Lês Đề án “Huôv tsar kôngz lông trơưk faz hax huv, muôs tâu gri đros trâu cxiv kho đuô têx qơư chos kôngz hâur thax tsav ntu 2021-2025”, huyện tưz chox car têx cơ quan chuyên môn kriz chos siv têx ntông nox txir, tu zus tsiax muôs tâu gri chia kriz đar qơư huôv tsar. Fuô lês têx cêr chai cxơưz paz hlôngr chos kôngz muôx, txir nox muôx gri, sâu tâu nju. Fuô kria pêx xênhv cxiv tsa têx qơư chos kôngz sâu tâu nju nhiax txiax.

Iz chas ntơư, moz siaz fuô kria, paz pêx xênhv tâu txaik nhiax chia huôv tsar uô kôngz lông. Têx paz pơưs kik nhiax ntơưv Phòng uô ntâuz ntơưr tso txaik nhiax Tsêr nhiax CSXH huyện muôz trâu yax 5.500 zis txaik yax 350 tỷ đaiv. Iz chas ntơư, txix li pênhr nhiax paz tuz kôngz tưz muôz trâu 50 zis tâu txaik 2,5 tỷ đaiv chia uô kôngz lông. Gruô hu tsa tơưv têx HTX chia pêx xênhv siz khov, cxơưz paz huôv tsar kôngz lông yênhx hax huv uô cê.

Txix shông 2020 txos nhiv no, huyện tưz cxiv tsa 38 kror qơư chos kôngz, tu zus tsiax tâu jông. Têx qơư lês tâu jông li: Qơư chos 27 ha lưk pax diễn ntơưv 55 zis tuz kôngz nhoz xã Dồm Cang, Púng Bánh; 12 ha lưk pax njuôz tơưr ntơưv xã Mường Và, Mường Lạn; yax 300 ha har jôngr ntơưv xã Púng Bánh; chos thênhx caz, thênhx caz sôngz đar 2,5 ha thiaz chos 18 ha ntông nox txir sir zôngv tsưr ziv yiaz ntơưv xã Nậm Lạnh, Mường Và; zus nênhk đơưz ntơưv xã Sốp Cộp… Qơư uô zuz ntông nox txir, zuz blêx blâuv Mường Và tưz muôx côngz bê thiaz tâu công nhav hax huv OCOP 3 luz hnuz kuz.

Hâur saz tu, zus tsiax, huyện tuôr xav chia pêx xênhv huôv tsar tu, zus chôngz uô cê, moz siaz tu, zus nhux tưv. Têx paz pơưs đoàn thể đros Trung tâm Paz pêx xênhv uô kôngz, tu zus tsiax huyện kriz kria nzir tsưr ziv tu tsiax; fuô lês hâux lưv cxax yuôx phax tar moz ơưk troưk cêr tuôr xav; zaz zâuv pêx xênhv cxiv kho đuô têx liax, têz chia chos yax 185 ha tâux chia puz tsiax.

Chia cov tror huôv tsar têx qơư chos kôngz lông, huyện Sốp Cộp chox car cơ quan chuyên môn fuô kria pêx xênhv cxiv tsa têx qơư fiv huv thax tsav, muôs tâu trâu cêr luôv, yax hlo zos têx qơư siz khov, pâur muôs hax huv trơưk faz truôx njês. Têx HTX lês jông qơư sơưr, paz pêx xênhv sir zôngv tsưr ziv yiaz lok uô kôngz lông; tuz kôngz moz siaz huôv tsar têx qơư yiaz, sâu nju nhiax txiax, truôx njês luz nênhx.