Shông 2025, tiểu dự án tuôr xav huôv tsar 37,7 ha muôx 7 zav yuôx njuôz. Txix hâu shông txos nhiv no tưz chos 2 ha tam thất nam, 1 ha ngưu tất, 3,5 ha đương quy, 4,2 ha ích mẫu thiaz 20 ha suôz jênhx câur. Tuôr xav kaz shông tror chos 2 ha đan sâm thiaz 5 ha cát sâm. Haik txos têx qơư chos yuôx njuôz lur hnuz, tsêr luôv thiaz HTX tưz sâu zuôr hur si têx yuôx hâur yax 4,2 ha, sâu tâu 3,4 - 4 tấn yuôx njuôz kruôr/ha, tus gri muôs tâu txix 17.000 đaiv/chiaz kruôr.

Paz côngz xưv tưz cxênhz yuôx qơư chos yuôx njuôz ntơưv Công ty VietRAP Sơn La, Hợp tác xã Kôngz lông yuôx njuôz Vân Hồ thiaz têx zis thành viên taz tov côngv lês dự án. Têx qơư chos đương quy, ích mẫu, hơưk, tam thất nam… tâu pêx xênhv sir zôngv tsưr ziv chos, tu trơưk faz muôs tâu gri, txâuk chai GACP-WHO.

Ban Saiz car dự án GREAT tưz kruôk txos têx cêr sir jos ntơưv Công ty VietRAP Sơn La, HTX Kôngz lông yuôx njuôz Vân Hồ thiaz têx zis nênhs hâur fuô lês tiểu dự án. Đros ntơư, cxiz cov đơn vị lês hâux lưv tror moz siaz cxaz nzir pênhr xưv saiz car HTX, moz siaz kria nzir tsưr ziv trâu pêx xênhv, sir jos cxênhz yuôx chia cov tu txâuk chai GACP-WHO thiaz moz siaz siz khov pâur muôs hax huv. GREAT zuôr moz siaz paz chia cxiv tsa têx qơư chos yuôx njuôz truôx njês, paz trâu pêx xênhv muôx hâux lưv uô, yax hlo zos pox niav hair nênhs tsơưs.