Chi Cục chos thiaz Por hưv kôngz lông, tâu Sở Kôngz lông thiaz Môi trường zok saiz car hâux lưv muôz mã cxênhz qơư chos muôs muk oz chas têz, đơn vị tưz sir jos njok paz têx tsêr luôv, hợp tác xã thiaz cxuô ziv pêx xênhv uô jông txâulk chai VietGAP tu tơưv têx hax huv zos kôngz lôngz hur txâuk chai muôs muk oz chas têz qơưk.

Zơưs Hồ Trung Kiên, Chi cục trưởng Chi cục chos thiaz Por hưv kôngz lông, haik: Chi Cục cxênhz thiaz paz hợp tác xã thiaz tsêr luôv uô cov tiar têx ntâuz ntơưr trơưk chai chia côngk nhav qơư chos muôs muk têz qơưk đrâuk. Txix shông 2024 txos nhiv no, thôngz tỉnh tưz puz 10 mã cxênhz qơư chos têx huv, li: Njuôs shôngz bát độ, jâuz nhôngk, muôs muk oz chas têz qơưk, txir plâux, cà phê thiaz blêx, tas nro yax 177 ha. Khov muôz mã cxênhz 2 kror qơư chos 25 ha txir mo môngk muôs muk Trung Quốc thiaz Hàn Quốc. Đros ntơưốưt vax huôv sir zôngv mã cxênhz 5 kror qơư chos txir mo môngk, tsơưz  thiaz txir khơưz kaz jiz.

Iz chas ntơư, Chi cục tsênhv uô jông saiz car 211 thax qơư chos thiaz 11 kror qơư tu kôngz lông; tưz thuk 9 mã cxênhz qơư chos chia hlôngr chos đuô pêv zav ntông nox txir thiaz 3 mã qơư tu, ntiv hnaz tsik txâuk chai. Nhiv no, thôngz tỉnh taz tov tsưx hưv truôx 213 mã cxênhz qơư chos: Txir plâux, njuôs shôngz bát độ, cà phê... muôs muk Trung Quốc, Châu Âu thiaz Châu Á; 8 mã cxênhz qơư tu kôngz, txâuk têx cêr chai têx têz qơưk zuôr huv.

HTX chos thiaz tu njuôs hur Tân Xuân, xã tân Xuân, huyện Vân Hồ, tâu paz mã cxênhz qơư chos, tưz kriz đar têz chos thiaz  nriar tuz luôv zuôr huv. Niav lâuk Hà Thị Cúc, Giám đốc HTX, haik: Đhâu 10 shông uô nox, đơn vị tưz huôv tsar 64 ha shông njuôs bát độ, muôx 4 tổ hợp tác đros 288 ziv pêx xênhv chos shôngz siz khov tu njuôs muôs, nhiv no tưz muôx yax 147 ha shông njuôs. Shông 2024, HTX muôs tas 2 tấn 7 njuôs đaiv tsâu muk Đài Loan, 5 puô cir njuôs kruôr muk Nhật Bản thiaz muôs yax 3 tấn njuôs hữu cơ hâur têz qơưk.

Ntơưv huyện Sông Mã tưz chox car cxuô cơ quan chuyên môn paz têx HTX, ziv pêx xênhv uô jông tu têx ntông nox txir txâuk chai, tâu puz mã cxênhz qơư chos muôs muk oz chas têz. Thâuv hâu shông txos nhiv no, tưz tâu puz nzir mã cxênhz qơư chos mo môngk muôs muk oz chas têz, 10 ha. Txos nhiv no, thôngz huyện muôx 49 mã cxênhz qơư chos cxuô zav txir muôs muk oz chas têz.

Nhiv kruôr tâu muôz mã kria qơư chos txir mo môngk trâu oz chas têz qơưk, zơưs Nguyễn Văn Vượng, Giám đốc HTX Lax luôv kôngz lông mo môngk Sông Mã, jok Hưng Mai, xã Nà Nghịu, haik: HTX muôx 8 zis côngv uô nox, muôx txos 10 ha txir mo môngk. HTX tưz kria trâu cxuô lênhx siz chos côngv lês ntov chai hax huv hur trơưk VietGAP, sir zôngv qir hữu cơ thiaz yuôx sinh học chia phax tar caz hmoz trâu têx txir mo môngk cov jông gâux, muôs tâu gri. Nhiv no, HTX tưz bax 90.000 luz hnar lôngx têx txir cov ca thiax tsik plêr, cov chiv txir mo môngk Sơn La hax zav muôx ntâu qơư pâuz zuôr muk zôngv đuô.

Muôz mã cxênhz qơư chos thiaz qơư ntiv hnaz muôs trâu oz chas têz qơưk, muôx pênhr xưv trâu cêr lax luôv, paz trâu têx kôngz lông Sơn La tâu muôs thôngz ntiax têz, cxơưz nhiax txiax huôv tsar truôx njês.