Sơn La muôx 85.000 ha ntông nox txir, lar haik mak txir mo môngk Sơn La, lưv tsiz Sông Mã, cà phê Arabica, yuôx zêx, ntâu zav txâuk chai muôs uô luôv trâu oz chas têz qơưk. Nuôv zax tâu kruô nhiav, viv muôx ntâu qơư nuôv zax jông, huôz chuô lax, ntâu tsêr txux chi jông Puôz Ziz, Hmôngz, Cho. Uô ntêx hlo mak: Têz qơưk thax qơư nuôv zax Mộc Châu, zos kror qơư ntux trâus têz xênhz jông yax hâur ntiax têz; nuôv zax pak điện đêx Sơn La; saiz huôz pư har grax kâuv trôngz naz ka; têz qơưk kror qơư tir tsor tros Tsêr tux Sơn La; muôx ntâuz cênhz xưv jông, kar hno kaz.

Pos Lê Thị Hồng Anh, Giám đốc Trung tâm Xúc tiến Đầu tư, Thương mại thiaz Nuôv zax tỉnh, haik: Yênhs shông, Trung tâm bax hâux lưv mênhx trơưk yênhx luz hli, hlôngr yiaz tsik so hâux lưv cov fiv huv, siz chos cơư têx đuôz, luk fuô đhâu têx cơ quan fuô chai tỉnh thiaz Trung ương. Trung tâm cux khov têx paz nênhs uô Côngz xưv piar muôs cà phê Sơn La trâu ntơưv Hy Lạp, EU thiaz têx têz qơưk thax tsav Trung Hải, cov cxuô qơư thôngz ntiax têz pâuz txos têx hâux huv ntâu đuô.

Txix thâuv hâu shông txos nhiv no, Trung tâm tưz kria uô tiar ntơưr saz lax trâu UBPX tỉnh Dự án Tsêr máy tuz kôngz hur; paz uô 4 thov ntơưr thor yiaz, 8 thov ntơưr thor kho đuô ntơưr chos luk cxưx nhiax uô nox trâu Công ty CP Minh Trang, Công ty CP Đầu cxưx nhiax cxiv puôz Thương mại Sơn La. Iz chas ntơư, cux fuô kria nzir tsưr ziv cxiv tsa DDCI; cơưv, fuô Chỉ số DDCI 2024 thiaz yôngv pênhr xưv cxênhz yuôx, saiz car zôngv DDCI, paz max cêr lax luôv ntơưv tỉnh.

Lok sâuv cxưx nhiax huôv tsar cêr lax luôv nuôv zax, Trung tâm tưz paz tsêr luôv, HTX thiaz têx ziv nênhs uô lax luôv muk muôs huv trâu 14 jias ciaz, lês 5 luz luôs hâux lưv lax luôv hâur tỉnh thiaz oz chas. Larr haik mak, Ciaz lax luôv ntiax têz Việt Nam (VIETNAM EXPO) 2025 ntơưv Hà Nội; Grâuv pax cà phê Buôn Ma Thuột jias tiv 9; Ciaz nuôv zax ntiax têz VITM 2025; Hnuz grâuv pax nuôv zax TP. Hồ Chí Minh jias tiv 21. Trung tâm cux piar muôs txir khơưz kaz jiz Sơn La hâur jias lês hâux lưv njuôz hur; Grâuv pax txir khơưz kaz jiz Sơn La 2025; muôs plâux, txir khơưz kaz jiz Sơn La sâuv yêz za Vietnam Airlines thiaz têx siêu thị Saigon Co.op, BigC, WinCommerce.

Hâur 7 luz hli đhâu, Trung tâm tưz sir jos njok lês hâux lưv, Sơn La tưz muôx 7 dự án yiaz, yax 2.500 tỷ nhiax chos luk uô nox, phênhv ntâu mak cêr uô kôngz lông, tu k nôngz thiaz điện yar ntux. Tỉnh tok tâu yax 2,9 triệu pưs kruô nuôv zax, tsar yax 11% njuôk li shông uô ntêx, sâu tâu 3.422 tỷ nhiax. Têx nhiax sâu txix muôs huv muk oz chas têz nto 112,2 triệu đô la, tsar yax 10%, hâur ntơư kôngz lông txênhz 108 triệu 700 cxênhz đô la, zos cà phê, yuôx zêx, mo môngk thiaz txir tsơưz.

Txix no tax tas shông 2025, Trung tâm zuôr tror paz tês tsưr cxưx nhiax uô sai têx ntâuz ntơưr, ntiar ar, jav uô têx dự án zov chênhr uô ntêx, li chos ntông nox txir ntơưv jok Đông Hưng, xã Muổi Nọi; Tsêr máy tu cà phê, xã Chiềng Mung thiaz qơư muôs trox xăng Hoàng Văn Thụ, phường Chiềng Cơi. Tsik tas li, kriz Ciaz OCOP muôs huv ntơưv Hà Nội; Tuần kôngz lông ntơưv Hải Phòng; jax đuôz piar lok sâuv têx qơư nuôv zax  đros trâu cêr uô kôngz lông kriz sâuv VTV1; kria nzir tsưr ziv muôs têx hax huv zos kôngz lông đhâu cêr luôv điện tử, livestream muôs huv; paz njuôk tsov uô hnar trâu huv, bê ntơưr lo trâu têx huv, xair huv công nghiệp jêx jok jông. Dự án DDCI 2024-2027 zuôr tâu zoongv paz max cêr lax luôv jông đuô.

Trơưk txox chai xav, paz têx tsêr luôv thiaz sir zôngv tas têx zav muôx txơưv, Trung tâm Xúc tiến Đầu tư, Thương mại thiaz Nuôv zax tỉnh taz tov cxiv tsa Sơn La huôv tsar, trơưv cêr huôv tsar nhiax txiax truooxx njês, đros ntiax têz siz khov.