Hâux lưv tsưx hưv têx cênhz cưv iz txưv muôx ntơưv Mường É hâur ntu muôx ntâu tsar txux chi oz chas siz shơưk tror tâu huôv tsar yênhx hax huv công nghiệp tưz paz iz phênhv pêx xênhv xênhr xưv, lar haik mak tsôngv hluôk pâuz huôv tsar têx zav iz txưv muôx trơưk cênhz cưv. Viv li, hâux lưv tsưx hưv txux chi iz txưv muôx tâu Đảng bộ, nov hâu xã Mường É xav mênhx zos phênhv shuôv zuôr tâu lês ntêr trâu zar zuôr txos muk, chuôz jos trâu nhiax txiax, xã hội huôv tsar.

Zơưs Lò Anh Viễn, Phó Chủ tịch UBPX xã Mường É, haik tiak: Xã taz tov tsưx hưv thiaz nthuôr huôv têx txux chi trơưk cênhz cưv cxuô hair nênhs hâur xã. Hâur ntơư, cxuô cêr lov jêv txux chi, li: Xên bản, Xên mường lok sik têx cêr đaz cêr kruô thor ntux yar ntux nas taz tov tâu nov hâu đros cơ quan chuyên môn siz chos tsa đuô thiaz tsưx hưv thiaz nthuôr huôv. Iz chas ntơư, têx txux chi trơưk cênhz cưv txơưr li uô kênhx, têx suôz cưr cxiax cxuô hair nênhs cux taz tov tâu xã Mường É tsưx hưv, nthuôr huôv. Đros ntơư, cux uô têx tsêr homestay, tso yar nthuôr txux chi trâu kruô saiz, li: Siz chos côngv nthuôr txux, shâuv ntok ntâuz pas, nox têx kar hno muôx txơưv... chia piar kria têx txux chi muôx txơưv trơưk cênhz cưv trâu kruô cxuô qơư.

Hiaz tơưz shôngz trơưk cênhz cưv Puôz Ziz ntơưv jok Lùa tâu tsưx hưv ntâu tiav nênhx lok txos nhiv no, têx hax huv jông hair nênhs Puôz Ziz, li: Hiaz poz tơưz trâu mor, hiaz trôngx mor, hiaz tơưz chuôz njêk, hiaz qông, tơưz pôngz lux trâu kôngz, tơưz khuôv muk uô têz… Tsưx hưv txux chi muôx txơưv chia huôv tsar nuôv zax, ndis saiz têx poz tơưz shôngz hâur thax tsav, Tổ hợp tác hiaz tơưz shôngz tâu tsa trâu shông 2022, muôx 15 lênhx. Cxuô zav huv uô tâu ntơưv Tổ hợp tác muôs tâu txix 80-120 cxênhz nhiax/zav, paz trâu pêx xênhv sâu tâu nzir 3 - 5 triệu nhiax/hli. 

Zơưs Lò Văn Hoan, Bí thư Chi bộ, hâu jok Lùa, haik tiak: Phênhv ntâu têx nênhs tsênhv txơưx hiaz tơưz shôngz hâur jok Lùa puôr lênhx zos têx lâuk, li ntơư Chi bộ thiaz Ban Saiz car jok tưz gruô hu cov têx lâuk txơưx hiaz tơưz no kria trâu têx hluôk thiaz xênhz lênhx xênhz nzưr hâur jok chia tsưx hưv têx cênhz cưv jông tsês. Xã taz tov bax đề án tsa jok hiaz tơưz shôngz, tsưx hưv têx zav muôx trơưk cênhz cưv ntơưv jok Lùa, chia siaz njôngr zuôr nzor tâu lês, tsưx hưv têx zav iz txưv muôx txơưv tok kruô tuôx nuôv zax, ndis uô si.

Hok zơưs Quàng Văn Vu, Bí thư Chi bộ, hâu jok Chiềng Ve, xã Mường É, mak haik tiak: Hâux lưv ntok ntâuz pas, xơưk tsôngk yo trơưk cênhz cưv iz txưv pêx xênhv zôngv, tâu pêx xênhv hâur jok uô jông kria trâu têx hluôk. Iz chas ntơư, jok tsênhv puôz tiz têx paz nênhs nthuôr txux chi hâur jok shâuv tsik so têx txux chi sênhr chêr trơưk cênhz cưv, têx suôz cưr cxiax chia nthuôr uô lov jêv hâur tsôngv pêx xênhv.

Tsưx hưv têx txux chi iz txưv muôx trơưk cênhz cưv ntơưv xã Mường É tsênhv tâu cxuô yar cơưv ntơưv no chox muk kria hâur tsêr cơưv, hâur têx jias tso yar nthuôr txux chi yar puôv, paz shâuv xênhz pâuz moz siaz đros tsưx hưv têx txux chi muôx txơưv ntơưv trôngz têz qơưk no. Lar haik yax mak, UBPX xã taz tov bax đề án huôv tsar nuôv zax txux chi tsưx hưv têx zav muôx txơưv, chia huôv tsar tsik chia pôngz, cov huôv tsar nzir txux chi cênhz cưv hiaz poz tơưz shôngz kria ntâu kror qơư pâuz, muôx chôngz nênhs zuôr paz pêx xênhv muôx hâux lưv uô, sâu nju nhiax txiax thiaz huôv tsar nuôv zax.

Tsưx hưv truôx têx zav muôx txơưv chia paz pêx xênhv muôx hâux lưv uô, xã Mường É taz tov iz thênhv jux juk cxiv tsa têx zav muôx txơưv cov yênhx têx hâux lưv huôv tsar nhiax txiax - xã hội. Têx tsưr ziv tuôr xav no, tsik zos cxiv tsa yênhx qơư nuôv zax ntơưv trôngz Pha Đin xưz mak tsênhv chuôz jos chia txux chi tror nthuôr huôv tas têx txiax njis iz txưv têx lâuk zênhx muôx, yênhx cêr jông siaz cxuô fâuv tov kaz ndo njôngr.