Phường Thảo nguyên tưz zaz zâuv têx tus khênhx, paz pơưs tuôx cxưx nhiax huôv tsar ntâu tsưr ziv uô lax luôv muôx kaz hâu, paz tâu zênhx max pêx xênhv thiaz têx kruô siaz nhiav; cxiv tsa cêr muôx liv lok sâuv đêx ar, tox trôngz hâur pês thiaz huôv tsar kôngz lông sir zôngv chuôz zênhx jông yênhx têx huv jông txơưr hlo, zênhv hnuz zênhv muôx gri, chơư chôngz lênhx tuôx shuôk thiaz nuôv zax cux li paz pêx xênhv sâu nzir nhiax zôngv.

Zơưs Nguyễn Thế Nghĩa, Phó Chủ tịch UBPX phường Thảo Nguyên, thav: Đros trâu têx cêr muôx liv lok sâuv nhoz hâur đrôngs lox, đêx ar huôz chuô lax nziak thơưv shông thiaz tox trôngz hâur pês jông jav tưz zos qơư chuôz zov chênhr paz sâu nju nhiax txiax, cxưx nhiax uô, cxơưz cêr luôv. Huôv tsar vax huôv zos đrôngs lox zov chênhr, nzaz nzơưv thax tsav xênhz txơưv, cêr muôx liv thiaz muôx chôngz tiz nênhs uô hâux lưv, iz phênhv tưs cxiv tsa phường yênhx đrôngs nuôv zax hlôngr yiaz, đêx ar huôz chuô nyiaz hur, txơưx njê thiaz lar tsuv nhoz.

Njuôk li đrav ntêx, phênhv ntâu mak zos uô luôv tsêr so tsêr kruô cênhz cưv, mak nhiv no phường tưz tsa tơưv ntâu tsưr ziv so txuôs jos muôx kaz hâu. Lar haik li têx thax tsav so txuôs jos Thảo Nguyên Resort; tsêr kruô Mường Thanh Mộc Châu, tsưr ziv uô luôv 4 hnuz kuz.

Zơưs Lê Văn Ánh, Giám đốc Thảo Nguyên Hotel & Resort, kria pâuz: Pêz tưz sir jos xav tơưv iz kror qơư sox txuôs jos yiaz, fiv huv tsưr ziv huôv tsar nuôv zax njuôz, truôx njês. Chia txâuk chai đuô thiaz tâu zênhx max tiz nênhs siaz nhiav, pêz tror hlôngr yiaz vax tsêr, kriz đar têx qar tsêr cơưv,  saz lax, chia nthuôr têx cxênhx xưv lox hloz hâur têz qơưk thiaz oz chas têz.

Têx tsưr ziv uô luôv jâuz mor, đêx hâuk, trik yo uz no zênhv hnuz zênhv muôx ntâu đros trâu têx tsêr thaz nzưr uô luôv jâuz mor hair nênhs tsơưs, muôs đêx cà phê hâuk; têx tsêr thaz nzưr muôx liv, siêu thị mini thiaz têx qơư kria pâuz huv OCOP, kôngz txir nox jông txơưr hlo ntơưv Mộc Châu, li yuôx zêx, cuô mik nhux, txir khơưz, txir plâux...

Kror lar haik yax ntơưv Thảo Nguyên haik khênhx thiaz Thax tsav nuôv zax Têz qơưk Mộc Châu haik tas nro mak zos cxiv tsa xưv cxênhx kôngz lông yênhx iz zav huv nuôv zax jông. Phường tưz moz siaz zaz zâuv, paz têx hợp tác xã,  ziv nênhs siz chos, cxiv tsa têx tsưr ziv huôv tsar nuôv zax kôngz lông ndis shuôk. Đros trâu têx vax txir khơưz, thênhx caz, vax txir hồng, trôngz yuôx zêx, vax lôngs zus nhux tso cuô mik zos kruô têx qơư “check-in” jông yax hlo thâuv tuôx shuôk thiaz nuôv zax trâu lax trôngz Mộc Châu.

Kruô nuôv zax tsik zos tâu nox kôngz txir nox hur cias ntơưv qơư xưz mak tsênhv cơư tsês têx đaiv zênhx zav jông, paz tu kôngz sâu nzir nhiax zôngv txix muôs vé thiaz kôngz txir nox. Niav lâuk Nguyễn Thị Lan, tsưr vax txir hồng Lan Dương, tổ dân phố Chờ Lồng, thav tiak: Pâuz tâu tiz nênhs xar ndis shuôk, iz chas muôs kôngz txir nox trâu tuz luôv, cur ziv nênhs tsênhv cxưx nhiax cxiv kho caz vas tsiz tâus jông jav, xav tơưv qơư cxaik zênhx zav thiaz qơư muôz ntiar hnar tsôngk hair nênhs tsơưs. Chor nhiax sâu tâu txix muôs vé ndis shuôk thiaz muôs hax huv hâur vax muôx kaz hâu tưz zênhv hnuz zênhv sâu tâu nhiax ntâu.

Nhiv no, hâur thax tsav phường muôx ntâu thax tsav, qơư nuôv zax jông li: Phố muk tơư ciaz hmo ntux Mộc Châu; vok har txir khơưz Nà Ka, trôngz yuôx zêx... Têx qơư huôv tsar nuôv zax tâu cxưx nhiax uô siz luôs jok, đros trâu muôx yax 200 luz tsêr so, tsêr kruô, homestay, tsêr thaz nzưr uô luôv puôk tsar zav...Tsov xav tsưr ziv uô luôv muôx kaz hâu thiaz tiz nênhs txơưx uô hâux lưv lok six zov chênhr, phường Thảo Nguyên tưz đros têx cơ quan muôx vax huôv kriz têx jias kria pâuz tsưr ziv huôv tsar nuôv zax, đros kruô thav pêv, pâuz haik luk oz chas têz trâu têx ziv nênhs uô lax luôv. Côngz xưv saiz car têz qơưk lok sâuv gri hax huv, por hưv kar nox hur, cêr njias to ntơưv têx qơư huôv tsar nuôv zax, uô lax luôv tâu fuô lês ntov nti.

Hâux lưv cê huôv tsar cêr lax luôv đros trâu huôv tsar nuôv zax tsik zos paz sâu nju nhiax txiax xưz, mak tsênhv cxơưz mênhx mov đrôngs lox hlôngr yiaz, por hưv pêx xênhv, phường Thảo Nguyên luz nênhx tâu jông sir jos yênhx iz luz đrôngs huôv tsar nuôv zax jông jav, bluô nux, lar tsiv nhos zos đrôngs zov chênhr hâur Thax tsav nuôv zax Têz qơưk Mộc Châu - “Qơư muôx tox trôngz hâur pês jông yax hlo Ntiax têz”.