêr luôv, gri cà phê ndê siaz hiav pêx xênhv xav đê nzor, tiav sik txir njuôz shơư zuôr hiav txos kror tsik tsuôv tsi, sêv lơưv yax 10%; hiav txos têx txir thiaz ntông lox hloz trâu chiv tov kaz.

Txix têx zav no, UBPX tỉnh Sơn La tưz chox car tsik tsês saiz car đê, luôv thiaz uô cà phê chok nxiak trơưk chai xav TCVN 9278:2012. Hâur ntơư, pêx xênhv tsuôk đê txir cà phê siar, chok nxiak tiv tsôngv txir siar tas li 95% tror sâuv, fiv huv uô tơưv cà phê kaz, jông paz max pâur muôs zuk têz qơư thiaz muôs trâu oz chas têz. Lar haik, tsik chia đê txir njuôz, tsik hiav chês thiaz blôngx, hiav kror nju chiv tov kaz.

Sở Kôngz lông thiaz Môi trường tâu zok chox car, đros têx đơn vị, thax tsav kria têx ziv pêx xênhv đê txir, luôv thiaz por hưv. Taix khov têx cơ sở, tsêr luôv jov lês ntov têx chai xav lok kaz thiaz por hưv qơư nhoz hur si; đros ntơư kriz lus têx tus zuôv chai trâu têx qơư khênhr fuô mông.

UBPX têx xã, phường kria, chox car têx tsêr luôv, hợp tác xã thiaz pêx xênhv đê txir, luôv cà phê zos chai xav; kriz lus bê paz pơưs, tus khênhx zuôr txir njuôz hiav kror kaz, hiav bê lax luôv “Cà phê Sơn La”. Thơưx jok trik phênhv shuôv cxênhz yuôx, sox njôngr cêr đê txir cà phê njuôz, mok tsik zos chai xav. Tsênhr cov têx paz pơưs, tus khênhx zuôr, luôv, jov cà phê thax tsav zuôr txir cà phê tâu zos chai xav, chok nxiak kaz thâuv uô tâu; chos luk tsik zuôr txir mok, txir tsik kôngk chia txo tsơưs têx cêr pêx xênhv đê txir cà phê njuôz.

Đros ntơư, saz Kôngz lông đros têx thax tsav fuô, kria pêx xênhv đê txir zos tsưr ziv; sir zôngv lưv ciz 4C, UTZ, RA… chia tsa yênhx thax tsav cà phê kaz jông. Đros ntơư, têx đơn vị tâu chai tsik so cxênhz yuôx, sox njôngr cêr pâur muôs, tir thair nênhs nox toz hâu lax luôv thiaz zuôr zuôv chai xav, por hưv vax huôv muôx liv tuz kôngz thiaz tsêr luôv.

Cà phê Sơn La tưz chok nxias qơư sơưr hâur cêr pâur muôs trâu hâur têz qơưk thiaz ntiax têz. Hâux lưv pêx xênhv lês trơưk chai xav đê txir, tsêr luôv cxiv tsa luôv uô, đros cêr saiz car siz luôs jok ntơưv nov hâu têx cấp zos hâur pâuk tsưs chia yôngv siaz nux gri thiaz tsưx truôx côngz bê lax luôv “Cà phê Sơn La”.