Chia por hưv thiaz huôv tsar cà phê truôx njês, tỉnh tưz chox car cxuô cấp, cxuô ngành, thax tsav pêx xênhv moz siaz hlôngr yiaz tsưr ziv chos thiaz txâuk chai ntiax têz, xav txos trâu tu trơưk hữu cơ thiaz kriz đar qơư chos trâu xuz ntông, cov thiax li tik tâuk đâuk tuô hâur ntu đêx ar huôz chuô txơưr txar, yax hlo mal zos ntux kruôr đhâu, ntu nas hloz, no njiv, lol đâuk... uô hiav cà phê tuôs, sâu tsik nju, nôngz tsik kôngk.

Moz txos côngz xưv njuôk tsov, xair nôngz yiaz, chos đuô thiaz kria tsưr ziv trơưk faz hữu cơ txâuk chai ntiax têz; kriz đar têx qơư siz chos côngv chos cà phê trâu xuz ntông, cxiv kho đuô ar, tir tâuk ntux hiav. Tỉnh tưz muôx ntâu cêr chai cxơưz paz, cxiv tsa cêr siz khov "tsêr luôv - tuz kôngz - pâur muôs" thiaz huôv tsar cà phê kaz. Shông 2024, Hội Nông dân tỉnh, Trung tâm Kỹ thuật nông nghiệp tỉnh đros Công ty CP Phân bón Bình Điền fuô lês Dự án “Hlôngr chos tu cà phê fiv huv đêx ar huôz chuô txơưr txar” ntơưv phường Chiềng Cơi; txix shông 2021 txos shông 2024, Tổ chức Hợp tác huôv tsar Đức (GIZ) fuô lês Dự án “Tu cà phê tir tâuk cxuô zav ntu đêx ar huôz chuô txơưr txar trâu têx nênhs tsik pâuz tsưr ziv tu cà phê” ntơưv Điện Biên thiaz Sơn La...

Đhâu 5 shông, tas nro tỉnh tưz hlôngr chos, kho txiar thiaz txuôk poz câuk 2.818 ha cà phê; têx zav nôngz Arabica yiaz li TH1, TN7, TN9 thiaz chos siv zav H1, Starmaya txi ndư, kaz, fiv huv đêx ar huôz chuô txơưr txar, đêx ar hâur thax tsav.

Txix ntơư, tỉnh tưz yênhx thax tsav chos cà phê Arabica ntâu yax hâur têz qơưk. Txos shông 2025, têz chos cà phê hur si tỉnh tâu 24.300 ha (tsar 5.448 ha), zos tỉnh muôx têz chos Arabica ntâu yax hâur têz qơưk, xav sâu tâu yax 37.700 tấn (tsar zuôr luôs 11.000 tấn njuôk li shông 2021). Hâur ntơư, muôx 1.120 ha cà phê kaz txơưr hlo; 23.448 ha txâuk chai truôx njês hâur ntiax têz (4C, RA), đros trâu ntâu qơư chos trơưk VietGAP, hữu cơ tâu kriz đar, muôx txos 1.560 zis côngv chos nhoz 2 thax tsav chos tu trơưk tsưr ziv yiaz. Txix ntơư, cà phê Sơn La zênhv hnuz zênhv chok nxias qơư sơưr, hax huv tưz tâu muôz ntơưr kria qơư chos thiaz muôx 5 zav hax huv OCOP; hâur ntơư, muôx iz zav huv tâu 5 luz hnuz kuz hâur têz qơưk.

Zos iz hâur 5 kror qơư muôx mair jov cà phê lox yax thax tsav tỉnh, Công ty CP Phúc Sinh Sơn La tưz siz khov đros 876 zis tuz kôngz têx xã Chiềng Mai thiaz Mường Chanh cxiv tsa thax tsav cà phê muôx đêx zưs, xav hur si yax 670 ha. Đros ntơư, muôx cêr siz khov đros 1.600 zis tuz kôngz, chos yax 2.000 ha, xav sâu tâu txix 15.000 - 18.000 tấn cà phê nhôngk hâur iz shông, bâuv 4.000 tấn cà phê kruôr muôs trâu oz chas têz qơưk.

Hâur 3 shông fuô lês Dự án “Tir tâuk đêx ar huôz chuô txơưr txar ntơưv têx paz pơưs tsik tâu pâuz tu cà phê” tưz tâu ntâu zav trâu ntơưv Sơn La, paz trâu yax 3.500 zis hlôngr pâur txix li chos tsơưs, chia chos ntâu yênhx hax huv đros trâu nôngz txi ndư, muôx 3 kror qơư vâuv zuz thiaz 16 ha luz vax zos zav nôngz txi ndư.

Txix li hâux lưv chos, tu trơưk hữu cơ cov truôx njês thiaz muôx cêr siz khov txix tsêr luôv thiaz tuz kôngz, ngành cà phê Sơn La tưz cxiv tsa tâu qơư chos thiaz tu cov tir tâuk ntux hiav txix li đêx ar huôz chuô txơưr txar. Ntơư zos tsưr ziv thiaz hâux lưv lês fiv huv chia por hưv cà phê, cxơưz paz nênhs chos sâu nju nhiax uô nênhx truôx njês thiaz chok nxias côngz bê cà phê Sơn La trâu cêr luôv hâur ntiax têz.