Têx shông đhâu, cêr siz tưr shâuv thể dục thể thao thôngz tỉnh Sơn La tưz zênhv hnuz zênhv huôv tsar. Cxuô cêr chai thể thao tâu paz nhiax siz luôs jok thiaz tso yar lês tsik so, fiv huv yênhx thax tsav, đơn vị, cxơưz pêx xênhv luz nênhx muôx cêr shir phaz. 

Uô ka cias thâuv tso luk tưr, têx đại biểu thiaz yax 3.000 lênhx cán bộ, công chức, viên chức, tuz lênhv công an, cưk kria thiaz pêx xênhv têx phường: Tô Hiệu, Chiềng Cơi, Chiềng An, Chiềng Sinh tưz siz chos uô thể dục thiaz nthuôr cêr lov jêv chôngz lênhx; đhia 2 caik cêr ndis yar tiax lox Tây Bắc.

Ntơư, zos hâux lưv tâu tso yar lês tsik so yênhx shông hâur thôngz têz qợưk. Đhâu têx hâux lưv no chia fuô kria chai, gruô hu tsôngv pêx xênhv gruôs cơưv shâuv trơưk Zơưv Côngz Hôx kria, đros trâu cêr siz tưr Viv cêr nhaz xênhz Têz qơưk. Đhâu ntơư, têx cán bộ, chiến sĩ, pêx xênhv sơưr đơưk muôx đas jos, cuz siaz sir jos lês tiar hâux lưv, cxơưz xưv cxênhx cxiv tsa thiaz por hưv Têz qơưk.

Hâur jias tưr, đhia việt dã, marathon tỉnh Sơn La shông 2026 tưz muôx 208 lênhx nhoz têx đơn vị: Công an tỉnh, Yar cơưv Đại học Tây Bắc, Yar cơưv PTDT nội trú THCS & THPT Thuận Châu, phường Tô Hiệu thiaz têx câu lạc bộ: R26, Thuận Châu Runners, Chiềng Sinh Runners.

Têx nênhs tưr zos txir nênhx, pox niav txix 12 - 17 shông thiaz txix 18 shông tror sâuv; đhia 5 caik, 7 caik, 10 caik thiaz 21 caik. Piz đhia txix ntơưv yar tiax lox Tây Bắc, đhâu ntu cêr Nguyễn Văn Linh, Võ Nguyên Giáp tror lok trâu Yar tiax lox Tây Bắc.

Suôx câuv, Ban tso yar tưr tưz puz huv trâu 6 lênhx zênhx tiv iz, 6 lênhx zênhx tiv oz, 6 lênhx zênhx txir nênhx, pox niav tưr đhia. Ndax no, Hội Liên hiệp Thanh niên Việt Nam tỉnh tưz kruôk 6 tus khênhx tưr zênhx jias no.