Yuôx zêx Tà Xùa hâuk kaz tsư ha

Nhoz siaz đuô blaiv đêx hiar txưr yax 1.500 thiar, Tà Xùa pok huôz niaz thơưv shông. Viv huôz chuô txiak thiaz pok huôz mal thiax chos tâu têx tsoz yuôx zêx Shan tuyết lâuk trâu ntơưv tox trôngz têz Tây Bắc.

Sâuv têx grax trôngz tox siaz Tà Xùa, têx njik yuôx zêx lâuk tuôx ntâu nxuôz taz tov hloz mok nhôngk, hâuk kaz thiaz tsư ha. Tsik zos pêx xênhv tox siaz chor đêx hâuk hâur yênhx hnuz xưz, yuôx zêx Shan tuyết nhiv no taz tov paz ntâu ziv nênhs nhoz Tà Xùa muôx hâux lưv uô, sâu tâu nhiax zôngv, cxiv tsa luz nênhx hlôngr yiaz.

 

Têx tsoz yuôx zêx Shan tuyết chos tâu nhoz siaz txix 1.500-2.000 thiar ntơưv xã Tà Xùa (Ảnh PV)

 

Tsoz yuôx zêx Shan tuyết tuôx ntơưv tox siaz Tà Xùa txix thâuv ntêr lok, taz sik đrav ntêx pêx xênhv tsuôk zos đêx njik yuôx zêx chia tsâu đêx hâuk lok sik muôz muôs trâu tuz luôv li ntơư thiax tsik tâu gri. Têx shông đhâu, thâuv muôx ntâu lênhx pâuz txos yuôx zêx Tà Xùa hâuk kaz tsư ha, pêx xênhv cux piz hlôngr yiaz tsưr ziv uô nox. Txix cxênhx cxênhv por hưv, ciz njik yuôx zêx txos ntiv hâur hnaz, tik bê lax luôv thiaz uô luôv puôr lênhx tâu moz siaz txos.

Xuôk têk ciz njik yuôx zêx zos iz hâur têx hâux lưv jông yax hâur jax đaz nênhs ciz njik yuôx zêx ntơưv xã Tà Xùa (Ảnh PV)
Tix lâus Châu Xênhv Lux, jok Chung Trinh, xã Tà Xùa, zos iz hâur têx ziv nênhs chos yuôx zêx Shan tuyết txix thâuv ntêr lok. Đros trâu muôx 7 ha yuôx zêx taz tov muôx nhiv no, xav fênhx đraz iz héc ta tâu sâu txix 3 - 5 chov yuôx zêx kruôr/shông, yênhx shông nưk ziv nênhs sâu tâu zuôr luôs 300 triệu nhiax txix muôs yuôx zêx.
Kria pâuz lok sâuv yuôx zêx kror muôx gri, tix lâus Châu Xênhv Lux haik pâuz: Đrav ntêx chos poz cưk lok six txov nhêv taz sik cux tsik txâuk nox. Txix thâuv yuôx zêx tâu gri, kruô nuôv zax thiaz tuz luôv tưz tuôx shuôk, nus zuôr njik yuôx zêx chôngz đuô, li ntơư nưk ziv nênhs tưz muôx nzir nhiax sir zôngv truôx njês.
Cán bộ xã Tà Xùa cxênhz yuôx têx tsoz ntông yuôx zêx lâuk hâur thax tsav xã.

 

Nhiv no, hur si xã Tà Xùa muôx 400 ha yuôx zêx Shan tuyết, hâur ntơư yax 200 tsoz yuôx zêx lâuk muôx yênhx puô shông tưz tâu Hội por hưv Tox trôngz hâur pêk thiaz Cêr nyiaz hur Việt Nam công nhav zos Tsoz ntông lâuk Việt Nam. Xav yuôx zêx kruôr hur si xã sâu tâu txix 1,2 - 1,5 tấn/shông, tâu gri li nhiv no 1 chiaz muôs tâu txix 300.000 - 1.500.000 nhiax. Lar haik, muôx têx huv yuôx zêx lâuk tsênhv muôs tâu yax 5.000.000 nhiax/chiaz.

Kruô nuôv zax ndis shuôk têx luz nduôr yuôx zêx Tà Xùa.

Chia yuôx zêx Shan tuyết zênhv hnuz zênhv muôx gri, têx shông đhâu, ntâu hợp tác xã thiaz tsêr luôv tưz đros pêx xênhv siz chos cxiv tsa kror qơư chos yuôx zêx, kria pâuz tsưr ziv por hưv, đê thiaz tu jông njik yuôx zêx trơưk faz hữu cơ. Txix huôv tsar tsơưs nhoz tsik uô cê, ntâu ziv nênhs tưz siz chos huôv tsar yuôx zêx zênhv hnuz zênhv muôx gri.

