Cxiax cxênhv nox Tsiaz Bunpimay ntơưv Yar cơưv Cao đẳng Y tế Sơn La tâu kriz đros trâu nthuôr ntâu hâux lưv lov jêv đrông ntưk. Têx đại biểu, shuv xênhz tưz côngv yaz đuô Tsiaz cênhz cưv, khi xor chax đaz têk, tâu siz njiz, nthuôr haik cưr cxiax txuôs jông txux chi Lok Tsuôk.

Uô ntêx no, yar cơưv tưz kriz tưr hnar tsôngk cênhz cưv cxuô hair nênhs Lok Tsuôk jông gruô hu 12 paz tưr, 100 shuv xênhz tuôx ntơưv têx khối lớp hâur yar cơưv tuôx tưr. Têx shuv xênhz lok six uô jông tưr, hnar têx tsôngk khax jav muôx ntâu xiv txux chi đros txơưx haik luk, kria pâuz tsôngk hnar têx kror jông, txiax njis… paz tiz nênhs tuôx saiz pâuz mênhx đuô txux chi Lok Tsuôk.

Cux zos nhoz hâur têx hâux lưv kriz jias nox Tsiaz Bunpimay, txix hnuz xiaz 1/4, yar cơưv tưz gruô hu cêr sik tưr  “Qơư shuv xênhz nhoz đu lus hur si"; kriz tưr têx môn thể thao truz hluô, ntâuk bóng, ndơưk poz car thênhx … lov jêv, shir phaz lus, ntuôk têx shuv xênhz thiaz cxơưz cêr sik tưr đrông ntưk, zaz zâuv têx shuv xênhz tsik tsês cơưv shâuv, cơưv cov txơưx ntơưr.

Têx hâux lưv no tâu yar cơưv kriz hâur yênhx shông chia muôx qơư uô si lov jêv, chox tâu shuv xênhz Lok Tsuôk thiaz shuv xênhz hâur hur si yar cơưv cêr thôngx siaz, bôngs cêr siz khov jông hâur oz têz qơưk Việt Nam – Lok Tsuôk; hâur tỉnh Sơn La thiaz têx tỉnh Kâuv têz Lok Tsuôk.