Hang Chú zos iz hâur têx xã chos tâu hơưk ntâu yax ntơưv huyện Bắc Yên. Muôx huôz chuôz lax nzias, đêx ar tros, muôx ntâu har jôngr, ntâu tus đêx, nông jơư, nziv chos hơưk thiaz hơưk tưz yênhx zav paz pêx xênhv cxuz cêr yaiz, cêr pluôs ntơưv xã.

Zos iz lênhx xuz gra nôngz hơưk lok chos trâu har jôngr thax tsav xã Hang Chú, zơưs Txuk Xênhv Zax, jok Pa Cư Sáng, thav tiak: 2006, cur gra nôngz hơưk ntơưv huyện Văn Bàn, tỉnh Lào Cai lok chos siv 1 ha hâur xuz jôngr, pov huôv tsar jôngr,  cur ho zuôr nôngz lok uô zuz, chos nzir tâu yax 3 ha. Nhiv no, iz shông đê tâu yax 10 tấn txir nhôngk, muôs tâu yax 200 triệu nhiax. Đros ntơư, cur ho uô nôngz thiaz zaz zâuv pêx xênhv hâur jok chos hơưk hâur xuz jôngr, đros trâu saiz car, por hưv jôngr. Ntơưv têx thax tsav chos hơưk, fuô kria pêx xênhv tsik luôx, tsik ntor jôngr, đros ntơưr chos jôngr, cov muôx jôngr nzôngr tox trôngz hâur pêk, muôx jông nzôngr lax trâu hơưk huôv tsar.

Txos nhiv no, pêx xênhv xã Hang Chú tưz chos tâu yax 300 ha hơưk, đê tâu têx txir yax 470 tấn txir/shông, paz tâu cêr nox nhoz trâu pêx xênhv nhoz tox siaz txir li chos hơưk, hưv jôngr, ntâu ziv muôx đaiv nhiax truôx njês, hla đhâu cêr pluôs txix chos. Đros ntơư, paz trâu pêx xênhv pâuz lol sâuv hâux lưv por hưv, tu saiz têx har jôngr.

Cêr siz tưr chos hơưk cux tâu huôv tsar chos muk đêz đar trâu têx xã Háng Đồng, Tà Xùa, Xím Vàng, Làng Chếu... Zơưs Mangk Xênhv Hơưx, Chủ tịch UBPX xã Háng Đồng, thav pâuz: Xã muôx 508 ziv, 3.142 tus nênhs, hâur ntơư, muôx yax 90% chor ziv nênhs chos hơưk, ziv chos tsơưs yax cux muôs tâu 30 - 40 triệu đaiv nhiax/shông; ziv chos ntâu muôs tâu txix 150 - 200 triệu nhiax/shông. Nhiv no, xã muôx yax 120 ha hơưk. Chia huôv tsar truôx njês, iz chas kriz đar têz chos hơưk, xã tsênhv đros têx cơ quan chuyên môn kriz, tso têx paz pêx xênhv mul cơưv nzir tsưr ziv, kria lol sâuv chos, tu, đê txir, tsưx tsês hơưk, xav cov têx hơưk thax tsav no jông muôs tâu gri.

Moz siaz huôv tsar chos yuôx njuôz trâu thax tsav huyện, hâur ntơư, muôx hơưk, têx shông đhâu, huyện Bắc Yên tưz muôz nhiax đros trâu lês têx hâux lưv dự án lol sâuv paz nôngz chos; txiz cán bộ muk kria pêx xênhv tsưr ziv chos yuôx hâur têx xuz jôngr; tu saiz, phax tar caz hmoz hiav têx yuôx. Kriz têx paz cơưv nzir tsưr ziv đê txir, tsưx tsês thâuv đê tas chia cov jông; sir jos yâu mông, zuôr muôs têx txir hơưk...

Pos Dương Thị Lan Hương, Trưởng phòng Kôngz lông thiaz huôv tsar jêx jok huyện Bắc Yên, thav pâuz: Txix shông 2017 txos nhiv no, huyện tưz fuô lês 6 dự án paz 523 ziv chos 341 ha yuôx njuôz, xav nhiax uô tas yax 4,4 tỷ đaiv. Đros ntơư, cxiv tsa qơư jiaz, kra txir hơưk kruôr txâuk chai OCOP 3 hnuz cấp tỉnh. Tsov xav txos shông 2030, huyện zuôr tror paz pêx xênhv chos yiaz 400 ha hơưk, paz pêx xênhv muôs tâu nhiax, cxơưz cxiv luz nênhx thiaz pâuz por hưv, huôv tsar jôngr. Đros trâu ntơư, cxơưz paz pêx xênhv tsa tơưv HTX, siz khov zuôr txir hơưk cov truôx njês.

Txos nhiv no, huyện Bắc Yên muôx jê 563 ha hơưk, đê tâu zuôr luôs tâu 550 tấn txir/shông; xav siz bâus chos hâur xuz jôngr muôs tâu li 40 triệu đaiv nhiax/ha. Viv muôx tuz luôv zuôv ntâu, mal muôs tâu tus gri truôx njês, li ntơư, txir hơưk tâu xair zos zav yuôx tâu pêx xênhv chos ntâu đuô, chuôz jos huôv tsar nhiax ntơưv têx xã tox siaz Bắc Yên.

Chos hơưk, mak zos faz cêr tsưr ziv fiv huv muôs tâu nhiax txiax, cxuz cêr yaiz pluôs trâu pêx xênhv têx xã tox siaz huyện Bắc Yên. Chia huôv tsar truôx njês, têx ziv chos hơưk tok nrư, huyện zuôr tror paz kria tsưr ziv thiaz nriar têx tsêr luôv zuôr têx txir truôx njês, yax hlo mak paz chuôz zênhx tsưx hưv, kra tsês thâuv đê tas, paz pêx xênhv tso siaz tu trơưr têx hơưk./.