Yôngv yiaz bê lax luôv yuôx zêx Tà Xùa, shông 2022, Công ty TNHH Yuôx zêx thiaz Huv kaz txơưr lox Tây Bắc (Tafood) tưz cxiv tsa Tổ hợp huôv tsar uô luôv yuôx zêx kaz txơưr hlo Tà Xùa đros trâu tsưr ziv nuôv zax ndis shuôk yuôx zêx. Nhoz đruôz đraz tox trôngz hâur pêk ntơưv Tà Xùa, tổ hợp muôx thax tsav chos, tu jông, ntiv yuôx zêx hâur hnaz thiaz kria pâuz hax huv đros thax tsav ndis shuôk, hâuk yuôx zêx thiaz so ntêr hnuz. Tsik zos cxưx nhiax zuôr chuôz zênhx jông, tsêr luôv tsênhv siz chos xuôk têk ciz njik yuôx zêx chia uô tơưv têx huv yuôx zêx hâuk kaz, tsưx ha txơưr đuô kror qơư ntơưv tox trôngz hâur pêk Tây Bắc. 

Nhân viên ntơưv Công ty TNHH Yuôx zêx thiaz Kaz txơưr hlo Tây Bắc cxênhz yuôx têx luz nduôr yuôx zêx Shan tuyết.

 

Pos Nguyễn Thị Thắm, Giám đốc Công ty TNHH Yuôx zêx thiaz Kaz txơưr hlo Tây Bắc thav pâuz: Chia paz pêx xênhv sâu nzir nhiax zôngv thiaz yuôx zêx Shan tuyết Tà Xùa zênhv hnuz zênhv nto mông, pêz tưz đros 250 ziv nênhs siz chos sâu zuôr, por hưv jông 250 ha yuôx zêx. Đros ntơư, Công ty cux paz trâu 20 lênhx muôx hâux lưv uô tsik tsês thiaz 25 lênhx uô hâux lưv trơưk chaix sâu tâu txix 6 - 20 triệu nhiax/lênhx/hli.  

Yuôx zêx Shan tuyết Tà Xùa tâu puôz yênhx têx luz nduôr kruôr.

Txix têx njik yuôx zêx lâuk nhoz đraz trôngz, ntâu hax huv yuôx zêx, li: Yuôx zêx Xanh Thiện, Yuôx zêx Xanh Mây tưz tâu công nhav OCOP 4 hnuz kuz thiaz tâu kruôk hâur ntâu jias tưr yuôx zêx ntiax têz. Lar haik, huv yuôx zêx Shan tuôx chơưr, niak nduôr ntơưv Tà Xùa nhiv no taz tov yênhx iz hâur têx huv yuôx zêx hâuk kaz txơưr hlo ntơưv Việt Nam.

Yuôx zêx Shan tuyết tsênhv paz xav tơưv tsưr ziv huôv tsar nuôv zax ndis shuôk trâu tox siaz Tà Xùa. Kruô nuôv zax tuôx txos no tsik zos saiz huôz pư har xưz mak tsênhv xar tâu pov cias ntơưv qơư têx tsoz yuôx zêx lâuk muôx yênhx puô shông, ndis shuôk đêx njik yuôx zêx, ciz njik yuôx zêx thiaz hâuk yuôx zêx kaz, tsư ha.
Muôx ntâu têx huv yuôx zêx Shan tuyết Tà Xùa.

 

Zơưs Phạm Văn Phương, kruô nuôv zax tuôx ntơưv Thành phố Hồ Chí Minh, kria tiak: Ntơư zos jâus xuz thơưx cur tuôx shuôk Tà Xùa, tưz pov tâu tox trôngz hâur pêk, đêx ar huôz chuô thax tsav no thiaz lar haik têx piz yuôx zêx Shan tuyết hâuk kaz txơưr hlo. Ntơư zos têx jias ndis shuôk lar tsuv ndo, cur tưz xair zuôr yuôx zêx Shan tuyết lok uô huv krưr trâu tsêr nênhs, fôngx zưs.

Têx huv yuôx zêx Shan tuyết Tà Xùa tâu nthuôr muôs ntơưv hur si têx qơư nuôv zax. 

Nhoz đruôz đraz huôz pưx har ntơưv tox siaz Tây Bắc, têx tsoz yuôx zêx Shan tuyết lâuk tsênhv tuôx câuk, tuôx njik tưx zưv. Hâuk yuôx zêx kaz tsư ha thâuv ntux piz no, tsik zos pov tâu đêx ar huôz chuô, tox trôngz hâur pêk thax tsav no xưz, mak tsênhv pov tâu hur si cêr njênhs njôngr lok sâuv iz luz nênhx  muôx ntâu hlôngr yiaz ntơưv thax tsav tox siaz Tà Xùa nhiv no. 

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm