Sơn La zos thax tsav muôx qơư uô kôngz lông hax huv ntâu ntơưv thax tsav ntar jas thiaz tox siaz kâuv Têz, ntâu thax tsav chos trơưr ntông nox txir, cà phê, yuôx zêx thiaz ntông công nghiệp ntêr shông. Têx shông lok no, tỉnh sir jos zôngv txơưx fiv tsưr ziv uô kôngz lông. Txos nhiv no, hur si tỉnh muôx jê 4.000 ha ntông chos zưs đêx tsik xuôv, muôx ntơưv têx qơư chos ntông nox txir, cà phê, yuôx zêx thiaz iz cxia ntông chos zov chênhr. Têx qơư zưs đêx uô tênhr  zâu, tưx tsuôs paz sir zôngv tâu jông têx hâu đêx, txo tsơưs nhiax uô kôngz, tsik tas chôngz nênhs thiaz uô tâu ntâu kôngz lông.

Ntơưv jâus Saz lax, têx đại biểu tâu kria têx faz tsưr ziv sox, saiz car đêx ar thiaz ntông chos đhâu têx cêr xav nông, muôx cuôz, hloz huôv; kria têx faz zôngv chuôz zênhx số, txơưx hlôngr thiaz têx zav tưx tsuôs đêx chia uô tâu jông lưv ciz chos kôngz, yôngv cêr sir zôngv đêx thiaz qir trâu. Đros ntơư, côngv saz lax têx zôngx ziv, chor nhov thâuv fuô lês têx zav tsuôx đêx zưs tsik xuôv; tsưr ziv zôngv txơưx fiv chuôz zênhx, hlôngr số hâur uô kôngz lông; taix khov têx faz tsik so kria têx jông tsưr ziv, cxiv tsa têx qơư uô siv, paz tuz kôngz thiaz hợp tác xã chuôs têx chuôz zênhx fiv huv cêr tsênhz mênhx.

Uô ntêx ntơư, têx đại biểu tưz muk shuôk qơư zôngv chuôz zênhx zưs đêx tsik xuôv đros saiz car đêx ar thiaz ntông chos ntơưv jok Hang Trùng 1; saiz njôngr nuv uô ntơưv têx zưs đêx, têx chuôz zênhx txơưx hlôngr thiaz lưv ciz tso lês kror qơư no.