Chia siz chos uô tâu nox, sir zôngv chuôz zênhx jông lok huôv tsar kôngz txir nox muôx kaz hâu,17 ziv nênhs nhoz jok Hang Mon 1 thiaz 2, xã Phiêng Khoài, huyện Yên Châu tưz côngv nhiax thiaz 35 ha ar chia cxiv tsa HTX Uô luôv kôngz lông Toàn Phát, chos txir khơưz trơưk cxênhx cxênhv VietGAP. Tov kaz 7 shông, vax txir tưz đar txos 70 ha. Têx thành viên tưz pâuz tsưr ziv huôv tsar kôngz txir nox trơưk cxênhx cxênhv VietGAP, hữu cơ, chos tâu têx luz txir khơưz lox, jông gâux, nox kaz jiz, tâu gri đuô txir khơưz pêx xênhv khênhr chos txix yax 20-30%.

Zơưs Nguyễn Khánh Toàn, Giám đốc HTX Uô luôv kôngz lông Toàn Phát, kria pâuz: Siz chos uô nox, paz tuz kôngz muôs tas kôngz txir nox tưz paz tsik ndo txos cêr cxơưx tâu kôngz taz sik tsik tâu gri li đrav ntêx lơưv; hâux lưv chos kôngz txir nox trơưk li tiz nênhs siaz nhiav, paz têx thành viên HTX moz siaz huôv tsar kôngz txir nox jông, txâuk chai, bax txâuk muôs trâu ciaz khư.

HTX Kôngz lông Ngọc Hoàng, xã Nà Bó, huyện Mai Sơn tưz cxiv tsa tsưr ziv siz chos uô luôv txir xaz lênhx tsar sâu nju nhiax txiax. Txix 11 thành viên xuz thơưx, tov kaz 9 shông uô hâux lưv, HTX tưz muôx txos 215 thành viên, chos 500 ha ntông nox txir, zov chênhr mak zos xaz lênhx tsar liaz hlưz. Shông 2024, muôx 200 ha xaz lênhx tsar sâu tâu 4.000 tấn txir, hâur ntơư, 800 tấn muôs trâu têx têz qơưk: Nga, Phaz Cir, Đức, Hà Lan, Ý... tâu gri li nhiv no 1 chiaz muôs tâu 45.000 nhiax; đuô li mak muôs hâur têz qơưk xav 1 chiaz muôs tâu 15.000 nhiax. Xav hur si HTX sâu tâu 8,4 tỷ nhiax, xav fênhx đraz sâu tâu 300 triệu nhiax/ha.

Zơưs Đỗ Danh Nhất, xã Nà Bó, huyện Mai Sơn, haik kria: Nhoz hâur HTX, kror zôngx ziv yax mak thành viên tsuôk zos moz siaz por hưv jông vax chos ntông nox txir zos li tsưr ziv tso tơưv, cxênhx cxênhv tưz tâu kria pâuz, nhav nxiak nhaz xênhz, txâuk chai. Hâux lưv uô luôv kôngz txir nox, mak tưz muôx HTX uô jông paz.

Thav lok sâuv hâux lưv no, pos Cầm Thị Phong, Phó Giám đốc Sở Kôngz lông thiaz Por hưv đêx ar huôz chuô nyiaz hur haik mênhx: Hâux lưv siz chos huôv tsar, uô luôv kôngz txir nox, fiv huv ntu nênhx yiaz nhiv no, paz têx HTX, tsêr luôv sâu tâu nhiax ntâu, phax tar tâu cêr chor nhov "tâu kôngz, taz sik tsik tâu gri". Đros ntơư, nhav nxiak bax txâuk cxix cxuô kôngz txir nox jông muôs trâu ciaz khư. Hur si tỉnh tưz cxiv tsa  tâu 308 tsưr ziv uô luôv kôngz, tsiax đêx hur, hâur ntơư, 188 tsưr ziv chos ntông nox txir hur xav hur si đar yax 4.100 ha, sâu tâu yax 53.000 tấn/shông; txuôs jông 218 mã số chiv thax tsav chos xav hur si đar yax 3.100 ha; 8 mã số kror qơư ntiv txir hâur hnaz muôs trâu oz chas têz.

Taz sik, njia tas nro, hâux lưv tsiz chos uô luôv kôngz txir nox tsênhv tsik tâu uô jông lês. Muôs kôngz txir nox phênhv ntâu đhâu tuz luôv. Chia muôs tâu kôngz txir nox tsuv muk đhâu ntâu kror qơư uô ntâuz ntơưr, li ntơư tưz sir tas nhiax ntâu, tsik zôngx ziv pâuz mênhx qơư uô, huv jông lok sik tsik jông. Tuz kôngz thiaz tuz luôv siz chos uô nox trơưk chaix, khênhr tok nrư tsêr luôv tuôx sâu zuôr.

Chia đơưk tâu hâux lưv siz chos uô nox cêr chor nhov, tỉnh tưz tso tơưv ntâu cêr chai paz huôv tsar HTX chos ntông nox txir, yuôx njuôz; cxiv kho vax txir; huôv tsar, tu jông, uô luôv kôngz txir nox hur. Đros ntơư, paz nhiax saiz car mã số chiv thax tsav chos; moz siaz hlôngr yiaz tsưr ziv tu jông, por hưv trơưk faz siz chos uô nox, txâuk chai thiaz muôx qơư huôv tsar kôngz txir nox muôs.

Hlôngr huôv tsar "Tsưr ziv ngành huv kror muôx gri" trâu cxiv tsa "tsưr ziv uô lax luôv”, nhav nxiak mênhx pêv, uô tiar phênhv shuôv thiaz cxơưz cêr muôx liv trâu têx tos. Tsik so tâu kror siz chos uô hâur 6 tsưr ( tuz kôngz, têz qơưk, tsêr luôv, tsêr nhiax, tsưr khoa học, tuz luôv). Đros ntơư, gruô hu têx tsêr luôv uô tâu nox saiz car tsưr ziv siz chos uô nox, cxiv tsa kror qơư huôv tsar- tu jông- uô luôv trâu têx thax tsav chos ntâu kôngz txir nox, muôx ntâu kror zôngx ziv muôx liv.

Cxiv tsa tsưr ziv siz chos uô nox hâur tsêr luôv, HTX thiaz tuz kôngz, tưz cxơưz huôv tsar kôngz lông truôx njês. Ntơư zuôr zos faz tsưr ziv uô nox zov chênhr hâur huôv tsar kôngz lông Sơn La trâu ntu zuôr txos.