Muôx 82% pêx xênhv zos hair nênhs tsơưs, huyện Yên Châu tưz muôz nhiax uô têx zav hâux lưv zov chênhr paz trâu pêx xênhv hair nênhs tsơưs, li cêr yêz, cưx đêx, tok đêx hur, uô tsêr txux chi xã, jok... Zơưs Lê Huy Phong, Phó Chủ tịch UBPX huyện, haik: Ntu 2021-2023, huyện tâu zok yax 144 tỷ nhiax lês têz qơưk luôs hâux lưv 1719; hâur ntơư, yax 52 tỷ nhiax tâu muôz lok uô vax tsê, cêr zav zov chênhr, paz pêx xênhv hair nênhs tsơưs uô nox uô hâuk. Txos nhiv no, tưz muôz nhiax uô 22 luz luôs hâux lưv; kho 15 kror hâux lưv ntơưv 10 luz xã lok six txov nhêv; kho đuô têx ciaz ntơưv cxuô xã.

Thâuv ntêx, têx ziv pêx xênhv pluôs, jê cêr pluôs ntơưv xã Chiềng Đông, huyện Yên Châu tsik tâu muôx thôngz ntiv đêx, tsuôk zôngv huz ntiv đêx xưz. Txix li têz qơưk muôx chai paz uô đêx hur trơưk Dự án 1 hâur têz qơưk luôs hâux lưv 1719, ntâu ziv pêx xênhv ntơưv xã tưz tâu têz qơưk paz thôngz ntiv đêx.

Zơưs Hoàng Văn Dũng, Chủ tịch UBPX xã Chiềng Đông, haik: Xã muôx 192 ziv pluôs, jê cêr pluôs zos pêx xênhv hair nênhs tsơưs tâu têz qơưk paz thôngz ntiv đêx hur, paz pêx xênhv tâu zôngv đêx hur, tsưx hưv đas jos, tsar tiv tsôngv ziv pêx xênhv tâu zôngv đêx hur ntơưv xã txênhz yax 90%.

Hok ntơưv Phù Yên, txix pênhr nhiax lês têz qơưk luôs hâux lưv 1719, hâur ntơư uô 58 kror qơư, lớp cơưv, trạm y tế, qơư yêv pêx xênhv chia phax tar ntux nas hiav... taz tov tâu muôz nhiax uô, muôx 32 kror qơư tưz tâu uô tiar muôz zok lok zôngv. Iz chas ntơư, têx dự án huôv tsar kôngz lông truôx njês cux taz tov tâu paz, cov pêx xênhv hair nênhs tsơưs muôx hâux lưv uô, sâu nju nhiax txiax.

Luôs hâux lưv por hưv thiaz huôv tsar har jôngr, huyện Phù Yên tưz paz 5 tỷ 200 triệu nhiax chos yiaz yax 140 ha har jôngr uô nox; zok trâu 312 tus tsưr jôngr thiaz 7 luz jôngr jêx jok ntơưv 9 xã saiz car, por hưv yax 8.280 ha har jôngr. Iz chas ntơư, huyện tsênhv paz 425 ziv pêx xênhv zuôr thôngz ntiv đêx zôngv; uô 4 kror qơư tok đêx hur trâu têx xã Đá Đỏ, Tân Phong, Mường Lang, Mường Thải; 125 ziv tâu paz liax têz uô nox, hlôngr uô hâux lưv; nriar qơư trâu 40 ziv pêx xênhv nhoz truôx qơư ntơưv jok Suối Thịnh, xã Suối Bau thiaz jok Khoai Lang, xã Mường Thải.

Tix lâus Mùi Văn Nguyện, jok Vạn Yên, xã Tân Phong, huyện Phù Yên, haik: Thâuv hâu shông 2022, tâu têz qơưk paz 6 triệu nhiax/ha chia zuôr zuz ntông chos, cur ziv tưz hhôngr 4 ha têz poz cưk lok chos ntông tếch, nhiv no têx ntông taz tov hloz jông. Tưz zos tâu paz, cur thiaz ntâu ziv hâur xã tưz muôx jôngr huôv tsar nhiax txiax, nzôngr tox trôngz hâur pêk, tov kaz muôs ntông zuôr sâu nju nhiax txiax.

