Thâuv ntêx zos Yar cơưv sư phạm dân tộc cấp I tỉnh Sơn La, tâu tsa tơưv txix ntơưv Yar cơưv sư phạm thax tsav tưx saiz car Tây Bắc. Đhâu 60 shông cxiv tsa, huôv tsar, têx fâuv thơưx car, cưk kria thiaz nênhs uô hâux lưv Yar cơưv cao đẳng Sơn La puôr lênhx moz siaz lês tiar hâux lưv tâu zok.

Txos nhiv no, yar cơưv tưz choz kria tâu zuôr luôs 30.000 lênhx cưk kria mê nhuôv zâuk thiaz tiểu học; yax 5.000 lênhx cưk kria THCS; yax 10.000 lênhx cơưv tas cao đẳng, trung cấp têx ngành hâur ntâu zav. Kria luk Việt thiaz kria chuyên ngành trâu yax 3.200 lênhx shuv xênhz, cán bộ viên chức nhoz 9 tỉnh kâuv têz qơưk Lok Tsuôk... Yar cơưv tâu Đảng, Têz qơưk, têz qơưk Lok Tsuôk, UBPX tỉnh, têx tổ chức chính trị - xã hội muôz puz ntâu côngz mênhx, ntơưr kruôk.

Sir jos cov yênhx yar cơưv choz kria tâu jông thiaz đros oz chas têz siz khov, nhiv no, yar cơưv taz tov moz siaz lês têx tsưr ziv lok sâuv cxiv kho đuô têx ngành; cxiv tsa thiaz fuô lês Đề án yar cơưv choz kria tâu jông; moz siaz đros oz chas têz siz khov; têx tsưr ziv lok sâuv nhiax txiax. Trơưk ntơư, yar cơưv tuôr xav qơư sơưr, phênhv shuôv ntơưv cưk kria hâur hlôngr yiaz thiaz choz kria ntơưr tâu jông đuô, paz lok sâuv huôv tsar, choz kria tâu têx nênhs txơưx njê, fiv huv cêr tuôr xav huôv tsar nhiax txiax - xã hội ntơưv tỉnh  hâur ntu zuôr txos.