Kriz cơưv saz lax zos njiaz lul nhoz trâu Cêr tsov xav “Kria phênhz têx njiaz lul cov mênhx thiaz tâu têx paz pơưs, tus khênhx đros sox têx cêr chai paz huôv tsar chos ntông nox txir tỉnh Sơn La ntu 2017 txos nhiv no”. Cêr tsov xav zos Liên hiệp têx Hội Tsov xav thiaz tsưr ziv tỉnh Sơn La chox car, Thạc sỹ Phạm Thị Hà, Chủ tịch Liên hiệp têx Hội Tsov xav thiaz tsưr ziv tỉnh Sơn La zos tus saiz car lês.

Ntơưv jâus cơưv, Tus saiz car tsov xav lês tưz kria lol sâuv đêx ar, huôz chuô, nhiax txiax puôk tsar zav cik trâu cêr huôv tsar chos ntông nox txir thiaz têx hax huv zos txir nox thax tsav tỉnh; fuô lês têx cêr chai cxơưz paz huôv tsar chos ntông nox txir thax tsav tỉnh ntu 2017-2022

Têx đại biểu tưz muôx ntâu ndâux lul saz lax lol sâuv: Cxênhz têx chai paz huôv tsar chos ntông nox txir thax tsav tỉnh Sơn La txix shông 2017 txos nhiv no, tuôr xav tsưr ziv lês trâu ntu zuôr txos; têx cêr chai paz txos, têx thax tsav muôx jông đêx ar chos ntông nox txir, hax huv zos txir nox đros trâu huôv tsar cêr luôv, muôx cêr siz khov, muôx qơư tsưx tsês, muôs têx hax huv zos txir nox hâur tỉnh njiz ntâu cêr phiv liv thiaz tsưr ziv tuôr xav trâu ntu zuôr txos. Têz qơưk thiaz tỉnh Sơn La têx cêr chai lol sâuv chos ntông nox txir, cxênhz txos têx cêr chai thiaz tsưr ziv hlôngr nôngz yiaz chos, tsưr ziv tu; hax huv zos txir nox; têx cêr chai paz trâu tsêr luôv, HTX, qơư tsưx tsês kôngz, txir nox thiaz tsưr ziv tsuôv cuô, kra kruôr têx txir nox …

Lênhx nênhs chox car jâus saz lax tưz sâu nhav têx đại biểu ndâux lul chia lês tiar cêr tsov xav lol sâuv kria phênhz têx njiaz lul cov mênhx thiaz tâu têx paz pơưs, tus khênhx đros sox têx cêr chai paz huôv tsar chos ntông nox txir tỉnh Sơn La ntu 2017 txos nhiv no; zos chinhv chưr chia trâu cxuô cấp, ngành, cơ quan saiz car Têz qơưk tror fuô lês têx cêr chai paz huôv tsar chos ntông nox txir tỉnh.