Zơưs Lường Văn Toán, Lưv thơưx Ban Dân tộc tỉnh haik: Tas nro têz qơưk luôs hâux lưv 1719 ntu 2021-2025 ntơưv tỉnh Sơn La lês tas yax 8.713 tỷ nhiax. Ban Dân tộc tỉnh tưz saz lax trâu UBPX tỉnh zok têx nhiax thiaz uô têx ntơưr kria lês trơưk Trung ương. Njuôk tsov, cxênhz yuôx, siz chos đros têx đơn vị, siz chos đơưk têx cêr phiv liv hâur ntu lês thiaz uô sai têx hâux lưv, dự án.

Đhâu yax 3 shông lês têz qơưk luôs hâux lưv 1719, thôngz tỉnh tưz iz thênhv jux juk paz ar trâu 418 ziv pêx xênhv hair nênhs tsơưs; uô 158 kror qơư tok đêx trâu sơưr đơưk zôngv; tok đêx trâu 6.162 ziv. Paz uô vax tsê, cxơưv chuôz zênhx kria ntơưr trâu 179 yar cơưv phổ thông dân tộc nội trú, bán trú; choz kria hâux lưv trâu 7.030 lênhx; nriar qơư trâu pêx xênhv thax tsav txov nhêv, đriv têz, ziv pêx xênhv hair nênhs tsơưs nhoz truôx qơư ntơưv 17 kror qơư, 956 ziv pêx xênhv hair nênhs tsơưs nhoz ntơưv 8 huyện; uô 5 txox cêr yêz muk trâu cxuô xã tsik tâu lênhv khor, 8 luz ciaz; muôz nhiax uô vax tsê puô tsar zav chia paz max têx ziv pêx xênhv zos hair nênhs La Ha ntơưv têx huyện Quỳnh Nhai, Thuận Châu, Mường La cov muôx hâux lưv uô huôv tsar...

Iz chas Têz qơưk luôs hâux lưv tưz paz pêx xênhv hair nênhs tsơưs tsưx hưv, huôv tsar txux chi cênhz cưv jông, đros đraiv huôv tsar nuôv zax; pox niav txir nênhx vax huôv siz luôs; nthuôr huôv phênhv shuôv têx nênhs tâu pêx xênhv njênhs hâur tsôngv pêx xênhv hair nênhs tsơưs. 3 shông đhâu, têx ziv pluôs ntơưv tỉnh txo gri fênhx đraz yax 3%/shông, nhiv no yuôr yax 14%. Txos nhiv no, yax 97% xã thiaz yax 78% jok muôx cêr yêz ô tô muk txos ntuô đrôngs; 100% Yar cơưv, lớp cơưv thiaz trạm y tế tâu uô khor kho; tiv tsôngv pêx xênhv hair nênhs tsơưs tâu sir zôngv đêx hur yax 97%; 99% ziv pêx xênhv tâu zôngv điện têz qơưk...

Têx cêr chai paz txix li têz qơưk luôs hâux lưv 1719 tưz cxaz nzir đas jos trâu pêx xênhv hair nênhs tsơưs cov uô nênhx njênhs Đảng thiaz têz qơưk chox car “chuôz jos” huôv tsar nhiax txiax - xã hội thax tsav pêx xênhv hair nênhs tsơưs, lês tiar hâux lưv tuôr xav shông 2025 grik tsơưs 4-5% ziv pluôs, jê cêr pluôs ntơưv têx xã tsênhv lok six txov nhêv, muôx 44% xã thax tsav pêx xênhv hair nênhs tsơưs tâu côngz jêx jok yiaz.