Nhiv no hur si tỉnh taz tov chos yax 750 ha chuôz thox hmaz, hâur ntơư yax 710 ha tưz đê tâu yax 67.200 tấn txir/shông. Phênhv ntâu chuôz thox hmaz tâu chos trâu têx huyện: Mai Sơn, Thuận Châu, Mộc Châu, Phù Yên, khênhr muôs trâu têx ciaz hâur têz qơưk taz sik tsik muôx bê muôs trâu têz qơưk Trung Quốc.

Zơưs Dương Gia Định, Chi cục trưởng Chi cục Chos thiaz Por hưv kôngz lông tỉnh, haik mênhx: Trơưk cêr chai, chia tâu puz mã số thax tsav chos mak vax txir chuôz thox hmaz tsuv đar 10 ha, muôx qơư nhoz mênhx pêv; cxênhx cxênhv por hưv tsuv muôx fâu ntơưr sâu tsês cxix cxuô, sir zôngv yuôx por hưv kôngz lông tsuv trơưk đraiv cêr chai tso tơưv. Pêz tưz moz siaz zaz zâuv, kriz ntâu jias kria pâuz, gruô hu pêx xênhv, tsêr luôv, hợp tác xã hlôngr yiaz cêr xar, siz chos huôv tsar chuôz thox hmaz truôx njês, hlôngr yiaz tsưr ziv sik tưr uô nox hâur têz qơưk thiaz oz chas têz.

 Hợp tác xã kôngz lông Bảo Sam, xã Chiềng Lương, huyện Mai Sơn tâu cxiv tsa luz 11 hli shông 2018, muôx 18 lênhx, côngv chos  30 ha chuôz thox hmaz thiaz đros têx ziv nênhs xã Cò Nòi, Chiềng Lương thiaz Phiêng Pằn siz chos huôv tsar zuôr luôs 70 ha chuôz thox hmaz. Nhiv no, xav fênhx đraz yênhx ha sâu tâu 35 tấn txir, tsik xav đas jos thiaz nhiax pênhr tsênhv sâu tâu txix 250-300 triệu nhiax nju/ha.

Zơưs Lò Văn Sam, Giám đốc Hợp tác xã kôngz lông Bảo Sam, kria pâuz: Txơưv txir chuôz thox hmaz taz tov tâu muôs truôx njês thiaz sâu nju nhiax txiax, taz sik pêz lok six cxơưx tov kaz no nyai tsik muôx nênhs zuôr truôx njês viv zênhv hnuz zênhv pov muôx chôngz thax tsav chos ntâu chuôz hmaz jông li nhiv no. Hâux lưv cxiv tsa mã số thax tsav chos lok six zov chênhr chia muôs trâu oz chas têz.

Luz 1 hli shông 2023, 3 mã số kria qơư chos chuôz thox hmaz ntơưv Hợp tác xã, xav đar 56,5 ha nhoz jok Bó Hặc, xã Cò Nòi; jok Kết Nà, xã Phiêng Pằn thiaz jok Chi, xã Chiềng Lương, tưz tâu Tổng Cục Hải quan Trung Quốc công nhav txâuk chai muôs trâu têz qơưk Trung Quốc. Ntơư zos Hợp tác xã cêr shir phaz, têx ziv thành viên thiaz têx ziv nênhs muôx cêr siz khov kror cêr sir jos côngv huôv tsar txir nox txâuk chai chia muôs trâu oz chas têz qơưk. Tsov xav, txix nhiv no txos kaz shông 2023, Hợp tác xã kôngz lông Bảo Sam zuôr muôs cov tas 100 tấn txir chuôz thox hmaz trâu têz qơưk Trung Quốc.

Txuôk nzir, Hợp tác xã Thành Đạt, xã Chiềng Lương nhiv kruôr tâu puz 1 mã số kria qơư chos chuôz thox hmaz, xav đar 10 ha. Zơưs Lò Văn Tiên, Giám đốc Hợp tác xã, haik pâuz: Hâux lưv tâu puz mã số kria thax tsav chos lok six zov chênhr chia paz têx thành viên Hợp tác xã kriz đar tsưr ziv uô nox chia muôs trâu oz chas têz qơưk. Hợp tác xã tưz fuô ntov nti cxênhx cxênhv tưz tso tơưv. Txix li tso qir txos trâu tsuôs yuôx…puôr lênhx tâu sâu tsês mênhx pêv, cxix cxuô. Thành viên Hợp tác xã tưz zôngv yuôx tsuôs tuô caz hmoz sinh học, zôngv qir hữu cơ hlôngr qir têz qơưk, li ntơư đêx ar huôz chuô thax tsav no lok six nyiaz hur.

Nhiv no, saz Kôngz lông tưz saz lax trâu UBPX tỉnh huôv tsar chuôz thox hmaz ntâu yênhx thax tsav. Đros ntơư, thor muôz lok fuô lês đros têz qơưk têx hâux lưv cxiv tsa tsưr ziv uô nox sâu nju nhiax txix paz têx tsêr luôv, hợp tác xã yênhx thax tsav chos txir nox hur, txâuk chai muôz ntơưr kria qơư chos; sir jos txos shông 2025 thax tsav chos chuôz thox hmaz hâur tỉnh đar txix 4.000 - 5.000 ha.

Hâux lưv puz mã số kria qơư chos zos kror zov chinhr chia nênhs lês trơưk cêr chai cxênhz yuôx kôngz, txir nox hur txâuk chai chia muôs trâu oz chas têz; zos chênhv chưr trâu kror saiz car ntov nti, nhav nxiak txir nox hur nhaz xênhz uô ntêx thâuv zuôr sâu. Txix li têx nênhs zuôr taix nus ntov nti lok sâuv saiz car kôngz, txir nox txâuk chai, saz kôngz lông taz tov zaz zâuv tsik tsês têx paz pơưs, tus khênhx hâur thax tsav; uô jông kria, paz têx qơư huôv tsar, uô luôv kôngz lông xar tâu puz mã số kria qơư chos uô jông ntiv txir hâur hnaz txâuk chai, chia txir chuôz thox hmaz Sơn La nzor yênhx iz hâur têx zav txir paz tuz kôngz sâu nju nhiax txiax sir zôngv.