Thax tsav xã Đông Sang nhiv no muôx 1.200 ha têz chos cxuô zav jâuz, chos jâuz tsênhv mas huôz chuô txơưr txar uô hiav; muôx jê 50 ha têz mas hiav tiv yar ntux thiaz đêx nas nhaz têx jâuv zuôr tso tsês. Txix li huôz chuôz txơưr txar, xã Đông Sang tưz muôx ntâu faz tsưr ziv huôv tsar chos jâuz chia tir tar huôz chuô txơưr txar. UBPX xã tưz tsik tsês fuô kria, zaz zâuv pêx xênhv hlôngr cêr xav uô kôngz, txix huôz chuô txơưr txar mal tuz kôngz tưz hlôngr zôngv txơưx fiv tsưr ziv; muôz têx jâuz sâu nju, jông, tir tâuk ntux kruôr, caz, hmoz lok tsêz chos chia huôv tsar chia cov muôs tâu gri thiaz hur trâu nênhs sir zôngv.

Ntơưv jok Búa, têx liax tsik muôx txâuk đêx nhiv no tưz muôz hlôngr chos têx jâuz, txir nox tir ntux kruôr, li: Jâuz, txir plâux thiaz pax. Jok muôx 16 ha têz uô kôngz. Đrav ntêx, pêx xênhv khênhr chos blêx 1 chiv, têx shông lok no, tiv huôz chuô txơưr txar, đêx lok trâu liax tsik txâuk, blêx tsik hloz, sâu tsik nju. Txix li têx cêr phiv liv ntơư, jok tưz fuô kria, zaz zâuv pêx xênhv hlôngr 16 ha têz chos blêx 1 chiv chia chos pax, cxuô zav jâuz thiaz txir plâux, muôx jâuz yênhx hax huv muôx nux gri muôs trâu cêr luôv, tâu nhiax txiax siaz đuô; muôx ntâu ziv sâu tâu yax 1 tỷ nhiax zos chos jâuz thiaz txir plâux.

Đhâu fuô, kria, tix lâus Lò Duy Hải, ziv nênhs nhoz jok Búa tưz hlôngr 5.000 thiar xưv liax chos blêx 1 chiv chia chos 3 chiv jâuz thiaz 1 chiv txir plâux. Tix lâus Hải thav tiak: Txơưx fiv huôz chuô txơưr txar, cur tưz muôz ntâuz tax chus ntiv đêx, đros trâu zôngv têx đêx tsuôs tsơưs chia cov uô tâu jâuz; sir zôngv tax vor cov tsik hâuk đêx. Txix ntơư, têx jâuz thiaz txir plâuz huôv tsar jông, muôs tâu nhiax yax 300 triệu đaiv/shông.

Tsik zos hlôngr jâuz chos, muôz nôngz yiaz sâu nju, kaz, huv huôz chuô, tuz  kôngz xã Đông Sang tưz truôx siaz sir zôngv txơưx fiv tsưr ziv uô kôngz. Txos nhiv no, hur si xã muôx 250 kror qơư uô jâuz, ziv nênhs sir zôngv tsuôs đêx txuôs jiak trâu 180 ha têz jâuz; 98 kror qơư, ziv nênhs uô tơưv 45 ha luz tsêr tsov iar, tsêr xor vak; 3 luz qơư sir zôngv chos jâuz jông trơưkVietGAP, GlobalGAP đros yax 21 ha têz jâuz thiaz ntông nox txir.

Txix li lax tưr tâu huôz chuô txơưr txar, xav têx tsưr ziv fiv huv, muôz cêr txơưx fiv tsưr ziv chuôz zênhx yiaz chos jâuzzos faz muôx liv ntơưv Đông Sang chia chos jâuz lông huôv tsar truôx njês .