Paz tsêr luôv, hợp tác xã huôv tsar huv công nghiệp jêx jok (CNNT), tỉnh tưz fuô lês ntâu cêr paz max, li zuôr máy móc jông, kriz ciaz, cxiv kho qar tsêr tênhz tso thiaz yâu mông huv trâu báo chí, cêr lax luôv điện tử. Ntu shông 2014 txos nhiv no, tỉnh tưz paz 29 kror qơư công nghiệp jêx jok máy móc chuôz zênhx uô tơưv, xav têx hur si têx nhiax paz yax 4,2 tiv đaiv. Đros ntơư, fuô lês Nghị quyết số 128/2020/NQ-HĐND lok sâuv cêr chai nhiax txiax cxơưz paz cxiv tsa trâu cêr uô kôngz lông, jêx jok tâu HĐPX tỉnh tưz tso tơưv Hnuz 28/2/2020, ntu shông 2020-2023, tỉnh tưz paz 20,5 tiv nhiax trâu 336 lưv paz pơưs, tsêr luôvhuôv tsar bê lax luôv thiaz kriz đar cêr pâur muôs; paz 1,4 tiv nhiax trâu 5 HTX  cxiv tsa cxuô zav jông... paz têx tsêr luôv HTX iz thênhv jux juk uô tâu nju, tus gri huv thiaz pênhr xưv siz tưr pâur muôs trâu cêr luôv.

Zav ndêz linh chi ntơưv Công ty TNHH Mạnh Thắng, thị trấn Hát Lót, huyện Mai Sơn, zos tiv khơưr trâu cêr cxiv tsa cxix cxuô, thâuv muôx côngz zos huv CNNT nto mông kiz tỉnh shông 2024 thiaz OCOP 4 hnuz kuz. Zơưs Đào Mạnh Thắng, Giám đốc Công ty, thav pâuz: Tsa tơưv shông 2018, Công ty tưz cxiv tsa lưv ciz uô tơưv ntov nti, zuôr têx máy móc jông, li tủ yuôz pa, máy nxôngr nhiak, kror chuz ndu... đros đas jos uô tâu 30 tấn/shông. Hâur thax tsav tsêr xưởng đar 8.000 m², Công ty uô tơưv ntâu zav huv li ndêz linh chi kruôr nxôngr nhiak, têx luz ndêz, coz ndêz, chơưr kê ndêz...,  muôx li 10 tấn huv iz shông muôs trâu cêr luôv.

Hok Công ty cổ phần Caz tsiz thax njêr Sơn La, shông 2023, têx thax njêr đơưz jông ntơưv công ty tâu côngk nhav huv CNNT nto mông kiz tỉnh. Zơưs Nguyễn Văn Tài, Giám đốc Tsêr máy uô thax njêr SLS, thav tiak:  Txix shông 2023 txos nhiv no, Công ty tưz muôz jê 87,5 tiv nhiax zuôr đuô chuôz zênhx, yôngv đas jos uô tơưv, zuôr hur si têx caz tsiz trâu tuz kôngz thiaz uô tâu li taix khov por hưv cêr nyiaz hur. Chiv shông 2024-2025, SLS muôx trơưr têx caz tsiz tsik tu nduô 9.268 ha, tsov xav txiar tâu li 600.000 tấn caz tsiz, uô tâu yax 78.500 tấn thax njêr cxuô zav. Têx huv ntơưv Công ty tsik zos paz max trâu cêr luôv hâur têz qơư xưz mak tsênhv tâu muôs trâu luôz têz qơư, siz chos haik tsênhz bê lax luôv thax njêr Sơn La hâur cêr luôv ntiax têz.

Công nhân Công ty TNHH Mạnh Thắng krưr ndêz linh chi yuôz kruôr. 

Ntu shông 2014 txos nhiv no, Sở Công Thương tưz saz lax trâu UBPX tỉnh kriz lês 5 chaix xair tsov huv jêx jok nto mông kiz tỉnh. Hur si tỉnh tưz muôx 148 zav huv CNNT nto mông kiz tỉnh, 23 zav huv kiz thax tsav thiaz 11 zav huv kiz têz qơư,  zov chênhr zos côngs jov uô kôngz lông, shôngz ntông, tsiax đêx, kar nox thiaz têx zav jông chuôz zênhx (thủ công mỹ nghệ). Ntâu zav huv tưz muôx bê lax luôv, tâu cêr pâur muôs tok nhav, siz chos cxơưz paz công nghiệp jêx jok huôv tsar.

Shông 2025, tỉnh Sơn La kriz lês xair tsov huv CNNT nto mông hâur têx hli 7, 8, 9 thiaz 10, 11, 12. Têx tsêr luôv, hợp tác xã, tổ hợp tác, ziv uô luôv thiaz thax tsav gruôv bê ntâuz ntơưr chos luk trâu Sở Công Thương uô ntêx hnuz 30/7. Zơưs Nguyễn Đình Phong, Phó Giám đốc Sở Công Thương,thav pâuz: Huv tâu xair tsov công nghiệp jêx jok nto mông shông 2025 tâu phênhz hov yênhx plâuz côngs chênhr: Têx chuôz zênhx jông, uô kôngz lông, shôngz ntông, tsiax đêx thiaz kar nox, chuôz zênhx, máy móc, chuôz zênhx thiaz têx zav hov txiar hlâu, thiaz têx huv txơưr. Cêr cxênhz yuôx thiaz xair tsov huv tsi njênhk têx cêr xav uô ntêx hlo li  pênhr xưv fiv huv cêr pâur muôs thiaz cêr txơưv zênhx huôv tsar uô tơưv, txiax njis nhiax txiax - xã hội thiaz cêr nyiaz hur, cêr jông txux thiaz kror jông yax ntơưv hax huv. Đuô li, ban kriz lês tsênhv tuôr xav têx zav cxaz nzir li chênhr nhav kror jông, muôx zênhx puz lok sik kruôk txơưr uôk huv tưz uô tâu, cux li hâux lưv qơư lês hâux lưv txos Têz qơư thiaz têx hâux lưv muôx liv trâu xã hội.

Cêr côngk nhav zos huv công nghiệp jêx jok nto mông, paz têx tsêr luôv, qơư uô tơưv ntơưv Sơn La yôngv siaz côngz mông, kriz đar cêr pâur muôs, siz chos yôngv siaz cêr siz tưr thiaz cxơưz cxiv huôv tsar saz công nghiệp - tiểu thủ công nghiệp thax tsav trơưk faz siz khov ntiax têz.