Công nghệ sinh học zos faz tsưr ziv jông, txix li têx zav muôx lok sâuv kror chiax sia đros trâu tsưr ziv yiaz chia cov uô tâu têx zav jông chia paz trâu hâux lưv huôv tsar nhiax txiax - xã hội thiaz por hưv đêx ar huôz chuô nyiaz hur.

Nhiv no, saz uô kôngz lông ntơưv tỉnh tưz sâu tâu nju thiaz truôx njês, cxiv tsa tâu têx qơư siz khov, taz sik tsênhv njiz cêr phiv liv lok sâuv uô tâu têx kôngz jông, hur. Hâux lưv sir zôngv yuôx tuô caz, tuô đrox tsênhv ntâu, sir zôngv yuôx cov tsiax cxu, jâuz hloz sai tưz uô trâu muôx têx jâuz, txir nox muôx tâus hâur têx kôngz txir nox ntâu. Hâux lưv kra kruôr, tsưx tsês tsik tâu huôv tsar, uô tâu têx hax huv tsik jông, phiv liv txos hâux lưv muôs hâur têz qơưk thiaz muôs muk trâu oz chas têz. Sir zôngv công nghệ sinh học tâu saiz zos faz tsưr ziv zov chênhr, cxơưz paz huôv tsar kôngz lông trơưk faz hur. Txix li têx đề tài khoa học thiaz công nghệ, tỉnh taz tov moz siaz trâu iz cxia hâux lưv zok nriar công nghệ sinh học, paz trâu cêr huôv tsar tâu kôngz lông hur, muôx liv, por hưv thiaz huôv tsar têx zav muôx gri.

Thax tsav zok nriar sir zôngv, kria khoa học thiaz công nghệ lok sâuv kôngz lông, har jôngr ntơưv huyện Mộc Châu, zos Sở Khoa học thiaz Công nghệ saiz car, zos đơn vị zok nriar, huôv tsar thiaz muôz têx zav jông lok sir zôngv hâur luz nênhx. Txos nhiv no, đơn vị tưz chos siv ntâu zav nôngz yiaz li: Pax phax cxor Hồ điệp, txir kiar tsik muôx nôngz, điz đax txuôv, cuô txoz lox, pax cát tường...; zok nriar têx zav yuôx yiaz chia phax tar caz hmoz, caz nox hiav trâu kôngz lông, muôs trâu cêr luôv têx hax huv hur; siz chos lês tiar hâux lưv huôv tsar nzir zav zuz pax phax cxor Kim tuyến...

Iz chas ntơư muôz têx zav zuz yiaz, sâu tâu nju lok chos, công nghệ sinh học tâu sir zôngv đêz đar hâur tsưr ziv txuôk poz câuk, uô kôngz tsik trơưk chaix, uô kôngz thơưv shông. Txos nhiv no, hur tỉnh tưz muôx zav nôngz chos sâu hâur cxuô luz chaix, truz ntêr six hơưv sâu, muôx: 4 zav zuz caz tsiz, 19 zav nôngz poz cưk, 5 zav nôngz blêx, 2 zav yuôx zêx, 1 zav cà phê, 20 zav zuz ntông nox txir; txuôk poz câuk trâu yax 13.000 ha ntông nox txir, phênhv ntâu zos: Lưv tsiz siar nzor, mor môngk (GL4, GL6, Thái Lan), bơ (Booth 7), thênhx caz (Cao Phong, Vinh), hồng (MC1, Thái Lan), txir đuôx (Pháp, Mỹ)...

Saz tu, zus tsiax đêx, hâux lưv sir zôngv công nghệ sinh học chia huôv tsar tu zus njêk cơư guôx ntơưv pak đêx tênhz điện tâu fuô lês đêz đar; iz cxia đơn vị, tsêr luôv ntơưv tỉnh tưz zok nriar tâu zav nôngz njêk yiaz... Haik txos saz tu, zus tsiax, sir zôngv tsưr ziv txuôv nôngz nhux mik ntơưv Mộc Châu; tu têx đêx kiak nênhs txix li sir zôngv trox pa, kuôr kôngz chia txo grik tsơưs têx zav hiav txos đêx ar, huôz chuô nyiaz hur; cxuô zis nênhs sir zôngv xaz chia vâuv têx jâuz trâu tsiax nox.

Txix li muôx ntâu zav muôx txiax njis, công nghệ sinh học zênhv hnuz zênhv tâu sir zôngv đêz đar trâu saz uô kôngz lông, tâu saiz zos tsưr ziv, cxơưz paz huôv tsar uô kôngz lông cxix cxuô, njuôz, truôx njês.