Côngv jias uô tiar trôngx vas muôx têx đồng chí: Thox Nhiax Shôngx, kuz Uỷ viên Ban Chấp hành Trung ương Đảng, kuz Chủ tịch Trung ương Hội Tuz kôngz Việt Nam, kuz Bí thư Tỉnh uỷ Sơn La; Lò Minh Hùng, Phó Bí thư Thường trực Tỉnh uỷ, Chủ tịch HĐPX tỉnh; thơưx car iz cxia sở, ngành ntơưv tỉnh.

Jok Chà Mạy nhiv no muôx 104 zis, phênhv chôngz zos cưr tix Hmôngz nhoz, sơưr đơưk puôr lênhx thôngx siaz, trâu siaz khưr nox, khưr hâuk thiaz tsưx tâu jông têx txux chi, cênhz cưv jông. Têx shông đhâu, jok puôr lênhx tâu cấp uỷ, nov hâu moz siaz paz max huôv tsar nhiax txiax - xã hội, cxiv tsa jêx jok yiaz thiaz txo tsơưs cêr pluôs truôx njês. Nhiv no, jok yuôr 10 zis pluôs tâu cấp uỷ, chi bộ phaiz têx đảng viên paz tơưv đhâu cêr pluôs.

Lês luôs hâux lưv cxiv tsa jêx jok yiaz, jok Chà Mạy cxiv puôz 2 luz trôngx vas lok trâu hâur jok, xav nhiax tas yax 447 triệu đaiv, hâu ntơư, pêx xênhv hâur jok paz 87 triệu đaiv, zaz zâuv têx paz pơưs, tus khênhx thiaz cán bộ, đảng viên paz yax 360 triệu đaiv.

Trôngx vas tâu uô tiar paz trâu thax tsav jông jav, hur si. Đros ntơư, kria pâuz mênhx cêr thôngx siaz, moz siaz ntơưv cán bộ, đảng viên thiaz pêx xênhv jok Chà Mạy lol sâuv lês cêr siz tưr cxiv tsa jêx jok yiaz, cxơưz paz fuô kria têx zav jông ntơưv jok Chà Mạy thiaz thax tsav cênhz cưv cxiv tsa têz qơưk ntơưv Long Hẹ txos trâu cxuô lênhx, cxuô tus.