Kriz “Muôs txir khơưz kaz jiz thiaz kôngz, txir nox”, zos cxênhx xưv kriz trâu têx hâux lưv muôs têx hax huv ntơưv Sơn La trâu 800 kror qơư phaiz muôs hâur hur si têz qơưk ntơưv Saigon Co.op, tâu muôs txix hnuz 24/5 txos hnuz 1/6.

Hâur têx hnuz kriz muôs txir khơưz kaz jiz thiaz kôngz, txir nox Sơn La, Saigon Co.op njuôk xav muôs tas 100 tấn txir khơưz kaz jiz zos têx txir đê ntơưv 2 huyện Mộc Châu, Yên Châu. Txir khơưz kaz jiz Sơn La tâu đê muôs puôr lênhx zos têx txir hur txâuk chai, tu trơưk VietGAP, tâu cơ quan muôx vax huôv njuôk tsov, pâuz qơư chos. Gri txir khơưz kaz jiz Sơn La tâu Co.opmart, Co.opXtra kriz muôs fênhx zis 29.900 nhiax/cir tâu muôs txix hnuz 24/5 txos hnuz xiaz 1/6.

Hâur thơưx hnuz kriz, muôs tas yax 10 tấn txir khơưz kaz jiz Sơn La tưz tâu Co.opmart, Co.opXtra, Co.op Food …. Têx nênhs zuôr kruôk nxias zos txir khơưz kaz jiz Sơn La kaz jiz, gis, tsư ha; luz txir liaz yiaz.

Ndax jâus no, Co.opmart, Co.opXtra kriz trâu kruô nox siv têx zav muôz txir khơưz uô tơưv li: txir khơưz kaz jiz kra kruôr, txir khơưz kaz jiz kra jôngx blâuv, kra gis, siro txir khơưz kaz jiz... kria txos kôngz, txir nox, hax huv OCOP ntơưv Sơn La, li: Lưv tsiz, chuôz thox hmaz đax, cà phê, yuôx zêx; hlưz lưv tsiz kruôr, kix đuz, cuz thaz blôngx njê, graix caz puôz tưv, graix buô kruôr, cuô txoz txux lov, njuôs kruôr, ndêz linh chi… Hâux lưv kriz đar muôs têx hax huv txix li têx tỉnh Tây Bắc, chia cov muôx cxuô zav huv muôs trâu Saigon Co.op zênhv hnuz zênhv ntâu, nhav nxias muôx muôs truôx njês, muôx pênhr xưv trâu cêr luôv chia cxuô zav huv nhoz tox siaz muôx muôs trâu têx nênhs zuôr zôngv.

Nhiv no, têx hax huv Việt ntơưv têx qơư muôs huv Saigon Co.op muôx ntâu yax 90%, hâur ntơư, yax 1.000 hax huv OCOP zos têx tsêr luôv, HTX nhoz hâur hur si têz qơưk. Hâux lưv muôz txir khơưz kaz jiz Sơn La tso trâu têx qơư muôs huv ntơưv Saigon Co.op hur si têz qơưk, zos cêr siz khov truôx njês txix li qơư muôs, nênhs chos tâu thiaz nov hâu thax tsav, muôx liv chia muôs têx hax huv Việt mul thôngz cxuô qơư.

Hâur ntu zuôr txos, Saigon Co.op zuôr tror kriz têx hnuz grâuv pax li no chia paz pêx xênhv muôs têx kôngz, txir nox Việt Nam haik tas nro, tỉnh Sơn La haik khênhx, chia trâu kruô tâu zuôr ntâu đuô trâu ntơưv qơư muôs Co.opmart, Co.opXtra