Hâux lưv tsênhv chênhz hâur jias no, zos tsưr ziv lês đros Bộ tiêu chí lês nuv hâur zis nênhs đros trâu têx qơư lês nuv muôx txiax njis li “Pos zơưs, niav txir uô ntêx lông lês hâux lưv jông, têx mê nhuôv mnôngs luk”, “Zis nênhs moz siaz cơưv shâuv”, “Zis nênhs 5 tsik muôx, 3 hur”, đros trrâu têx Câu lạc bộ Zis nênhs huôv tsar truôx njês thiaz qơư tâu pêx xênhv njênhs hâur thax tsav... tưz paz lês tâu ntâu zav jông ntơưv cơ sở. Txix li têx cêr sir jos cxix cxuô ntơư, cêr pâuz ntơưv têx cán bộ, đảng viên thiaz pêx xênhv lok sâuv hâux lưv cxiv tsa zis nênhs nox tsâu, hnar sor, vax huôv siz txis, shir phaz zênhv hnuz zênhv tâu cxaz nzir; ntâu lênhx nênhs gruôs lês hâux lưv tưz tâu kruôk, paz chuôz jos zov chênhr trâu cêr siz tưr cxiv tsa luz nênhx muôx txux chi ntơưv thax tsav.

Bác sĩ Đèo Đức Lực thiaz bác sĩ Lò Thu Huyền, lês côngz xưv ntơưv Tsêr kho moz Đa khoa tỉnh Sơn La, zos iz hâur têx zis nênhs tâu Tổng Liên đoàn Lao động Việt Nam kruôk zos Zis nênhs công nhân, viên chức, nênhs uô hâux lưv lês tâu nuv jông hur si têz qơưk ntu 2021-2026. Zis nênhs muôx 3 fâuv nênhs nhoz uô cê đros trâu 7 thành viên. Puôr lênhx lês côngz xưv hâur saz njuôk kho moz, puôr lênhx moz siaz jor qơư njuôk kho moz uô hnuz, uô hmo chia lês tiak têx hâux lưv chuyên môn thiaz cê moz siaz choz kria têx mê nhuôv thiaz tu têx nênhs lâuk hâur zis nênhs.

Bác sĩ Lò Thu Huyền haik pâuz: Txix li ưz oz niav txir têx hâux lưv, tưz tsik muôx six hơưv ntâu nhoz hâur vax tsê, viv li puôr lênhx kênh six hơưv lok cxiv tsa zis nênhs, puôr lênhx moz siaz choz kria têx mê nhuôv cov yênhx nênhs, iz tus uô jông haik iz tus. Tâu kruôk zos Zis nênhs công nhân, viên chức, nênhs uô hâux lưv tâu jông hur si têz qơưk mak cur lok six jông siaz, đros ntơư cux zos qơư chuôz jos zov chênhr chia pêz tror tsưx tâu jông cêr shir phaz thiaz sir jos lês tâu jông hâux lưv tâu zok.

Hok muôv Doãn Thị Thanh Hương, tiểu khu 4, xã Thuận Châu zis nênhs, muôx 4 thành viên. Shông 2023, nưk zis nênhs tưz tâu kruôk zos Zis nênhs shir phaz uô ntêx lông lês hâux lưv; ntâu shông siz lơưr lias tâu côngz bê Zis nênhs muôx txux chi thiaz moz siaz côngv têx cêr siz tưr hâur thax tsav. Muôv Hương thav pâuz: Ưz oz niav txir puôr lênhx xar tiak xar cov zis nênhs shir phaz, mak uô ntêx hlo zuôr tsuv pâuz siz hluz, siz paz. Cxuô zav hâux lưv hâur zis nênhs puôr lênhx tâu muôz lok saz lax, chia thôngx iz trôngs luk. Oz tus mê nhuôv cux tâu kruôz kria jông, mnôngs luk thiaz pâuz paz lês hâux lưv hâur vax tsê, viv li zis nênhs puôr lênhx shir phaz, siz hluz, siz paz.

Nhiv no, hur si tỉnh tsưx truôx 280 câu lạc bộ zis nênhs huôv tsar truôx njês, 510 paz pơưs phax tar zis nênhs siz đris, siz ntâuk; 681 kror qơư cxơưz paz ntơưv jêx jok thiaz 183 tus xor tôngx paz phax tar zis nênhs siz đris, siz ntâuk. Yênhx shông, muôx zuôr luôs 79% zis tâu côngz bê zis nênhs muôx txux chi. Đhâu ntơư, cxơưz paz cxaz nzir cêr pâuz trâu xã hội thiaz pêx xênhv lok sâuv hâux lưv moz siaz phax tar zis nênhs siz đris, siz ntâuk, chia cxaz nzir qơư sơưr ntơưv zis nênhs thiaz phênhv shuôv cxiv tsa zis nênhs muôx vax huôv siz txis, shir phaz. Yênhx shông, 100% têx xã, phường tso tơưv cêr tuôr xav fuô lês luôs hâux lưv phax tar zis nênhs siz đris, siz ntâuk thiaz kriz têx hâux lưv fuô kria saiz hloz Hnuz Zis nênhs Việt Nam, Hli lês hâux lưv ntiax têz lok sâuv phax tar zis nênhs siz đris, siz ntâuk.

Zơưs Phạm Hồng Thu, Phó Giám đốc Sở Txux chi, Thể thao thiaz Nuôv zax, thav pâuz: Sở tror saz lax fuô lês jông côngz xưv zis nênhs đros trâu cêr siz tưr "Hur si pêx xênhv thôngx siaz cxiv tsa luz nênhx muôx txux chi"; moz siaz fuô kria, cxaz nzir cêr pâuz lok sâuv cxiv tsa zis nênhs shir phaz, vav mênhx; kriz đar têx zis nênhs lês tâu hâux lưv jông, lês jông Bộ tiêu chí lês hâux lưv jông hâur zis nênhs thiaz sir jos phax tar zis nênhs siz đris, siz ntâuk. Đhâu ntơư, paz tsưx tâu jông têx txux chi cênhz xưv, cxiv tsa zis nênhs nhaz xênhz, chuôz jos zov chênhr trâu hâux lưv huôv tsar truôx njês hâur luz nênhx cxuô hnuz.

Saiz hloz njiaz luk “Zis nênhs shir phaz-Têz qơưk vav mênhx” hâur Hnuz Zis nênhs Việt Nam shông 2026, côngz xưv zis nênhs zênhv hnuz zênhv tâu moz siaz txos thiaz hlôngr yiaz, đhâu ntơư paz cxiv tsa luz nênhx tâu jông. Ntơư zos qơư chuôz jos zov chênhr chia zis nênhs tror tâu tsưx truôx, lês nto mông đêz đar, nthuôr huôv tâu jông cênhz cưv ntơưv hair nênhs.