Cias hâu shông, Ban Thường trực Hiệp hội tưz chox car têx chi hội thiaz tổ chức thành viên xav tơưv hâux lưv uô fiv huv luz nênhx, nhav nxiak zos cêr chai tso tơưv.

Zơưs Nguyễn Quốc Khánh, Chủ tịch Hiệp hội Tsêr luôv tỉnh, haik pâuz: Fuô lês chox car ntơưv Trung ương thiaz tỉnh lok sâuv cxiv kho têx qơư uô côngz xưv fiv huv đơn vị uô côngz xưv têz qơưk cấp xã thiaz tsưr ziv nov hâu 2 cấp, Hiệp hội tưz tưx cxiv tsa tsưr ziv kriz jias zuôr hur si sơưr đơưk ndâux luk. Trơưk li kror jông siaz côngv đros uô, Ban Chấp hành tưz tso tơưv cêr chai cxiv kho têx chi hội tsêr luôv trơưk yênhx thax tsav; cxiv tsa đuô têx ban chuyên môn, paz côngz xưv chox car, paz hội viên uô hâux lưv muôx kaz hâu đuô.

Lar haik hâux lưv jông uô tâu hâur 6 hli hâu shông zos vax huôv riz nus cêr chai ntơưv Hiệp hội zênhv hnuz zênhv mênhx pêv. Têx ndâux luk cik txos txo tsơưs ntâuz ntơưr, đêx ar, nhiax txiax, nhiax sê, bảo hiểm, huôv tsar tsêr luôv lox zâu... tưz tâu Hiệp hội sâu tsês, xa trâu UBPX tỉnh thiaz têx bộ ngành. Ntâu cxênhx cxênhv tưz tâu uô jông mnôngs, paz tu tiar zênhx max. 

Hiệp hội tưz tưx cxiv tsa tsưr ziv đros hiệp hội têx tỉnh hâur thax tsav thiaz ntiax têz siz chos uô nox, lar haik saz lax tsưr ziv uô jông têx hâux lưv li: Hlôngr pâur số, huv OCOP, saiz car… paz hội viên zok tâu tiz nênhs côngv uô luôv, kriz đar tsưr ziv, hlôngr yiaz tsưr ziv siz tưr uô nox. 

Hâur 6 hli hâu shông, Hiệp hội tưz siz chos kriz jias Chủ tịch UBPX tỉnh đros têx tsêr luôv thav, tso tơưv têx tsưr ziv paz fuô kria cêr chai yiaz, cxơưz cêr lax luôv.

Zos đơn vị thâux kruô nuôv zax, thành viên ntơưv Hiệp hội tsêr luôv tỉnh, Công ty TNHH Fuô kria thiaz Nuôv zax Mocha, phường Mộc Sơn, tưz cxiv tsa têx huv nuôv zax jông chia đros têx đơn vị thâux kruô nuôv zax hur si têz qơưk fuô lês têx hâux lưv: Nox Tsiaz Hmôngz, nuôv zax trecking, nuôv zax so txuôs jos. Lar haik poz nuôv zax 4 kror qơư jông: Mocha hill, Đêx tsas tsuô Dải yếm, Happy Land, vax pax trơưk chaix; krưr huv trâu têx đơn vị thâux kruô thâuv tuôx txos Thax tsav nuôv zax Têz qơưk Mộc Châu.

Niav lâuk Nguyễn Thị Khuê, Giám đốc Công ty TNHH Fuô kria Mocha Mộc Châu, haik tiak: Tsêr luôv nuôv zax tưz tsik so fuô kria cêr chai đêx ar, nhiax sê, tiz nênhs uô nuv... Hiệp hội tưz paz zênhx max fuô kria xor mông mênhx pêv, đros ntơư tsênhv đros têx paz nênhs fuô kria txơưr kriz jias saz lax huôv tsar nuôv zax lok six muôx kaz hâu. Viv li, tsêr luôv tưz kriz đar ntâu qơư nuôv zax jông, tsar ntâu thax tsav siz chos uô nox- zos qơư chuôz zov chênhr chia huôv tsar nuôv zax truôx njês.

Hâur ntu uô hâux lưv, tâu kror paz max ntơưv Hiệp hội Tsêr luôv tỉnh, têx tsêr luôv, HTX tưz tâu txuv têx jias cxơưz paz uô luôv hax huv. Zơưs Nguyễn Xuân Thao, Giám đốc Hợp tác xã Cà phê Bích Thao, phường Chiềng Sinh, thav pâuz: HTX tâu txuv têx jias kriz ciaz kôngz txir nox, đros têx tổ chức cxơưz cêr lax luôv hâur tỉnh thiaz oz chas tỉnh siz chos uô nox...Viv li, huv cà phê ntơưv HTX zênhv hnuz zênhv tâu ntâu lênhx pâuz txos nhiav zuôr lok hâuk. Tsik tas li, HTX tsênhv tâu txuv têx jias kria pâuz hlôngr pâur số, pâuz mênhx qơư uô tơưv, paz fuô kria cêr chai hâur muôs huv trâu oz chas têz...Đhâu no, cà phê Sơn La tưz tâu muôs trâu ntâu luz têz qơưk hâur ntiax têz.

Iz hâur têx hâux lưv jông uô tâu ntơưv Hiệp hội zos zaz zâuv hội viên fuô lês têx hâux lưv paz nênhs txov nhêv hla đhâu cêr phiv liv hâur luz nênhx. Hâur ntu đhâu, Hiệp hội tưz gruô hu têx hội viên côngv yax 35 tỷ nhiax trâu hâux lưv xã hội- tưx zênhv uô hâux lưv jông. Ntâu tsêr luôv tưz moz siaz fuô lês têx hâux lưv paz pêx xênhv uô tsêr nhoz, ziv pluôs Nox tsiaz, shuv xênhz muôx luz nênhx txov nhêv hla đhâu cêr phiv liv...

Zơưs Nguyễn Quốc Khánh fuô mênhx: Njiaz luk tsêr luôv viv pêx xênhv, tuz luôv viv sơưr đơưk zos qơư chuôz zov chênhr chia tsêr luôv huôv tsar truôx njês, tâu hur si pêx xênhv sơưr đơưk kruôk thiaz siz chos paz.

Hâur 6 hli kaz shông, Hiệp hội tror tsik tsês hlôngr pâur số, siz chos kriz têx jias đros tsêr luôv thav hâur qơư nhoz. Têx cxênhx xưv lox hloz li “Hnuz Tsêr luôv Việt Nam 13/10”, “Hnuz Txux chi tsêr luôv 10/11” taz tov tâu thor chia kriz, chia muôx jias siz njiz, kria pâuz kror hlôngr yiaz, kruôk trâu têx tuz luôv Sơn La hâur ntu đros cxuô luz têz qơưk siz khov cxơưz cêr lax luôv.

Đros trâu njiaz luk saiz hloz tsêr luôv lok six zov chênhr, Hiệp hội Tsêr luôv tỉnh Sơn La taz tov nhav nxiak vax huôv zos qơư chuôz zov chênhr tâu têx tsêr luôv njênhs njôngr, saiz muôx gri hâur ntu huôv tsar njuôz - sai - truôx njês.