Côngv jias saz lax muôx nov hlôngr njêx muôs iz cxia sở, ngành ntơưv tỉnh; têx HTX, tsêr luôv, ziv pêx xênhv chos cà phê thôngz tỉnh.

Têx shông lok no, cà phê tsik zos paz pêx xênhv sâu nju nhiax truôx njês xưz, tsênhv yênhx iz zav lok six tsênhv chênhz hâur ntu hlôngr cêr uô kôngz lông, ndê gri, zôngx ziv muôs muk oz chas têz thiaz cxiv tsa bê lax luôv. Txos nhiv no, thôngz tỉnh muôx 24.000 ha, txênhz yax 41% tas nro têx cà phê Arabica hâur thôngz têz qơưk. Cà phê Sơn La phênhv ntâu chos trâu iz ndis thành phố Sơn La (kuz), Mai Sơn, Thuận Châu, Sốp Cộp thiaz Yên Châu.

Ntu đhâu lok, tỉnh Sơn La tưz muôx têx chai paz huôv tsar cà phê. Hâur ntơư, paz max tu trơưk VietGAP; cxiv tsa bê lax luôv trâu cà phê Sơn La; muôx cêr siz khov chos thiaz muôs cà phê hov nôngz yiaz, cxưx nhiax kriz cêr, vax tsê tu trơưk yênhx thax tsav, muôx mã kria mênhx qơư chos, zôngv chuôz zênhx jông paz max tu, siz khov uô lax luôv, paz nriar tuz luôs cxuô qơư. Txos nhiv no, muôx 7 luz tsêr luôv, HTX tâu vax huôv sir zôngv bê ntơưr kria mênhx qơư chos “Cà phê Sơn La”, muôs muk 20 luz têz qơưk, paz yax 18.000 ziv pêx xênhv chos cà phê muôx hâux lưv uô tsik tu, sâu tâu nhiax txiax truôx njês. Muôx 2 thax tsav zôngv chuôz zênhx jông tu cà phê jông tâu côngk nhav, đar yax 1.039 ha; 5 zav huv cà phê tâu chứng nhav OCOP; 9 kror qơư tu trơưk công nghiệp; yênhx shông, têx tsêr luôv, hợp tác xã luôv, kra kruôr tâu yax 5.405 tấn cà phê njiaz yênhx hax huv. Têx cà phê Sơn La phênhv ntâu tâu têr jiaz cà phê njiaz, hâur ntơư, muôx yax 95% muôs trâu oz chas têz qơưk, yuôr 5% cà phê njiaz tâu jov uô cà phê hmôngr đo hâuk, cà phê ntiv hnaz tsâu đêx hâuk, trà plâuz cà phê muôs hâur tỉnh thiaz muôs muk oz chas tỉnh...

Ntơưv jias no, têx đại biểu tưz saz lax têx tsưr ziv chia cov cà phê yênhx zav chos muôs tâu nhiax zov chênhr. Hâur ntơư, moz siaz saz lax trâu UBPX tỉnh tso têx cêr chai paz zuz trơưk têz qơưk luôs hâux lưv tror chos đuô cà phê; njuôk tsov têx thax tsav chos thiaz saiz car zuz chia chos; paz nriar cêr lax luôv cov đar chia muôs muk oz chas têz qơưk. Paz nhiax njuôk tsov, zôngv chuôz zênhx tu cov jông gri. Cxuô tsêr luôv, HTX, ziv pêx xênhv zuôr tsuv tâu siz khov trơưk chai EUDR lok sâuv huôv tsar cà phê tsik tsênhr luôx har jôngr…

Nov chox car Liên hiệp cxuô Hội Khoa học thiaz Kỹ thuật Sơn La tưz tâu mnôngs đại biểu têx luk khov ntơưv jias saz lax thiaz sâu mênhx chia chox muk saz lax trâu tỉnh lok sâuv huôv tsar cà phê têx shông txuôk nzir muk.