Uô tiar thiaz đai fiax luz tsêr paz uô trâu zis nhoz tsêr ntuôs ntơưv xã Chiềng Lao

Hnuz xiaz 7/10, đồng chí Lê Hồng Long, Ủy viên Ban Thường vụ Tỉnh ủy, Thơưx ban Tổ chức Tỉnh ủy, đros paz côngz xưv tưz cxênhz uô tiar thiaz đai fiax luz tsêr paz uô trâu zis nhoz tsêr ntuôs trâu niav lâuk Lò Thị Chủ, jol Nà Lếch thiaz tix lâus Zax Xênhv Lâux, jol Phiêng Phả, xã Chiềng Lao, huyện Mường La. Ntơư zos hâux lưv lês Saiz hloz 93 shông Hnuz tsa yênhx ngành Tổ chức cxiv tsa Đảng (14/10/1930 - 14/10/2023).

Đồng chí Lê Hồng Long, Ủy viên Ban Thường vụ Tỉnh ủy, Thơưx ban Tổ chức Tỉnh ủy, đros nov hâu huyện Mường La, đaiv fiax luz tsêr uô paz trâu zis nênhs tsêr ntuôs niav lâuk Lò Thị Chủ, jol Nà Lếch, xã Chiềng Lao.

2 luz tsêr tâu paz no zos cxiv puôz tsêr cấp 4, nhav nxias trơưk 3 zav khor plar tsêr, faz nja thiaz trur khor; xav đar yax 40 thiar xưv phaz; vor vuôk hlâu txiak; xav uô tas yax 110 triệu nhiax/tsêr. Hâur ntơư, Chinhz tsav sik tưr số 1 - ngành Tổ chức cxiv tsa Đảng, Ban Tổ chức Tỉnh ủy paz 35 triệu nhiax/tsêr; đuô li zos pêx xênhv hâur jol thiaz têx cưr tix cxênhz jê siz chos côngv paz. Luz tsêr uô tiar muôz lol zôngv zuôr paz 2 zis uô nênhx truôx njês, tso siaz khưr uô kôngz lông, sir jos tơưv đhâu cêr pluôs.

Đồng chí Lê Hồng Long đros nov hâu huyện Mường La puz huv trâu tix lâus Zax Xênhv Lâux, jol Phiêng Phả, xã Chiềng Lao.

Uô ntêx ntơư, đồng chí Thơưx ban Tổ chức Tỉnh ủy, đros paz côngz xưv mul cxênhz hâux lưv fênhx kuô tsêr chia tso 23 zis pêx xênhv mul nhoz đhâu mas ntux nas hiav thâuv hâu hli 8 nhiv kruôr đhâu trâu jol Nà Lếch, xã Chiềng Lao.

Đồng chí Lê Hồng Long đros paz côngz xưv mul cxênhz hâux lưv fênhx kuô tsêr chia pêx xênhv mul nhoz đhâu mas ntux nas hiav ntơưv jol Nà Lếch, xã Chiềng Lao.
Biên dịch: Và Thị Lia
Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm