Qơư Yar cơưv Tiểu học jok Thẳm zos qơư cơưv ntơưr ntơưv 86 tus tuz cơưv zos mê nhuôv Hmôngz thiaz Poz Ziz. Thâuv ntêx, tiv tsik txâuk qar cơưv, yar cơưv tưz kriz lớp lav cơưv, cơưv uô cê, vax tsê đos đis, tsik truôx khor trâu cêr kria thiaz cơưv ntơưr. Kênh têx cêr txov nhêv ntơư, Tỉnh đoàn Sơn La tưz chuôs tâu, zaz zâuv têx đơn vị, tsêr luôv, paz pơưs siaz đơưz paz nhiax cxiv puôz qơư yar cơưv truôx khor trâu tuz cơưv. 

Yar cơưv piz uô txix luz 5/2025, uô tiar trâu kaz hli 8/2025, muôx: 2 qar lớp cơưv, xav lox đar 70 m². Têx qar tsêr cơưv puôz truôx khor, nja tsêr ar gạch, đros tsêr muôx trox ntông tir yar cuz, trur tsêr vor tôn xốp cov tsik sor, đhok cxix cxuô chuôz zênhx điện, nzuôv nzuôx chuô, paz jông trâu cưk kria thiaz tuz cơưv - cơưv hâur qơư jông yax. Xav hur si nhiax cxiz puôz yax 400 triệu đaiv, zos Yar cơưv Tiểu học Vinschool Ocen Park, Trung tâm Fuô mông Pênhr nhiax jông siaz Việt Nam, Dự án Jos lox 2000 thiaz Công ty cổ phần Nuv uô txar qơư pov njôngr (Mo Mo) paz txos. 

Ndax jâus no, têx đơn vị paz nhiax tsênhv puz uz no, chuôz zênhx kria ntơưr trâu  qơư yar cơưv xav hur si nhiax jê 50 triệu đaiv; puz 86 poz huv muôx pav sor, suôz thax, ntơưr sâu trâu têx tuz cơưv ntơưv qơư yar cơưv jok Thẳm, siz chos bôngs nzir cêr cax siaz thiaz chuôz jos chia têx mê nhuôv tsik tsês sir jos cơưv ntơưr jông đuô.